Números 11:26 - Kashibo-Kakataibo Biblia

²⁶ Anu ka setenta unikama anua kaískë Eldad ꞌimainun Medad kakin anëkë uni rabë́ ꞌiakëxa, ꞌaínbi ka xubusa okin chupa ꞌakë anu kuanima ain ꞌikënubi tikiakëxa. Anu ꞌaínbia, atunuribi aín kushi chukúmashi ꞌiruan ka an ꞌamikëxun raírinën ꞌakësaribi okin anu ꞌikë unikama an Dios kikë bana unikaman ꞌakësaribi okin bana ñuixuankëxa.

Números 11:26 Iomraidhean Croise

Nehemías 9:30

Usaia ꞌitsa baritia ꞌiabi kamina atu munu nuibakin min bëru ñunshin ꞌimainun; an min bana ñuikë unikaman usai kamina tëmërakanuxun ꞌai kixun kakëxa, kakëxunbi kuaisama tankën, usai ꞌia kana ami nishkë unikama bëtsi menu ꞌikë unikaman atu ꞌatimonun ëankën.

Éxodo 3:11

Ësokian kakëxunbi ka Moisésnën Dios kakëxa: —¿ꞌËx karana añu ꞌain? ¿Añu ꞌixun karana anu kuanxun faraón Egiptonu ꞌikë Israel unibu chikinuxun kai kuanti ꞌain?

Jeremías 1:6

Ësakin kakëxun ꞌënribi kan: ¡ꞌËn ꞌIbu Dios! ¡ꞌËx bëná pain ꞌixun uisai banati kara abi ꞌunaniman!

Jeremías 36:5

Usakin kuënëomitankëxun ka Jeremíasnën Baruc kakëxa: “Ka kuat, ꞌë ka anu kuainsama okin bëarakania usa ꞌain kana anuxun Nukën ꞌIbu rabiti xubunu kuainsa tanibi kuaniman.

Números 11:27

Usokian ꞌakëbë abákiani kuanxun ka achúshi tuákën Moisés kakëxa: —¡Eldad ꞌimainun Medadnën ka an Dios kikë bana uni ñuixunkëkaman ꞌakësa okin anua ꞌikankë anuxun bana ñuixunia kixun kakëxa!

Números 24:2

Usakian Balaamnën Israel kama anu ꞌikë anua ain aintsibë aintsibë bukukë a iskëbëshi ka Diosan bëru ñunshin anu uakëxa;

1 Samuel 10:22

mëraima ka atux amiribishi Nukën ꞌIbubë banatëkëánkëxa, anu kara Saúl ꞌikë ꞌunánkatsi kiax. Ñukákëxunbi ka Nukën ꞌIbun kakëxa Saúl ka ënu ꞌiaxa, ꞌaínbi ka anu chupa ꞌarukë ñu bukunkëmi unëaxa kixun ka kakëxa.

1 Samuel 10:6

Usakin a iskëbë ka Nukën ꞌIbun Bëru Ñunshin mibë ꞌiti ꞌikën, ꞌimainun ka mibë ꞌikin an bana ñuixunkë unikaman sinánsaribi ꞌimikin bana ñuixunun mi ꞌimiti ꞌikën.

1 Samuel 20:26

A nëtën ka Saúl uisaibi kiama ꞌikën, an ka sinánkëxa David sapi ka ñu ꞌatima ꞌaxa, usa ꞌaish ka upiti mëniókakëmapan ꞌikë kixun.