Números 11:1 - Kashibo-Kakataibo Biblia

¹ Achúshi nëtën ka Israel unibu tëmërai Nukën ꞌIbumi ꞌatimai banai kiakëxa. Usai kikania kuati nishkin ka Nukën ꞌIbun atux anu ꞌikë a bëararati tsi rëkirunun ꞌimiakëxa.

Números 11:1 Iomraidhean Croise

Génesis 38:10

Usai ꞌia Nukën ꞌIbun iskëxbi ka Onán an ꞌakë ñukama upíma ꞌiakëxa, usa ꞌain ka aribi ñutanun sinánxuankëxa.

2 Samuel 11:27

usai ꞌitankëxa aín masá nuitukë a basikëbë aín sinan bukubutia ka, Davidnën ax anu ꞌikë xubu chaiira anu isa buánxunun kixun aín uni xuakëxa, xukëxun buania ka aín xanu ꞌiti biakëxa, bixun ka ami achúshi okin bëchiakëxa. Usokin ꞌakë ꞌaínbi ka Davidtan ꞌakë ñu ax Diosan iskëx upíma ꞌiakëxa.

Job 1:16

Ësokin kakian sënë́onkë ꞌaímabi axribi ukin ka an ñu mëëxunkë uni itsínribi anu bëbakin Job kakëxa: —Kaná anubi ꞌibúti kushiira banakin ka an ñuina bërúankë unikama ꞌimainun ovejakama këñukin rëtëaxa. Usokin atu ꞌakëbë kana ꞌëxëshi mi kai unux abán.

Éxodo 16:7

ꞌanan kamina imë́ishi pëkarakëbëtan ka Nukën ꞌIbun ain kushin usakin ñu ꞌaia kixun mitsun isti ꞌain; an ka mitsun ꞌatimai ami banakankëxun kuaxa. ¿Uisa kupín karamina mitsun nux karanuna ui ꞌai kixun ꞌunánima banain?

Éxodo 16:9

Usakin atu katankëxun ka Moisésnën Aarón kakëxa: —Kamabi Israel unibu kamina Nukën ꞌIbu kakëxun kuati timë́nun kati ꞌain, an ka atúxa a ñui ꞌatimai banaia kuaxa.

Isaías 33:14

Jerusalén ëmanu ꞌikë unikama ꞌimainun Judá menu ꞌikë unikama atúxribi ka ꞌuchakë ꞌaish ꞌitsaira rakuë́ti bërëia, ꞌimainun ka an Diosan bana ꞌunánkëma unikama atúxribi ꞌitsaira rakuëtan bamai ësai kia: “¿Uinu ꞌikë nukamax kara tsi ërë́kin an ñu xarokin këñúkë anu ꞌianan, këñutima oia ërë́kë anu ꞌiti ꞌit?”

Habacuc 3:5

Usa ꞌain ka axa ukëbë bëtsi bëtsi ꞌinsín chikíkëbë, a kaxú anuan ꞌitsaira uni bamati ꞌitsis kushiira ꞌiti ꞌikën.

Números 10:33

Usa ꞌain ka Nukën ꞌIbun bashi Sinaí kakë anuax kuani rabë́ ꞌimainun achúshi nëtë ꞌikiani kuankëxa. Kuankian levita uni raírinën Nukën ꞌIbu Diosan bunántisa kurin ratakakakë anua aín ñukama purukë a rëkuë́mibiani kuani uinu kara tantiti ꞌikë kixun baribiamainun ka ꞌaisamaira uni atu kaxú kuankëxa.

Números 11:18

ꞌAtankëxun kamina a unikama imë́ishi, nami pinúxa mëníokanun kati ꞌain. ꞌËn kana inia ësai atux kia kuan ¡Uinua karanuna a piti nami biti ꞌain! ¡Egipto menuax kananuna asábi ꞌiakën! Usai kia kuax ka Dios ësai kiakëxa, asábi ka ꞌën kana a piti nami atu ꞌinánti ꞌain,

Números 12:2

Banai ka ësairibi kikankëxa: “Nukën ꞌIbu ka Moisés bëshi banakëma ꞌikën; nubëribi ka banaxa.” Kikania ka Nukën ꞌIbun kuakëxa.

