Números 11:23 - Kashibo-Kakataibo Biblia

²³ Ësai kiabi ka Nukën ꞌIbun kakëxa: —¿Min sinánkëx kara ꞌën kushi chamaratsu ꞌik? Bërí kamina asérabi kara ꞌëx kikësabi oi ꞌia kara ꞌima kixun isti ꞌain.

Números 11:23 Iomraidhean Croise

Génesis 18:14

¿Nukën ꞌIbun ꞌakasmati ñu kara ꞌaíma ꞌik? bëtsi bari ꞌirukëbë kana ꞌëx mi istëkëni uti ꞌain, ꞌimainun ka Sara achúshi tuáñu ꞌiti ꞌikën kixun ka kakëxa.

2 Reyes 7:2

Ësokin kakëxun ka an ꞌapu ñu mëëxunkë unin an Dios kikë bana ñuikë uni Eliseo kakëxa: —Diosan naíkamë ꞌëo xëókinun ꞌimikëbëbi ka mix kikësoibi ꞌitima ꞌikën. Usai kiabi ka Eliseonën kakëxa: —Min bërúnbi kamina usaía ꞌia ñu isti ꞌain, ꞌaínbi kamina min a ñukama pitima ꞌain.

Éxodo 6:1

Usai kia ka Nukën ꞌIbun Moisés kakëxa: —Bërí kamina uisakin karana ꞌapu faraónën kuëënkimabi ꞌën kushinbi ꞌamikëxun mitsu xunun ꞌami isti ꞌain, usa ꞌaínbi kana anbia mitsu aín menua xunun sinánmiti ꞌain; usa ꞌain ka, anbi mitsu ënuax kamina kuanti ꞌain kixun kati ꞌikën.

Isaías 50:2

¿Uisa kupín karana ukin ꞌën uibi mërama ꞌain? ¿Uisa kupín kara kuënkëxunbi uínbi ꞌë káma ꞌik? ¿ꞌËx isana mitsu ꞌakinsama ꞌai kixun kaina sinánkankën? ¿ꞌËn isana mitsu chikintima ꞌai kixun kaina sinánkankën? ꞌËx usai ka ꞌiti ꞌikë kiax kikëbëshi ka parúmpapa ëskiti ꞌikën, ꞌimainun ka bakakamaxribi anu uni ꞌikëma mesa ꞌitánun aín ꞌumpax ꞌaíma ꞌiti ꞌikën; usai ꞌikëbë ka anu ꞌikë tsatsakama ꞌumpaxñuma ꞌain xanan bamai chë́kia.

Jeremías 14:9

¿Uisa kupín kaina achúshi uni ñu ꞌianan, axa ꞌakánanti ꞌunánkë ꞌixunbi raíri uni ꞌakinkin ië́mikëma usaribi ꞌain? Usa ꞌaínbi kamina mix nun Dios ꞌaish nukama nëbëtsi ꞌiti ꞌain, usa ꞌain ka nux kananuna min unikama ꞌai kixun kamaxunbi ꞌunánkanxa; ¡usa ꞌain kamina nukama ëntima ꞌain!

Daniel 6:20

Bëbakin ka ꞌurama okin ꞌapun Daniel masá nuitukëishi aín bana ꞌixun ësokin kakëxa: —Daniel Dios këñutima oi tsókë aín uni, ¿ami ax kikësabiokin min ꞌaxunkë an kara paru ꞌinúan kamanua mi ëñëmiax?

Miqueas 2:7

¿Mitsun kaina Diosan ka aín uni Israelkama ꞌatima okëma ꞌikë kixun sinanin? ¿Mitsun kaina Diosan ka nishkin aín uni ꞌakinti ëanxa kixun sinanin? ¿Mitsun kaina ꞌëx kikësokinsa Diosan aíma kixun sinanin? ¿Mitsun kaina Dios kikë bana an kara upíñu anun amima kixun sinanin?

Números 11:22

¿Uinu kara ꞌaisamaira oveja ꞌimainun vacakama nun kamabi unibëtan sënë́ntanun rëti a ꞌik? Nun tsatsa parúmpapanu ꞌikë, kamabi bixun ꞌinánkëxi ka atubëtan sënë́nma ꞌiti ꞌikën.

Números 23:19

Dios ax ka nusama ꞌikën: ax ka këmëi bananan bëtsi okin sinántëkëkini kima. Uisa ñu ꞌakatsi kara ax kia a ka asérabi ꞌaia. Uisa ñu ꞌanux kara kiáxa a ka asérabi ax kikësabiokin ꞌaia.

Mateo 19:26

Usai quia isquin ca Jesusan cacëxa: —ꞌAisamaira ñuñu uníxa ië́tisama ꞌaínbi ca an ꞌacasmati ñu ꞌaíma ꞌain Nucën Papa Diosan ñuñu uniribi ainan ꞌinun ië́miti ꞌicën.

Mateo 24:35

Naí, me, acamax ca cëñúti ꞌicën, ꞌaínbi ca ꞌën banaxa nëtë́imoi usabi ꞌain camabi ñu ꞌëx quicësabi oi asérabi ꞌiti ꞌicën.

Lucas 1:37

ꞌAíma ca Nucën Papa Diosan ꞌacasmati ñu ꞌicën.