Números 11:29 - Kashibo-Kakataibo Biblia

²⁹ Kiabi ka Moisésnën kakëxa: —¿ꞌËn usakin ñu ꞌati kuëënima kaina usai kin? ¡ꞌËn kana kuëënin Nukën ꞌIbun ain bëru ñunshin ꞌinánkëx ka kamabi unix an aín bana ñuikë unikamasaribi ꞌiti ꞌikën!

Números 11:29 Iomraidhean Croise

Joel 2:27

ꞌimainun kamina Israel unikama mitsun ꞌunánti ꞌain, ꞌëx mitsun Dios ꞌaish mitsubë ꞌain, ꞌëx kana mitsun Dios a ꞌain, usa ꞌain ka bëtsi ꞌësaribi ꞌaíma ꞌikën. ¡Usa ꞌain ka ꞌën unikama uínsaranbi rabinkë bërútima ꞌikën!

Joel 3:1

“Ësai ka Dios kiaxa: Uínsaran nëtën karana axa ami nishkë unikaman tëmëraminuxun ꞌain menu uan ꞌën unikama bëtëkëni anun ka Judá menu ꞌikë ꞌimainun Jerusalén ëmanu tsóti ꞌën unikama utëkënti ꞌikën.

Números 11:30

Usai ꞌitankëx ka Moisés ꞌimainun Israel unibunën kushibu atux anu ꞌikënu kuankëxa.

Lucas 10:2

Xuquin ca cacëxa: —ꞌAisamaira uníxa ꞌëmi sinánti ꞌaínbi ca an atu ꞌëmi sinánun ꞌaquinti uni ꞌitsamashi ꞌicën. Usa ꞌaish ca naënua ꞌaisamaira ñu bimi ꞌaínbia an biti uni ꞌitsamashi, usaribi ꞌicën. Usa ꞌain camina Nucën Papa Dios axa ëmi sináncë unicaman ꞌibu, a ñucáti ꞌain, an uni ꞌëmi sinánun ꞌaquinti unia ꞌitsa xunun, bimi ꞌibu unían an bimi biti uni xucësaribi oquin.

Hechos 26:29

Quia ca Pablonën cacëxa: —Nucën Papa Dios cuëëncësabi oi cana mishima an ꞌëx quia cuacë unicamaxribia, ꞌëx ꞌicësaribiti, bënëtishi Cristonën uni ꞌiti cuëënin. Bënëtishi ꞌiananbia abi munu sinanati Cristonan ꞌiti cana cuëënin. Mix ꞌëx ꞌicësaribiti Cristonan ꞌaíshmi, ꞌëx ꞌicësaribiti manë risin tëcërëcacëma ꞌiti, cana cuëënin.

1 Corintios 13:4

An uni raíri nuibacë unin ca bëtsi unia abë upíma ꞌicëbi ami nishquinma upí oquinshi caia. Usa ꞌaish ca bëtsi unibë upí ꞌia. An uni raíri nuibacë uni ax ca bëtsimi nutsima. Ca —bëtsi unibë sënë́nmaira cana ꞌai —quixun sinanima. Ca rabiacatima.

1 Corintios 14:5

Mitsúxmi unin cuacëma banan banati cana ꞌëx cuëënin. Usa ꞌaínbi cana mitsúxmi usai banati cuëëncësamaira oi mitsúnmi Nucën Papa Diosan sinánmicëxun aín bana unicama ñuixunti cuëënin. Unin cuacëma banan banaquinbi uisai quicë cara a bana ꞌicë quixun ñuixuncëxunma ca bëtsi unin uisai quicë cara quixun ꞌunántima ꞌicën. Nucën Papa Diosan ꞌimicëxuinshi ca unin ꞌunánti ꞌicën. Usa ꞌain ca ami catamëcë unicama Jesucristo cuëëncësabi oi ꞌinun ꞌaquinuxun an a bana ꞌunáncë unin uisai quicë cara quixun raíri ñuixunti ꞌicën.

1 Corintios 3:21

Usa ꞌain camina uin cara mi ꞌunánmia a unin ꞌunánmicëxbi rabítima ꞌain. Uisa ñu cara aín unicama Nucën Papa Diosan ꞌunánmia, a camina mitsunribi ꞌunánti ꞌain.

1 Corintios 3:3

Usai ꞌaish nutsi cuamianani nishananquin camina Cristonanma unin sináncësa oquinshi sinanin. Usa ꞌi camina an Nucën Papa Diosan bana cuacëma unicamaxa ꞌicësai ꞌin.

Filipenses 2:3

Bëtsi uni ꞌaquinti sinánquinma camina minánshi ꞌiti ñu ꞌatima ꞌain. ꞌËx cana bëtsi unisama ꞌai quixun sinani rabíquinma camina —uni raírinëx ca ꞌëx ꞌicësamairai upí ꞌicë —quixun sinánti ꞌain.

Santiago 4:5

Nucën Papa Diosan bana cuënëo ax ca ësai quia: “Nucën Papa Diosan ca ainan ꞌicë nu ñuñaia. Usa ꞌain ca an nubë ꞌinun nu ꞌináncë aín Bëru Ñunshin Upí ax bëtsi ñu ꞌaquinmanu ax cuëëncësa oquinshi ꞌati cuëënia”. A banax ca asérabi ꞌicën. Usa ca ax ꞌicë quixunu ꞌunánti oquin ca Nucën Papa Diosan aín uni usoquin cuënëomiacëxa.

Santiago 5:9

ꞌËn xucë́antu, Nucën Papa Diosan anun camabi uni aín nuitu ꞌunánquin uisoquin cara ñu ꞌaxa quixun isti nëtë ꞌurama ꞌain, camina mitsúxmi an ꞌuchocëma ꞌinun, uni raíribë ñuianani nishanantima ꞌain.

1 Pedro 2:1

Usa ꞌain camina Nucën Papa Diosnan ꞌixun ñu ꞌatimacama, cëmëti, uni paránti, nutsiti, unibë ñuiananti, acama ënti ꞌain.

1 Samuel 10:6

Usakin a iskëbë ka Nukën ꞌIbun Bëru Ñunshin mibë ꞌiti ꞌikën, ꞌimainun ka mibë ꞌikin an bana ñuixunkë unikaman sinánsaribi ꞌimikin bana ñuixunun mi ꞌimiti ꞌikën.