Mateo 8:11 - Kashibo-Kakataibo Biblia

¹¹ ꞌËn cana mitsu cain, ꞌaisamaira judíosma unicamaxribi ca aucüaxa bari urucë amiax uanan anúan bari cuabúcë amiaxribi unuxun ꞌaia. Ai ca anua Abraham, Isaac, Jacob, ꞌimainun axa ꞌëmi catamëcë judíos unicama ꞌicë, anu acamabë Nucën Papa Diosan nëtënu ꞌiti ꞌicën.

Nukën 'Ibu Diosan ain unikama 'inan ain bana

¹¹ 'Ën cana mitsu cain, 'aisamaira judíosma unicamaxribi ca aucüaxa bari urucë amiax uanan anúan bari cuabúcë amiaxribi unuxun 'aia. Ai ca anua Abraham, Isaac, Jacob, 'imainun axa 'ëmi catamëcë judíos unicama 'icë, anu acamabë Nucën Papa Diosan nëtënu 'iti 'icën.

Mateo 8:11 Iomraidhean Croise

Génesis 12:3

Uin kara mi upíokin ꞌakinia aribi kana ꞌën upíokin sinánxunti ꞌain, ꞌimainun kana uin kara mi ꞌatima oia aribi ꞌënribi ꞌatima oti ꞌain; mi kupí kana kamabi menu ꞌikë unikama upíokin sinánxunti ꞌain.

Génesis 22:18

usa ꞌain ka kamabi menu ꞌikë unikama atu kupin upíokin sinánxunkë ꞌiti ꞌikën, min kamina ꞌën kakësabiokin ꞌan usa ꞌain.

Génesis 28:14

Usa ꞌain ka atux ꞌaisamaira ꞌuakamë ꞌëoi me putu iskësaira ꞌi aín tsipumiki ꞌimainun aín rëbumiki kuanan amiaxa bari urukë au ꞌimainun amia bari kuabúkë amiki amami amami kuankanti ꞌikën, usa ꞌain ka kamabi menu ꞌikë unikama upíokin sinánxunkë ꞌiti ꞌikën mi ꞌimainun min rëbúnkikama kupí.

Génesis 49:10

Uínbi ka aín kushi Judá bikuantima ꞌikën, ꞌimainun ka aín manë tsati ꞌapun tuinkë ꞌikëa tuinkë a bikuantima ꞌikën, a manë tsatin ꞌibuka unuxun ꞌaia usa ꞌain ka kamabi menu ꞌikë unikaman ax kikësabiokin ꞌanuxun ꞌaia.

Salmos 22:27

Kamabi ñakánu ꞌikë Israel unibu ꞌimainun, bëtsi nëtënu tsókë unikamanribi ka ami sinánkin Dios rabiti ꞌikën; ¡usakin ꞌai ka an ismainunbi rantinpuruni tsóbukanti ꞌikën!

Isaías 49:12

¡Kamina iskanti ꞌain! Israel unikama mitsux kamina, ꞌurakëoxbi ukanti ꞌain: axa aín tsipúmiax uti axa amiax umainun ka amia bari kuabúkë amiaxribi uti ꞌikën, umainun ka Asuán kakë me amiaxribi aín patsan uti ꞌikën.

Isaías 49:6

ax ka ësai kia: ꞌËn uni ꞌixunmi min Jacobnën rëbúnki, Israel unikama axa ñuima ꞌiakama a aín ñakánubi utëkënun ꞌakinkë ax ka ꞌën iskëx sënë́nmara ꞌikën, ꞌën kana ꞌën tirísa ꞌixunmi bëtsi menu ꞌikë unikama bana ñuixuanan, uinu kara me kuainakëakëxa anubi kuankin bana ñuinun mi ꞌimiti ꞌain.

Isaías 52:10

Nukën ꞌIbun ka ax kushiira ꞌixun kamabi menu ꞌikë unikama aín kushi ismiaxa. Usa ꞌain ka kamabi menuxun unánti ꞌikën. Nukën ꞌIbu Dios an ka nu ië́miaxa kixun ꞌunánti ꞌikën.

Daniel 2:44

Usa ꞌain ka ënë ꞌapukaman, tsókëpan aín unikama ꞌapu ꞌixun ꞌakinkëbëtan Dios naínu ꞌikë an achúshi me anu ꞌapu ꞌikë uinsaranbia bëtsi menu ꞌikë ꞌapukaman masókin atun sinánkësa okin ꞌanun ꞌimitima ꞌikën, usa ꞌixun ka ainra kamabi këñukin bëtsi menu ꞌikë ꞌapukama ꞌatankëx axira uínsarabi këñútimoi ꞌapu ꞌiti ꞌikën.

Malaquías 1:11

Kamabi me kuainakëanu tsókë unikaman ka ꞌë rabia; ꞌimainun ka kamabi menuxun ꞌë rabikin ro sanuira xaronan ñu upíirabukama aribi a isi ꞌëx kuëëntisabi okin upíokin ꞌaia.

Mateo 21:41

Ñucácëxun ca judíos unibunën ꞌapucaman Jesús cacëxa: —Usa ꞌain ca a unicama cëñuquin ꞌati ꞌicën. Usoquin ꞌatancëxun ca bëtsi unicama aín naë bërúanxunun quixun cati ꞌicën. Cacëx cuanxun ca a unicaman naënu ꞌicë bimicamaxa bimia aín bimi mësú naë ꞌibu ꞌinánti ꞌicën.

Mateo 24:31

Manë banañu bana ocëbë uquin cana ꞌën ángelcama xuti ꞌain, ꞌënan ꞌinun ꞌën caíscë unicama camabi menua ꞌëbëa ꞌinun ꞌë timëxunun.

