Mateo 8:4 - Kashibo-Kakataibo Biblia

⁴ Pëxcutia ca Jesusan a uni ꞌësëquin cacëxa: —ꞌËn mi pëxcucë ñuiquin camina uinu ꞌicë unibi catima ꞌain. Caíma cuanxun camina min nami pëxcúcë judíos sacerdote ismiti ꞌain. Ismianan camina Nucën Papa Dios rabiquin Moisés quiásabi oquin a ñu ꞌinánti ꞌain, camina asérabi pëxcúa quixun camabi unin ꞌunánun.

Nukën 'Ibu Diosan ain unikama 'inan ain bana

⁴ Pëxcutia ca Jesusan a uni 'ësëquin cacëxa: —'Ën mi pëxcucë ñuiquin camina uinu 'icë unibi catima 'ain. Caíma cuanxun camina min nami pëxcúcë judíos sacerdote ismiti 'ain. Ismianan camina Nucën Papa Dios rabiquin Moisés quiásabi oquin a ñu 'inánti 'ain, camina asérabi pëxcúa quixun camabi unin 'unánun.

Mateo 8:4 Iomraidhean Croise

Isaías 42:21

Nukën ꞌIbu an ka ax Dios ië́mianankë ꞌixun, aín bana ax ka chaiira ꞌianan kushi ꞌikë kixun ꞌunánmisa tankëxa:

Mateo 10:18

ꞌËn bana uni ñuixuncë cupí ca unin mitsumi nishquin judíosma unibunën ꞌapunu mitsu buánti ꞌicën, ami mitsu ñui manánuxun. Usocëxunbi camina a ꞌapucama ꞌimainun judíosma uniburibi ꞌën mitsu ꞌunánmicë banacama ñuixunti ꞌain.

Mateo 16:20

Usaquin Pedro catancëxun ca aín ꞌunánmicë unicama Jesusan cacëxa: —ꞌËx cana ax utia judíos unibunën caíncë Cristo a ꞌai quixun camina uinu ꞌicë unibi catima ꞌain.

Mateo 17:9

Usaquiani matánuax cuanquin ca Jesusan atu cacëxa: —Mitsúnmi isanan cuacë ënë ñucama camina uinu ꞌicë unibi ñuixuntima ꞌain. Uni ꞌinux Nucën Papa Diosnuax uá ꞌaish, ꞌëx bamatancëx baísquicëbëtan cuni camina ënë ñucama unicama ñuixunti ꞌain.

Mateo 3:15

Cacëxunbi ca Jesusan cacëxa: —Uisai cara Nucën Papa Dios quia, usai cananuna ꞌiti ꞌain. Usa ꞌain camina min ꞌë bërí nashimiti ꞌain. Cacëxun ca Juanën —cana mi ꞌati ꞌain —quixun caxun Jesús nashimiacëxa.

Mateo 5:17

Camina ꞌunánti ꞌain, Moisésnën cuënëo bana ꞌimainun Nucën Papa Diosan aín unibu cuënëomia banacama quicësabi oquin ꞌaxunma ꞌanun quixun uni cai cana ꞌëx uáma ꞌain. ꞌË ñuiquian cuënëo banacama quicësabi oi ꞌi cana ënë nëtënu uacën.

Mateo 6:1

ꞌËx upí ꞌicëa camabi unin isnun cana ñuñuma uni ñu ꞌinánti ꞌai quixun camina sinántima ꞌain. An usaquin sinánquin uni itsi ñu ꞌináncë uni a ca Nucën Papa Dios naínu ꞌicë, an upí isima.

Mateo 9:30

Usaquian cacëx ca bënëtishi bëmëniocacëxa. Bëmëniocatia ca Jesusan cacëxa: —Unían ꞌën mi ësoquin ꞌacë ënë ꞌunánxunma ꞌanun camina ui unibi ñuixuntima ꞌain.

Marcos 13:9

ꞌËmi sináncëma uni raírinën ca ꞌapucamanu ami manánuxun mitsu buánti ꞌicën. Usonan ca anua judíos unicama timë́ti xubucamanuxun mitsu manë xon rishquiti ꞌicën. Mitsúnmi ꞌën bana uni ñuixuncë cupí ca unin mitsumi nishqiun judíosma unicaman ꞌapunu mitsu buánti ꞌicën, ami mitsu ñui manánuxun. Usai ca ꞌiti ꞌicë quixun ꞌunanx camina usaía ꞌicëbë ratútima ꞌain. Usocëxunbi camina a ꞌapucama ꞌë ñuiquin bana ñuixunti ꞌain.

Marcos 3:12

Cacëxun ca Jesusan cacëxa: —ꞌËx cana Diosan Bëchicë ꞌai quixun asérabi uibi caxunma ca ꞌat.

