Mateo 9:2 - Kashibo-Kakataibo Biblia

² Bëbacëbëa ꞌitsa uni timë́cëbëtan ca raírinën uni achúshi ñucë nirucuaínquinbi tancëma bacë́tinu racánxun bëacëxa. Bëquin ca —Jesusan ca ënë uni pëxcuti ꞌicë —quixun aín nuitu mëu sináncëxa. Sinania atun sinan ꞌunánquin ca Jesusan ñucë uni cacëxa: —Chuámashi ca ꞌit. Min ꞌuchacama ca tërë́ncë ꞌicën.

Nukën 'Ibu Diosan ain unikama 'inan ain bana

² Bëbacëbëa 'itsa uni timë́cëbëtan ca raírinën uni achúshi ñucë nirucuaínquinbi tancëma bacë́tinu racánxun bëacëxa. Bëquin ca —Jesusan ca ënë uni pëxcuti 'icë —quixun aín nuitu mëu sináncëxa. Sinania atun sinan 'unánquin ca Jesusan ñucë uni cacëxa: —Chuámashi ca 'it. Min 'uchacama ca tërë́ncë 'icën.

Mateo 9:2 Iomraidhean Croise

Eclesiastés 9:7

¡ꞌËn kana mitsu kuëënmikin kain! Usa ꞌain kananuna xëanan pianan kuëënti ꞌain, usakin ꞌaia ka Diosan nun ꞌakë ñukama ꞌupi isia.

Isaías 44:22

ꞌËn kana ꞌatima ñu ꞌaimi mitsux ꞌuchakëkama a nëtënxuan mitsun ꞌuchakama tërënxunkin naínu ꞌikë nëtë kuin ꞌikësaia nëtë́nun ꞌimian. Usa ꞌain kamina ꞌëmi sinanatëkënti ꞌain ꞌën kana mi ië́mian.”

Mateo 14:27

Usai quia ca Jesusan atu cacëxa: —Camina cushicanti ꞌain. Racuëaxma ca ꞌit, ꞌë cana ꞌain.

Mateo 4:24

Usoquian ꞌaia Jesús chanioia cuaquin ca Siria nëtënu ꞌicë unicaman axa ñucëcama Jesusan pëxcunun quixun anu buáncancëxa. Bëtsi bëtsi ñucëcama ꞌimainun ñunshin ꞌatimanën ꞌibuacë unicama ꞌimainun uni ñucë nirucuainquinbi tancëma, ꞌimainun aín nami nimëti saquiquicë acama anu buáncëxun ca Jesusan pëxcüacëxa.

Mateo 6:12

Unían nu ꞌatimocëxunbinu aribi ꞌatimoquinma a ñucama sinánquinma manucësaribi oquin camina nun ꞌacë ꞌatima ñucama nu tërë́nxunquin manuti ꞌain.

Mateo 8:10

Usaía judíosma uni ꞌaíshbi a capitán quia cuaquin ca Jesusan an a nuibiancë unicama cacëxa: —Asérabi cana ꞌën mitsu cain, ënë uníxa ꞌëmi catamëcësaribitia ꞌia cana judío uni achúshibi iscëma ꞌain.

Mateo 8:16

A nëtë́nbi ca bari cuabúcëbëa bëbáquishbucëbëtan a ëmanu ꞌicë unicaman ñunshin ꞌatimañu unicama an pëxcunun Jesúsnu bëacëxa. Bëia ca Jesusan aín banáinshi ñunshin ꞌatimacama uninua chiquíanan uni ñucëcamaribi pëxcüacëxa.

Mateo 9:22

Ticaia tani niracëti cuainacëquin ca Jesusan a xanu mëraquin cacëxa: —Camina chuámarua ꞌiti ꞌain. ꞌËn cana mi pëxcuti ꞌai quixun asérabi sinani camina pëxcúan. Cacëxëshi ca pëxcúacëxa.

Mateo 9:5

ꞌËn cana uni “Min ꞌuchacama ca tërë́ncë ꞌicë” quixun cananbi “Niruquiani ca cuantan” quixunribi cati ꞌain.