Mateo 3:2

Bana ñuixunquin ca cacëxa: —Anun Nucën Papa Diosan abë upí ꞌinun mitsu ainan ꞌimiti nëtë ca ꞌurama ꞌicën. Usa ꞌain ca Nucën Papa Diosmi sináncë ꞌaíshmabi sinanati ami sinan.

Mateo 8:10

Usaía judíosma uni ꞌaíshbi a capitán quia cuaquin ca Jesusan an a nuibiancë unicama cacëxa: —Asérabi cana ꞌën mitsu cain, ënë uníxa ꞌëmi catamëcësaribitia ꞌia cana judío uni achúshibi iscëma ꞌain.

Lucas 12:37

A caíncëxuan an ñu mëëmicë unicaman ꞌuxcëma ꞌicë mëracëx ca an uni ñu mëëxuncë unicamax cuëëinra cuëënti ꞌicën. Cuëënia ca an atu ñu mëëmicë unin mesanu tsónun caquin piti ꞌinánti ꞌicën. Usaquin ꞌacëx ca an ñu mëëxuncë unicamax cuëëinra cuëënti ꞌicën. Ca usai asérabi ꞌiti ꞌicën.

Lucas 16:22

A ñuñuma uníxa bamaia ca ángelcaman anu Abraham ꞌicë anu buáncëxa, buáncëx ca Abrahambë ꞌiacëxa. Usa ꞌain ca ñuñu uni axribi bamacëxa, bamacë ca maíncancëxa.

Hechos 10:45

Usa ꞌain ca aín Bëru Ñunshin Upitan ꞌimicëxun unin cuacëma banan banaquin Nucën Papa Dios rabicancëxa. Nucën Papa Dios rabicania cuati ca Pedrobëa ucë Jesúsmi sináncë unicama ax judíosma unicamaxribia Nucën Papa Diosan Bëru Ñunshin Upíñu ꞌicë isi ratuti sináncasmacëxa.

Hechos 11:18

Ësaquin Pedronën ñuia cuati ca a ñu catëcënima Nucën Papa Dios rabi quiacëxa: —Bërí cananuna ꞌunanin, judíos unishima, judíosma unicamaribi ca Nucën Papa Diosan ꞌatimaquin sináncë ꞌaíshbi Jesucristomi catamëtia xënibua ꞌaínbi ainan ꞌinun sinanamia —quixun.

Hechos 14:22

A ëmacamanu ꞌiquiani cuanquin ca axa Jesucristomi catamëcë unicama cushioquin Jesucristomi catamëti ënxunma ꞌanun ꞌësëanan nux Nucën Papa Diosnan ꞌaish cananuna uni itsían bëtsi bëtsi ocë ꞌiti ꞌai quixun cacëxa.

Hechos 14:27

Usa ꞌain ca bëbaxun axa Jesucristomi catamëcë unicama timëacëxa. Timëxun ca Nucën Papa Diosan ꞌamicëxuan ꞌacë ñucama ñuixuanan —judíos unicamaxëshima, judíosma unicamaxribi ca Nucën ꞌIbu Diosan sinánmicëx Jesucristomi catamëtia —quixun ñuixuancëxa.

1 Corintios 15:20

Usama ca. Bamatancëxbi ca Cristo asérabi baísquiacëxa. Cristo baísquia usaribiti ca axa ami catamëcë unicama bama ꞌaíshbi ax utëcëncëbë baísquinuxun ꞌaia.

1 Corintios 6:9

¿Aín nëtënu abë ꞌiisa ꞌaíshbi ca an ñu ꞌaisama ꞌacë uni aín nëtënu Nucën Papa Diosbë ꞌitima ꞌicë quixun caramina ꞌunaniman? Camina ꞌunánti ꞌain, ainanmabi xanu cuëëncë unicama ꞌimainun an Nucën Papa Diosmi sinánquinma unin ꞌacë ñu rabicë unicama ꞌimainun aín xanuma ꞌaínbi bëtsi unin xanubë ꞌicë uni ꞌimainun xanúxmabi uni itsibë ꞌicë uni,

Efesios 3:6

Unin ꞌunánma ꞌaínbi ca a bana ësai quia, judíos unicama ꞌicësaribiti ca judíosma unicama, Cristo Jesús bama cupí ami catamëti Nucën Papa Diosan uni ꞌianan abë aín nëtënu ꞌiti ꞌicën, ax quiásabi oi.

Colosenses 3:11

Judíosma unicama ꞌimainun judíos unicama, ꞌunántioracacë unicama ꞌimainun ꞌunántioracacëma unicama, bëtsi menu ꞌicë unicama ꞌimainun raëcëma unicama, an uni ñu mëëxuncë unicama ꞌimainun an uni ñu mëëxuncëma unicama, a unicamaxbi ca Cristonan ꞌaish bëtsibë sënën ꞌicën. A unicamaxbi ca Cristo abë ꞌain Cristonainshi ꞌicën.

2 Tesalonicenses 1:5

Ainan cupí usai tëmëratancëxmi mitsux aín nëtënu abë ꞌinuan an mëníocë cupí camina ꞌunánti ꞌain, Nucën Papa Dios ax ca asérabi aín sinan upí ꞌicë quixun.

Apocalipsis 7:6

ꞌImainun ca doce mil Asernën rëbúnqui ꞌicën. ꞌImainun ca doce milribi Neftalínën rëbúnqui ꞌicën. ꞌImainun ca doce milribi Manasésnën rëbúnqui ꞌicën.