Mateo 6:2 - Kashibo-Kakataibo Biblia

² Usa ꞌain camina ñuñuma uni ñu ꞌinánquin an uni paráncë unicaman ꞌacësaribi oquin ꞌatima ꞌain. Unin atu rabiti cuëënquin ca anu judíos unicama timë́ti xubunuxun ñu ꞌinánan bainuxunribi camabi unin isnun ñuñuma uni ñu ꞌinania. Usoquian ꞌinania isquin ca an a iscë unicaman a rabiquin, ax ca upí uni ꞌicë quixun caia. Unicaman usa uni rabiabi ca Nucën Papa Diosan a upí isima.

Nukën 'Ibu Diosan ain unikama 'inan ain bana

² Usa 'ain camina ñuñuma uni ñu 'inánquin an uni paráncë unicaman 'acësaribi oquin 'atima 'ain. Unin atu rabiti cuëënquin ca anu judíos unicama timë́ti xubunuxun ñu 'inánan bainuxunribi camabi unin isnun ñuñuma uni ñu 'inania. Usoquian 'inania isquin ca an a iscë unicaman a rabiquin, ax ca upí uni 'icë quixun caia. Unicaman usa uni rabiabi ca Nucën Papa Diosan a upí isima.

Mateo 6:2 Iomraidhean Croise

Salmos 37:21

Ñu ꞌatima ꞌakë unin ka ꞌinantëkënuxun bëtsi unin ñu bixunbi a kupín aín ꞌibu kupíoima; ꞌaínbi ka uni upí sinánñu an kuni usakin ꞌakinma aín ñu bixun asérabi aín ꞌibu ꞌinántëkënia.

Proverbios 20:6

Anu ka ꞌitsaira uni axa ꞌën kana mi uisabi otima ꞌai kiax banakë uni ꞌikën, ꞌaínbi ka uinu ꞌikë unínbi asérabi ami ꞌunánmaisa uni mëraima.

Eclesiastés 11:2

Mix kuríkiñu ꞌianan ñuñu ꞌixun kamina min ishi nankinma bëtsinu bëtsinu nanti ꞌain, usokëx ka min nankë ax këñúkëbëbi amanumi nankë ax mix ꞌatima ñu inúkëbëbi min nankë ñukama ax bëtsinu ꞌiti ꞌikën.

Isaías 58:7

ꞌianan ka uix kara pitiñu ꞌikë an axa ꞌakëñuma nikë uni a aín piti ꞌinánti ꞌikën, ꞌianan kamina mitsun uix kara xubuñuma ꞌikë a min xubunua ꞌinun ꞌimiti ꞌain; ꞌimianan kamina chupañuma ꞌikë bëtsi uni ꞌinánan kamina misaribi uni aribi ꞌakinti ëntima ꞌain.

Mateo 15:7

Mitsux camina cëmë ꞌain. Isaíasnëan mitsu ñuiquin cuënëo bana ca ësai quia:

Mateo 16:3

Bëtsi nëtën camina bësuquin naí isi quin: “Nëtë ca bëitia, ꞌuí ca ꞌitsa ꞌibúti ꞌicën”. Naí isquin camina uisai cara nëtë ꞌiti ꞌicë quixun ꞌunanin. Usa ñu ꞌunáncë ꞌixunbi camina ꞌën bana ñuixunia cuanan ꞌën ꞌaia isquinshi ꞌunántisa ꞌixunbi ꞌunaniman, ꞌëx cana asérabi Nucën Papa Diosnuax ucë ꞌai quixun.

Mateo 22:18

Cacëxun ca Jesusan, —uisai caraisna qui quixun ꞌëmi manánuxun cuacatsi quixun ca ꞌë ñucatia —quixun ꞌunánquin cacëxa: —ꞌËmi manánuxun ꞌëx caraisna uisai qui cuacatsi quixun camina ꞌë usoquin cain.

Mateo 23:5

Añu ñu cara ꞌaia a ꞌaquin ca unicaman axira isa upí ꞌicë quixun sinánquinsa unin a rabinun quixun ꞌaia. ꞌAnan ca bëtsi unisama isa ax ꞌicë quixuan camabi unin isnun quixun chupa aín cuëbí chooquin cuëcápuncë pañuia. Pañuanan ca cuënëo bana aín bëmánanu ꞌanan aín pëñan mëmiu tëcërëcaia, a unicamax ca a bana cuacë ꞌicë quixuan unin sinánun quixun.

Mateo 23:6

Pi timë́xun ca anu aín cushicama tsóti anu tsónuxun caisia, atusaribi ꞌicatsi quixun. ꞌIanan ca anu judíos unicama timë́ti xubunu unicamabë timëti, anua aín cushicamax tsóti anu tsótishi cuëënia, camabi unínsa atu isnun quiax.

