Mateo 7:2 - Kashibo-Kakataibo Biblia

² Mitsúnmi uni itsin ñu ꞌaia isquin a uni ꞌuchoia ca Nucën Papa Dios ꞌimainun unínribi, mitsúnribi caramina uisa ñu ꞌai quixun isti ꞌicën. Mitsun —min usa ñu ꞌati ca ꞌaisama ꞌicë —quixun uni itsi cacë ꞌixunbi usaribi oquin ꞌaia ca Nucën Papa Dios ꞌimainun unínribi mitsúnmi bëtsi uni ꞌuchocësaribi oquin mitsu ꞌuchoti ꞌicën.

Nukën 'Ibu Diosan ain unikama 'inan ain bana

² Mitsúnmi uni itsin ñu 'aia isquin a uni 'uchoia ca Nucën Papa Dios 'imainun unínribi, mitsúnribi caramina uisa ñu 'ai quixun isti 'icën. Mitsun —min usa ñu 'ati ca 'aisama 'icë —quixun uni itsi cacë 'ixunbi usaribi oquin 'aia ca Nucën Papa Dios 'imainun unínribi mitsúnmi bëtsi uni 'uchocësaribi oquin mitsu 'uchoti 'icën.

Mateo 7:2 Iomraidhean Croise

Isaías 33:1

¡Mitsun bëtsi unikama masókin ꞌatimokë ꞌikëbi ka mitsu bëtsi unikaman masókin ꞌatimokëma ꞌikën; Mitsun kamina bëtsi unikama ꞌatimo ꞌaínbi ka bëtsi unikamanribi mitsu ꞌatima okëma ꞌikën! Uínsaran kaina bëtsi uni masókin ꞌakin këñuin, anun ka bëtsi unikamanribi mitsu masókin ꞌati ꞌikën; uínsaran kaina bëtsi unikama mi ꞌakësabi okin ꞌati sinánxun ꞌaima, anun ka bëtsi unikaman mi ꞌati ꞌikën.

Mateo 6:14

Mitsun axa mitsumi ꞌuchacë uni usaribi oquin cupiquinma a manumi abë upí ꞌia ca mitsun Papa Dios naínu ꞌicë an mitsux ami ꞌuchacëcama tërë́nquin manuti ꞌicën.

Marcos 4:24

Usaquin catancëxun ca ësaquinribi Jesusan cacëxa: —Mitsun cuacë banacama upí oquin cuaquin camina a bana quicësabi oquin ꞌati ꞌain. An ꞌën a ñuixuncë bana uisai quicë cara quixun upí oquin sinánquin axa quicësabi oquin ꞌacë uni a ca ꞌën bana itsiribi Nucën Papa Diosan ꞌunánmiti ꞌicën.

Lucas 6:38

Uni itsi camina ñu ꞌinánti ꞌain. Mitsúnmi uni itsi ñu ꞌinánan ꞌaquincë ꞌicë ca Nucën Papa Diosan mitsu ñu ꞌinánan ꞌaquinti ꞌicën. Mitsúnmi ꞌinánan uni itsi ꞌaquincësaribi oquin ca an mitsu ñu ꞌinánan ꞌaquinti ꞌicën. Unían uni itsían ꞌináncëxun aín burasanu tsëncaquin ñu purucësamaira oquin ca Nucën Papa Diosan camabi ñu mitsu ꞌinánti ꞌicën.

2 Corintios 9:6

Ësa ca quixun camina sinánti ꞌain, an ñu bëru ꞌitsama ꞌapácë uni, an ca aín bimiribi ꞌitsamaribi bitsia. Usaribi oquin ca an ñu bëru ꞌitsa ꞌapácë uni an aín bimiribi ꞌitsa bitsia.

Santiago 2:13

Anúan an camabi unin ñu ꞌacë isti nëtë anun ca Nucën Papa Diosan, an bëtsi uni nuibaquin ꞌaquincëma unicama a aín ꞌucha cupí uisa cara oti ꞌicë usoquin ꞌati ꞌicën. Usonan ca an bëtsi uni nuibaquin ꞌaquincë unicama ashi uisabi otima ꞌicën.

Apocalipsis 18:6

Anu ꞌicë unicaman uni raíri tëmëramicësaribi oquin camina mitsun atu tëmëramiti ꞌain. Atúan uni raíri tëmëramicësamaira oquin camina aturibi tëmëramiti ꞌain.

Jueces 5:27

Usakia aín ꞌuxkënuabi Jaelnën ꞌakëx ka Sísara tarishki kushi pënkërakëbëkini ꞌitankëx ñuaxa.

1 Samuel 15:33

ꞌAínbi ka Samuelnën kakëxa: —Min kamina min manë xëtokën ꞌakin ꞌën aintsi xanun tuákama këñukin ꞌan. Usaribiti ka min titax tuáñuma bërúti ꞌikën. Ësokin kakinshi ka Samuelnën aín manë xëtokë bikinshi anun ꞌakëxa, Guigal kakë ëma anuxun Nukën ꞌIbun kakësabiokin ꞌaxun ka Agag aín nami chánkapakëxa.