Marcos 5:43

Ratutia ca Jesusan anu ꞌicë unicama cacëxa: —ꞌËn mitsu cacësabi oquin camina mitsúnmi iscë ñu ënë uibi ñuixuntima ꞌain —quixun canan ca —xu xanu ca pimit —quixun cacëxa.

Marcos 6:11

Uinu ꞌicë ëmanu ꞌicë unicaman cara mitsu biisama tanan mitsun bana cuaisama tania, aín ëmanuax cuani camina anu ꞌicë unicaman, mitsun bana cuatíma ca Nucën Papa Diosan iscëx ꞌaisama ꞌicë quixun ꞌunánun, mitsun taxacanu ꞌicë me cupúcë tacabiani cuanti ꞌain. ꞌËn cana asérabi mitsu cain, Sodoma ëmanu ꞌicë unicama ꞌimainun Gomorra ëmanu ꞌicë unicama ca aín bana cuaisama tancë cupí Nucën Papa Diosan castícancëxa. Usamaira oquin castícancë ca a ëmanu ꞌicë unicama an mitsu bicëma cupí ax ꞌiti ꞌicën.

Marcos 7:36

Usoquin a uni pëxcutancëxun ca Jesusan anu ꞌicë unicama uinu ꞌicë unibi ñuixunxunma ꞌanun quixun cacëxa. Usaquin cacëxunbi ca ñuiacëxa. Ñuia asérabi ñuixunxunma ꞌanun Jesusan catëcëncëxunbi ca a unicaman usai ca a uni pëxcúaxa quixun ñuiaraishiacëxa.

Marcos 8:30

Ësaquian Pedronën cacëxun ca Jesusan uibi Pedro quicë bana ñuixunxunma ꞌanun quixun aín ꞌunánmicë unicama cacëxa.

Marcos 9:9

Usaquiani matánuax cuanquin ca Jesusan atu cacëxa: —Mitsúnmi iscë ënë ñucama camina uinu ꞌicë unibi ñuixuntima ꞌain. Uni ꞌinux Nucën Papa Diosnuax uá, ꞌëx bamatancëx baísquicëbëtan cuni camina ënë ñucama unicama ñuixunti ꞌain.

Lucas 17:14

Cacëxun isquin ca Jesusan cacëxa: —Ca cuantan. Cuanxun ca judíos sacerdote usaími ꞌicë ismianan mitsun nami ismitan. Usoquin cacëx cuaníbi ca atun nami chëquicëcama pëxcúacëxa.

Lucas 21:13

Usaquian ꞌacëxunbi camina ꞌë ñuiquin rabínquinma an mitsu bicë unicama cati ꞌain.

Lucas 4:41

Ñunshin ꞌatimanëxribi ca ꞌitsa uni ꞌinsíncënuax chiquíacëxa. Chiquiti munuma cuëncëni ca quiacëxa: —Mix camina Diosan Bëchicë ꞌain. Quiabi ca Jesusan —ca nëtë́t —caquin ñunshin ꞌatima banamiquinma nëtë́miacëxa. Atúxa Jesús ax ca Cristo, a Nucën Papa Diosan xucë a ꞌicë quixun ꞌunáncë ꞌaíshbi usai quiti ca Jesús cuëëanma ꞌicën. Usa ꞌain ca atúxa quiabi nëtë́miacëxa.

Lucas 5:14

Usaria pëxcutia ca Jesusan cacëxa: —ꞌËn mi pëxcucë ñuiquin camina uinu ꞌicë unibi catima ꞌain. Caíma cuanxun camina min nami pëxcúcë judíos sacerdote ismiti ꞌain. Ismianan camina Nucën Papa Dios rabiquin Moisés quiásabi oquin a ñu ꞌinánti ꞌain, camina asérabi pëxcúa quixuan camabi unin ꞌunánun.

Lucas 8:56

Usoia isi ca aín papa aín tita cuëëni ratúira ratúacëxa. Ratutia ca Jesusan cacëxa: —Mitsúnmi iscë ñu ënë camina uibi ñuixuntima ꞌain.

Lucas 9:21

Ësaquian Pedronën cacëxun ca Jesusan uibi Pedro quicë bana ñuixunxunma ꞌanun quixun aín ꞌunánmicë unicama cacëxa.

Juan 5:41

Unían ꞌë rabiti cana sinaniman.

Juan 7:18

Axa anbi sinanx banacë uni ax ca unían a rabinun quixun sinanishi banaia. ꞌAínbi ca an ñuiquin uni canun quixuan a xuá ashia unin rabiti cuëëncë uni an cuni cëmëquin uni paranima.

Juan 8:50

Unían ꞌë, ax ca upí ꞌicë caquin ꞌë rabinun quiax cana quiman. Axa ꞌëa unin rabiti cuëëanan, ꞌë ñui cara uni cëmëia, cara cëmëima quixun iscë, ax ca Nucën Papa Dios ꞌicën.