Mateo 7:1 - Kashibo-Kakataibo Biblia

¹ Nucën Papa Diosanma mitsuribi ꞌuchoia, usa ꞌain camina bëtsi uni ñui manánquin ꞌuchotima ꞌain.

Nukën 'Ibu Diosan ain unikama 'inan ain bana

¹ Nucën Papa Diosanma mitsuribi 'uchoia, usa 'ain camina bëtsi uni ñui manánquin 'uchotima 'ain.

Mateo 7:1 Iomraidhean Croise

Mateo 7:2

Mitsúnmi uni itsin ñu ꞌaia isquin a uni ꞌuchoia ca Nucën Papa Dios ꞌimainun unínribi, mitsúnribi caramina uisa ñu ꞌai quixun isti ꞌicën. Mitsun —min usa ñu ꞌati ca ꞌaisama ꞌicë —quixun uni itsi cacë ꞌixunbi usaribi oquin ꞌaia ca Nucën Papa Dios ꞌimainun unínribi mitsúnmi bëtsi uni ꞌuchocësaribi oquin mitsu ꞌuchoti ꞌicën.

Mateo 7:5

Mitsun pain mitsun bëru xamë́nu ꞌicë i mo a bitancëxun camina upí oquin isquin bëtsi uni aín bëru xamë́nu ꞌicë i sani chamaratsu bixunti ꞌain.

Lucas 6:37

Bëtsi uni ami manánquin ꞌuchocëma ꞌicë ca Nucën Papa Diosan mitsuribi ꞌuchotima ꞌicën. ꞌImainun ca ꞌuchoquinmi uni, bëtsi uni castícanmicëma ꞌicë Nucën Papa Diosan mitsuribi ꞌuchoquin castícantima ꞌicën. Uni itsíxa mitsumi ꞌuchacëxunbi camina abë mëníonanquin manumiti ꞌain. Usoquin ꞌaími unibë mëníonania ca Nucën Papa Diosan mitsux ami ꞌuchacëxunbi mitsun ꞌucha tërë́nquin manuti ꞌicën.

Lucas 6:41

Bëtsi unin ꞌucha ꞌitsamashi ꞌicë a sinánquinbi camina mitsun ꞌucha ꞌaisamaira ꞌicëbi sinaniman. Ësa ca. Bëtsi uníxa aín bëru xamë́nu i sani chamaratsuñu ꞌicësa ꞌaínbi camina mitsux i mo mitsun bëru xamë́nu ꞌicësa ꞌain. ¿Uisa ꞌixun caramina bëtsi unin bëru xamë́nu ꞌicë i sani chamaratsu a sinánquinbi axa mitsun bëru xamë́nu ꞌicë i mo sinaniman?

Juan 8:7

Usa ꞌain ca cacëxunma oquian ꞌitsa oquin ñucácëx chairuquin cacëxa: —Micama uinu ꞌicëx cara ꞌuchañuma ꞌicë an pain ca maxaxan ꞌati ꞌicën, mitsúnribimi ꞌanun.

Santiago 3:1

ꞌËn xucë́antu, mitsux camina camáxëshiira an axa Jesucristomi catamëcë unicama ꞌunánmicë uni ꞌitima ꞌain. Camina ꞌunanin, usa uni ꞌixunbi ꞌatima ñu ꞌai camina raíri unicama ꞌacësamaira oquin ꞌuchocë ꞌiti ꞌain.