Mateo 9:4 - Kashibo-Kakataibo Biblia

⁴ Usaquin sinania ꞌunánquin ca Jesusan cacëxa: —¿Uisacasquin caramina mitsun usaquin sinanin?

Nukën 'Ibu Diosan ain unikama 'inan ain bana

⁴ Usaquin sinania 'unánquin ca Jesusan cacëxa: —¿Uisacasquin caramina mitsun usaquin sinanin?

Mateo 9:4 Iomraidhean Croise

Salmos 139:2

usa ꞌixun kamina kamabi ꞌën ꞌakë ñukama ꞌunanin; ꞌianan kamina ꞌuranxubi uisakin karana ꞌën sinanin abi ꞌunanin.

Mateo 12:25

Usai quia aín sinan ꞌunánquin ca Jesusan fariseo unicama cacëxa: —Ca ësa ꞌicën. Achúshi menuxuan an ꞌapu ꞌimicë unibunën cushicaman bëtsi bëtsi oquin sináncë ꞌain ca a menu bucucë unicamax ꞌitsa ꞌaíshbi upitax bucui bëtsibë bëtsibë nuibananima ꞌacanani cëñutia. Usaribiti ca ëmanu ꞌicë unicamax bëtsibë bëtsibë nuibananima nishanani upitax bucuima cëñutia. Usaribiti ca aín aintsibë bucüaxbia nishanancë unicamax amanu amanu cuani tsuáqui nëtëtia.

Marcos 12:15

Cacëxun ca Jesusan —uisai caraisna qui quixun ꞌëmi manánuxun cuacatsi quixun ca ꞌë ñucatia —quixun ꞌunánquin cacëxa: —ꞌËmi manánuxun ꞌëx caraisna uisai qui cuacatsi quixun camina ꞌë usoquin cain. Uisa cara isnun ca ꞌapu buánmiti manë curíqui achúshi ꞌë bëxun.

Marcos 2:8

Usaquian sinania atun sinan ꞌunánquin ca Jesusan atu cacëxa: —¿Uisacasquin caramina mitsun usaquin sinanin?

Lucas 11:17

Cacëxun ca Jesusan usaquin ca sinania quixun ꞌunánquin cacëxa: —Ësa ca. Achúshi menuxuan an ꞌapu ꞌimicë unibunën cushicaman bëtsi bëtsi oquin sináncë ꞌain ca a menu bucucë unicamax ꞌitsa ꞌaíshbi upitax bucui bëtsibë bëtsibë nuibananima ꞌacanani cëñutia. Usaribiti ca unicamax aín aintsibë nuibananima mëëanani tsuáqui nëtëtia.

Lucas 5:22

Usaquian sinania ꞌunánquin ca Jesusan cacëxa: —¿Uisacasquin caramina mitsun usaquin sinanin?

Lucas 6:8

Usaquian sináncania ꞌunánquin ca Jesusan aín mëcën bamacë uni cacëxa: —Nëri ai ca nëbë́tsi ënu niracët. Cacëx nirucuatsini ca anu niracëacëxa.

Lucas 7:40

Usaquin sinania ꞌunánquin ca Jesusan cacëxa: —Simón, cana mi achúshi ñu caisa tanin. Cacëxun ca cacëxa: —Asábi ca, ꞌë ca cat.

Juan 16:19

A ñucácatsi quiáxa canania ꞌunánquin ca Jesusan atu cacëxa: —Ënu mitsubë ꞌitancëx nëtëtia camina ꞌë istima ꞌain. ꞌIxunbi camina ꞌitsama nëtë́inshi ꞌë istëcënti ꞌai quixun ꞌën mitsu cacë bana ñui caramina cananin?

Juan 16:30

Bërí cananuna ꞌunanin, upí oquin camabi ñu ꞌunánquin camina bana ñuixuanan bëtsi ñuribi ꞌan. A cupí cananuna mi ñucátëcënquinma, asérabi ca usa ꞌicë quixun ꞌunánan mix camina asérabi Nucën Papa Diosnuax uá ꞌai quixun ꞌunanin.

Juan 21:17

Rabë́ oquin catancëxun ca amiribishi catëcëancëxa: —Jonásnën bëchicë, Simón, ¿caramina ꞌë nuibatin? Rabë́ ꞌimainun achúshi oquian —caramina ꞌë nuibati —quixun cacëxun ca Simón Pedronën —¿uisoti cara ꞌë ꞌitsoquin ñucatia? —quixun sinani masá nuituquin cacëxa: —ꞌËn ꞌIbu, min camina camabi ñu ꞌunanin. Usa ꞌixun camina ꞌën cana mi nuibati quixun ꞌunanin. Quia ca Jesusan cacëxa: —ꞌËn carnero ca piminuxun ꞌat.

Juan 6:61

Usaía canania ꞌunánquin ca Jesusan cacëxa: —¿Mitsúnmi cuacëx cara ënë bana cuaisama ꞌic?

Juan 6:64

Usa ꞌaínbi camina micama raírinëx asérabi ꞌëmi sinani ëmi catamëcëma ꞌain. Ësaquin ca Jesusan bana ñuixunquin an cuacë unicama cacëxa, uicamax cara ami catamëtima quixun ꞌunánan uin cara a uni ꞌinánti ꞌicë quixun bëráma ꞌunáncë ꞌixun.

Hechos 5:9

Cacëxunbi ca Pedronën cacëxa: —¿Uisaira ꞌixun caramina Nucën Papa Diosan Bëru Ñumshin Upí parani ami ꞌuchati min bënëbëtan sinan? Bëná unicama ca min bënë maínbëtsini aia. Atun ca usaribitimi bamaia miribi buánti ꞌicën.

Apocalipsis 2:23

ꞌAnan cana a xanun ꞌunánmicë ꞌixuan an ꞌatima ñu ꞌacë unicamaribi aín tuása ꞌicë acama bamamiti ꞌain. ꞌËn usaquin ꞌacëbëtan ca camabi ëmanu ꞌicë axa ꞌëmi catamëcë unicaman ꞌunánti ꞌicën, ꞌën cana camabi unían sináncë ñu ꞌunanin, uisaquin cara aín nuitu mëu sinania quixunribi cana ꞌunanin. ꞌUnánquin cana an upí oquin sinánquin ñu ꞌacë uni axa upitax ꞌinun ꞌimianan, an ꞌatima ñu ꞌacë uni a aín ꞌucha cupí uisoquin carana ꞌati ꞌai usoquin ꞌati ꞌain.