Mateo 8:2 - Kashibo-Kakataibo Biblia

² Nuibiancëbë ca an aín nami chëquímicë ꞌinsínñu unin amiquiquiani cuani rantin puruni tsóbuquin Jesús cacëxa: —Mix cushi ꞌixun camina ꞌaisa tanquin ꞌë pëxcuti ꞌain.

Nukën 'Ibu Diosan ain unikama 'inan ain bana

² Nuibiancëbë ca an aín nami chëquímicë 'insínñu unin amiquiquiani cuani rantin puruni tsóbuquin Jesús cacëxa: —Mix cushi 'ixun camina 'aisa tanquin 'ë pëxcuti 'ain.

Mateo 8:2 Iomraidhean Croise

2 Reyes 5:1

Anu ka achúshi uni Naamán kakë Sirianu ꞌikë ꞌapun suntárukaman kushi ꞌiakëxa a ka upíokin aín ꞌapun nuibakëxa, a unin ka Diosan ꞌakinkëxun Sirianu ꞌikë unikama axa ami nishkë unikaman ꞌaiabi an ira abámikin aín suntárukamabëtan ꞌakë uni ꞌiakëxa. Usa ꞌaínbi ka a unix an nami chëkimikë ꞌinsínñu ꞌiakëxa.

2 Reyes 5:27

Usa ꞌain ka an nami chëkimikë ꞌinsin Naamánnu ꞌikë ax minuribi ꞌiruti ꞌikë ꞌianan ka min rënbunki kamanuribi uínsaranbi nëtë́tima oi ꞌiruti ꞌikën. Usakian kakëx Eliseobë ënanakiani kuanishi ka Guehazí an nami chëkimikë ꞌinsin aín naminu matsi uxua iskësaira ꞌitánun ꞌiruakëxa.

Mateo 10:8

Ñuixuanan camina ꞌinsíncë unicama pëxcüanan uni bamacë baísquimianan an aín nami chëquímicë ꞌinsínñu uni asábi ꞌitëcënun pëxcüanan uninua ñunshin ꞌatima chiquínti ꞌain. ꞌËn cana anúnmi uni ꞌaquinun cushi ꞌinánquin mitsu cupíomicëma ꞌain. Usa ꞌain camina mitsúnmi ꞌaquincë uni cupí ñucátima ꞌain.

Mateo 13:58

Usaquian Jesús quicësabi oquin ca anu ꞌicë unicaman —an ca asérabi Nucën Papa Diosan cushínbi ñu ꞌaia —quixun sinánma ꞌicën. Usa ꞌain ca Jesusan ꞌitsa ñu ꞌaquinma uni itsían ꞌacëma ñu ꞌitsamashi ꞌacëxa.

Mateo 14:33

Nëtë́cëbëtan ca manë nuntinu ꞌicë unicaman a tanáin rantin puruni tsóbuti ami sinánquin Jesús cacëxa: —Mix camina asérabi Nucën Papa Diosan Bëchicë a ꞌain.

Mateo 15:25

Cacëxun cuaquinbi ca a tanáin rantin puruni tsóbuquin a xanun cacëxa: —Camina ꞌën tuá ꞌë pëxcuxunti ꞌain.

Mateo 18:26

Usaquian cacëbë a tanáin rantin puruni tsóbuquin ca an ribíncë uni a ñu mëëmicë uni caxa: ꞌËn cana mi cupíoti ꞌain, camabi a ꞌën mi ribíncë curíqui. ꞌËn mi munu cupíonun camina caínpainti ꞌain.

Mateo 2:11

Cuanx a manámia ꞌispa niracëcë xubu anu atsínxun ca anua a tuá Jesús aín tita Maríabë ꞌicë mëracëxa. Mërai rantin puruni tsóbuquin ca Jesús rabiacëxa. Rabiquin ca atun bunánti bacáxun anua buáncë curi ꞌimainun tsëpasa ñu ꞌaíshbi nëëncëx sanuira a ꞌimainun i baca sanuira acama ꞌináncëxa.

Mateo 20:20

Usa ꞌain ca Zebedeonën bëchicë rabë́, Juan ꞌimainun Jacobo, aín tita Jesús rapasu cuani a bëtánain rantin puruni tsóbuquin abë banatisa tancëxa.

