Mateo 7:4 - Kashibo-Kakataibo Biblia

⁴ ¿Mitsun bëru xamë́nu ꞌicë i mo mëníoquin bicëma ꞌixun caramina uisa cupí —i sani chamaratsu min bëru xamë́nu ꞌicë camina ꞌë bimiti ꞌai —quixun bëtsi uni cati ꞌain?

Nukën 'Ibu Diosan ain unikama 'inan ain bana

⁴ ¿Mitsun bëru xamë́nu 'icë i mo mëníoquin bicëma 'ixun caramina uisa cupí —i sani chamaratsu min bëru xamë́nu 'icë camina 'ë bimiti 'ai —quixun bëtsi uni cati 'ain?

Mateo 7:4 Iomraidhean Croise

Mateo 23:24

Mitsun Nucën Papa Diosan bana unicama ꞌunánmiti ꞌixunbi camina a bana uisai quicë cara quixun ꞌunaniman. Bëxuñu unin ca uni itsi anun cuanti bai ꞌunanima. Usaribi camina mitsux ꞌain. Ca ësa ꞌicën. Chupan xanpa bëpucëbë ca anua aín chua, ꞌimainun sia acamax bërúmainun ꞌunpax upíshi xanpa ꞌucë mëu ꞌibutia. Sia ꞌeti rabanan usaquin ꞌaibi camina ñuina cha, camello, a ꞌecësa ꞌain.

Mateo 7:3

Bëtsi unin ꞌucha ꞌitsamashi ꞌicë a sinánquinbi camina mitsun ꞌucha ꞌaisamaira ꞌicëbi sinaniman. Ënëx ca ësa ꞌicën. Bëtsi uníxa aín bëru xamë́nu i sani chamaratsuñu ꞌicësa ꞌaínbi camina mitsux i mo mitsun bëru xamë́nu ꞌicësa ꞌain. ¿Uisa ꞌixun caramina bëtsi unin bëru xamë́nu ꞌicë i sani chamaratsu a sinánquinbi axa mitsun bëru xamë́nu ꞌicë i mo sinaniman?

Mateo 7:5

Mitsun pain mitsun bëru xamë́nu ꞌicë i mo a bitancëxun camina upí oquin isquin bëtsi uni aín bëru xamë́nu ꞌicë i sani chamaratsu bixunti ꞌain.

Lucas 6:42

¿Mitsun bëru xamë́nu ꞌicë i mo mëníoquin bicëma ꞌixun caramina uisa cupí —i sani chamaratsu min bëru xamë́nu ꞌicë camina ꞌë bimiti ꞌai —quixun bëtsi uni cati ꞌain? Mitsun pain mitsun bëru xamë́nu ꞌicë i mo a bitancëxun camina upí oquin isquin bëtsi uni aín bëru xamë́nu ꞌicë i sani chamaratsu bixunti ꞌain.