Números 14:2

Usai ꞌi ka kamáxbi atux Moisés ꞌimainun Aarón ñui ꞌatimati banai kanankëxa: “¡Uisa ꞌaish karanuna Egipto menuaxbi këñutima, anu uni ꞌikëma me ënuax bamai këñuti uakën!

Números 14:22

ui unikaman kara Egipto menuxun ꞌën kushin bëtsi unin akëma ñu ꞌaia isanan anu uni ꞌikëma menuxunribi ꞌaia iskinbi, anu uni ꞌikëma menuxun kakëxunbi ꞌën bana kuakëma ꞌikën,

Números 14:27

—¿Uitishi okin karana Israel unikama an ꞌatima ñuishi ꞌati sinánkë ënëkamax ꞌatimati ꞌëmi banakëxun tënëti ꞌain? ꞌËnbi kana ꞌëmia ꞌatimati banaia kuan.

Números 14:28

Usa ꞌain kamina min kuantankëxun ꞌëx kikë bana ënë atu kati ꞌain: ꞌËx min ꞌIbu ꞌaish kana asérabi ësai kin, usa ꞌixun kana atux kia ꞌën kuakë usaibia ꞌinun atu ꞌimiti ꞌain.

Números 21:5

bënëti ka Israel unikama Diosmi ꞌatimai bananan Moisésmiribi ꞌatimati banai kiakëxa: —¿Uisati karamina mitsun nu Egipto menua chikínbëtsían? ¿Anu uni ꞌikëma me ënuax këñun karamina nu bëan? ¡Ënë menu ka ꞌumpaxbi ꞌaíma ꞌimainun a pitibi ꞌaíma ꞌikën! ¡Nux kananuna ënë piti ratsushi pi atsani bënëtin!

1 Corintios 10:10

Usaribitia a unicama raírinëx a ñui ꞌatimati banaia ca Nucën Papa Diosan cëñúmiacëxa. A unicama ꞌiásaribiti cananuna Nucën Papa Dios ñui ꞌatimati banatima ꞌain.

Deuteronomio 32:22

ꞌËx xuamati nishkë ax ka tsi rëkiruia iskësa ꞌiaxa, usai ꞌikin ka kamabi ꞌain bashi chairukë; a menu kookë ñu bimiñu xaronan; ꞌain bashi chairukë a tanain ꞌikë me anubi tsi rëkirukënën ñu këñukësa usa aín nishkë ꞌiti ꞌikën,

Deuteronomio 9:22

Usonan kamina Taberá, Masá anuxun ꞌanan Quibrot-hataavá anuxunribi Nukën ꞌIbu kikësabi oi ꞌikinma mitsun nishmiakën.

Hebreos 12:29

ax upíira ꞌixun ca rëquiruquin tsin ꞌacësaribi oquin ñu ꞌaisamacama cëñuti ꞌicë quixun sinánquin.

Santiago 5:4

An mitsu naënuxun ñu mëëxuncë uni camina cupíocëma ꞌain. Cupíocëma ꞌaish ca mitsu ñui banaia. Usaquian mitsu ñuia ca ángelcaman ꞌapu, Nucën ꞌIbu Dios, an cuaxa.

Judas 1:16

A unicamax ꞌaisama ꞌixun ca uni raírinën ꞌacë ñu ꞌatimaquin ñuianan atux cuëëncësa oquinshi ꞌanan atux cuëëncësa oíshi ꞌiti sinania. Usa ꞌixun ca atúxbi cërúanan rabiacaquin, aín curíqui ꞌimainun aín ñu biti cupíshi abë upiti banaquinbi uni parania.