Mateo 26:6

Betania ëmanu cuanx ca Jesús Simonan xubunu ꞌiacëxa. Simón ax ca an aín nami chëquímicë ꞌinsínñu ꞌaíshbia pëxcúcë uni ꞌiacëxa.

Mateo 28:17

Cuanxun anua mëraxun ca cuëënquin —ënëx ca asérabi Nucën ꞌIbu Jesús ꞌicë —quixun sinánquin rabiacëxa, raírinëan —asérabi ca Nucën ꞌIbu Jesús ꞌicë —quixun sináncëbëtanmabi.

Mateo 28:9

Bain abáquiani cuanquinbi ca Jesús aia isacëxa. A isia ratutia ca Jesusan —¿caramina ain? —cacëxa. Cacëx a tanáin rantin puruni tsóbuquin ca Jesús tamëëquin rabiacëxa.

Mateo 4:9

Ismiquin ca cacëxa: —Minmi ꞌë rantin puruni tsóbuquin ꞌë rabicëxun cana ënë mecama, camabi anu ꞌicë ñucamacëñunbi minan ꞌinun mi ꞌinánti ꞌain.

Mateo 8:1

Bana ñuixunquin sënë́ontancëx matánuax cuantëcënia ca ꞌitsa unin Jesús nuibiancëxa.

Mateo 8:25

Usai ꞌia oquin ca aín ꞌunánmicë unicaman Jesús bësúnquin cacëxa: —Nu ca ië́mit, cananuna nanëtin.

Mateo 9:18

Juanën ꞌunánmicë unibubëa Jesús banacëbëbi ca anua judíos unicama timë́cë xubunu ꞌicë ꞌapu, Jairo cacë, ax uacëxa. Uquin ca aín bëmánon rantin purúnquin Jesús cacëxa: —ꞌËn ini bëchicë ca bërí bamaxa. Bamacëbi camina mix ꞌëbë cuanxun a ramëti ꞌain. Min ramëcëxëshi ca asábi ꞌinux baísquiti ꞌicën.

Lucas 4:27

ꞌImainun ca Eliseonëxribi an Nucën Papa Dios quicë bana unicama ñuixuncë ꞌiacëxa. Axa anu ꞌain ca an nami chëquímicë ꞌinsínñu uni ꞌitsa a nëtënu ꞌiacëxa. ꞌItsa ꞌaínbi ca Siria cacë menu ꞌicë uni achúshi, Naamán cacë, ashi Nucën Papa Diosan ꞌamicëxun Eliseonën aín nami upí ꞌitëcënun ꞌimiacëxa.

Juan 9:38

Quixuan cacëxun ca cacëxa: —Asérabi camina mix a ꞌai quixun cana bërí ꞌunanin. Usaquin caquin ca ami sinánquin aín bëmánon rantin purúnquin a rabiacëxa.

Hechos 10:14

Cacëxun cuaquin ca Pedronën cacëxa: —ꞌËn ꞌIbu, cana ꞌaiman, pitima ñu cana ꞌën uisa ꞌixunbi picëma ꞌain.

Hechos 10:25

Caíncëx bëbax aín xubunu atsinia ëman chiquíquin bitsi, a tanáin rantin puruni tsóbuquin ca Cornelionën Pedro rabiacëxa.

1 Corintios 14:25

—ꞌËn unë́xun ꞌacë ñuribi ca Nucën Papa Diosan isaxa —quixun sinánquin ca a ñucama chiquinaquin Nucën Papa Dios rabiti ꞌicën. Rabianan ca —asérabi ca Nucën Papa Dios mitsubë ꞌicë —quiti ꞌicën.

Apocalipsis 19:10

Quicëbë cana a rabinux a ángel tanáin rantin purúan. Usai ꞌiabi ca ꞌë caxa: —Usai ꞌiáxma ca ꞌit. Uicaman cara Nucën Papa Dios quicë bana unicama ñuixunia an ca Jesús ñuiquin an ꞌunánmicë banacama uni ñuixunia. Mibëtan ax Jesús quicë banacama quicësabi oi ꞌicë unicaman ꞌacësaribi oquin cana ꞌënribi ax quicësaribi oquin ꞌaquin Nucën Papa Dios rabin. Usa ꞌain ca ꞌë rabixunma Nucën Papa Diosëshi rabit.