Mateo 9:6

Nucën Papa Diosan cushínbi ꞌën ënë uni pëxcuia isquin camina asérabi ꞌunánti ꞌain, uni ꞌinux Nucën Papa Diosnuax uá ꞌën cana unin ꞌucharibi tërë́nti ꞌai quixun. Caquin ca Jesusan racábucë uni cacëxa: —Niruquiani ca min bacë́ti bibiani min xubunu cuantan.

Marcos 1:32

A nëtë́nbi ca bari cuabúcëbëa bëbáquishbucëbëtan a ëmanu ꞌicë unicaman, uni ꞌinsíncëcamacëñun uni ñunshin ꞌatimañu acama an pëxcunun Jesúsnu bëacëxa.

Marcos 10:49

Usaía quia cuati niracëquin ca Jesusan —ꞌënu unun ca cat —quixun cacëxa. Cacëxun ca unicaman bëxuñu uni cacëxa: —Masá nuituáxma ca ꞌit. Mi ca cuënia, niruquiani ca anu cuantan.

Marcos 5:34

Cacëxun ca Jesusan cacëxa: —ꞌËn cana mi pëxcuti ꞌai quixun asérabi sinani camina pëxcúan. Usai camina ꞌitëcëniman. Chuámashi ꞌaish ca cuantan.

Marcos 6:50

Camaxunbi a isia racuë́ira racuëtiabi ca Jesusan atu cacëxa: —Camina cushicanti ꞌain. Racuë́axma ca ꞌit, ꞌë cana ꞌain.

Juan 16:33

ꞌËmi catamëtími chuámashirua ꞌaish upitax ꞌicánun cana ënë banacama mitsu ñuixuan. Ënë nëtënuax camina mitsux ꞌënan cupía mitsumi nishquin unin ꞌatimocë ꞌinuxun ꞌain. Usai ꞌibi camina bënëtima ꞌëmi cushicanti ꞌain. An ënë menu ꞌicë unicama ꞌibuacë ꞌicëbi cana ꞌën ñunshin ꞌatimanën ꞌapu ñusmon.

Juan 2:25

An ca unían cacëxunmabi camabi unin sinan ꞌunáncëxa.

Juan 21:5

ꞌUnáncëxunmabi ca Jesusan atu cacëxa: —¿Tsatsa caramina bicancëma ꞌain? Cacëxun ca —cananuna bicëma ꞌai —quixun cacancëxa.

Hechos 14:9

Usa ꞌixun ca a unin tsóxun Pablonëan bana ñuia cuacëxa. Cuatia isquin ca Pablonën, ënë unin ca —Nucën Papa Diosan ca ꞌë pëxcuti ꞌicë —quixun sinania quixun ꞌunáncëxa.

Hechos 19:12

Usa ꞌain ca amia Pablo ratíquicë chupa ꞌimainun pañun abia anu buania mëëi uni ñucëcamax pëxcúacëxa, pëxcúmainun ca ñunshin ꞌatimacamaxribi uninuax chiquíacëxa.

Hechos 23:11

Usaquian ꞌoon ñantánbucëbëtan ca Nucën ꞌIbu Jesusan a rapasu niracëquin Pablo cacëxa: —Masá nuituti bënë́axma ca ꞌit. Jerusalén ënuxunmi ꞌë ñuiquin cacësaribi oquin camina Roma ëmanuxunribi ꞌë ñuiquin unicama bana ñuixunti ꞌain.

Romanos 5:11

Usaquin ꞌimicëx cananuna —Nucën ꞌIbu Jesucristo a cupí cana Nucën Papa Diosnan ꞌaish abë upí ꞌai —quixun ꞌunani cuëëinra cuëënin.

Santiago 2:18

Unin sapi ca uni itsi cati ꞌicën: Mixmi Jesucristomi cana catamëti quimainunbi cana ꞌën upí ñu ꞌain. Mixmi —Jesucristomi cana catamëti —quicëbëtanbi cana minmi upí ñu ꞌaia iscëma ꞌixun asérabi camina usa ꞌai quixun sinántima ꞌain. Usa ꞌaínbi cana ꞌën ñu upí ꞌacë ꞌixun mi ismiti ꞌain, ꞌëx cana asérabi Jesucristomi catamëcë ꞌai quixun. Usaía a uni quicë ax ca asérabi ꞌicën.