Mateo 24:51

Uquin ca usai ꞌia isquin ꞌatimonan anu an uni paráncë unicama ꞌicë anua ꞌinun ꞌimiti ꞌicën. Anuax ca anu ꞌicë unicamax paë tani bënëti inti ꞌicën.

Mateo 5:18

Cana mitsu asérabi cain, naí ꞌimainun mecama cëñúcëma pain ꞌain ca a banacama quiásabi oi ꞌiti ꞌicën. Usai ca ꞌiti ꞌicë quiáxa quiá ꞌain ca achúshi banabi usai ꞌicëma ꞌitima ꞌicën.

Mateo 6:16

Mitsux Nucën Papa Diosbë upiti bananuxun piima camina an uni paráncë uníxa ꞌicësaribiti ꞌitima ꞌain. A unicamax ca —Nucën Papa Diosmi sinánquin picëma ꞌaish ca upí uni ꞌicë —quixuan raíri unin sinánun quiax picëma ꞌianan masá nuitucësa ꞌia. Usai ꞌia uni raírinën a rabiabi ca Nucën Papa Diosan a upí isima.

Mateo 6:3

A unicamax usai ꞌicëbëbi camina mitsux usai ꞌitima ꞌain. Min ñuñuma uni ñu ꞌinánquin camina bëtsi uni catima ꞌain, min abë nuibanancë uni abi camina catima ꞌain.

Mateo 6:5

Mitsux Nucën Papa Diosbë banai camina an uni paráncë unicama ꞌicësa oi ꞌitima ꞌain. Atux ca unían a isnun quiax anua judíos unicama timë́ti xubunuax ꞌianan anun niti bai cuëbí anuaxribi Nucën Papa Diosbë banaia. Asérabi cana mitsu cain, a unicamaxa usai Nucën Papa Diosbë banaia iscë unicaman —ax ca upí uni ꞌicë —quixun sinánquin rabia. Usaquin rabiabi ca Nucën Papa Diosan a upí isima.

Mateo 7:5

Mitsun pain mitsun bëru xamë́nu ꞌicë i mo a bitancëxun camina upí oquin isquin bëtsi uni aín bëru xamë́nu ꞌicë i sani chamaratsu bixunti ꞌain.

Marcos 12:39

Usai ꞌianan ca anu judíos unicama timë́ti xubunu unicamabë timëti, anua aín cushicamax tsóti a anu tsotishi cuëënia, ꞌianan ca pi timë́xun anu aín cushicama tsóti anu tsónuxun caisia, atusaribi ꞌicatsi quixun.

Marcos 7:6

Cacëxun ca Jesusan ësaquin atu cacëxa: —Mitsúxmi cëmë ꞌicë mitsu ñuiquian Isaíasnën cuënëo bana ca ësai quia: Ënë unicaman ca aín cuëbitanshi ꞌë rabia, ꞌixunbi ca aín nuitu mëu ꞌë sinanima.

Lucas 11:41

Xanpa, ñutë chucati acama sinánquinbi camina unicama nuibaquin axa ꞌaquinsa ꞌicë ꞌaquinti ꞌain. ꞌAquinquin ca ñu ꞌinán. Usaquin ꞌaia isquin ca Nucën Papa Diosan mitsu upí isti ꞌicën.

Lucas 11:43

ꞌIanan camina anu judíos unicama timë́ti xubunu unicamabë timëti, anua mitsun cushicamax tsóti anu tsótishi cuëënin, camabi unínsa mitsu isnun quiax. ꞌIanan camina anuxuan unin ñu marucë anuxun isquian bëtsi unin —ax ca nun cushi ꞌicë —quixun sinánquin mëcën ꞌinánquin biti cuëënin. Usaími ꞌiti cuëënquinma ca Nucën Papa Diosan uisa cara oti ꞌicë usoquin mitsu ꞌati ꞌicën.

Lucas 12:33

Mitsun ñu maruquin curíqui bixun camina ñuñuma uni ꞌinánti ꞌain. Ënë nëtënuaxa ꞌicësai ca Nucën Papa Diosan nëtë naínu ꞌicë ñucamax ꞌatimati cëñutíma, an ñu mëcamacë uni ca ꞌaíma ꞌicën, ꞌimainun ca an cëñuti nacuáxbi anu ꞌaíma ꞌicën. Usa ꞌain camina mitsux ñuñushi ꞌiti sinánquinma ax cuëëncësabi oquin ꞌati ꞌain. Usaquin ꞌatancëxmi aín nëtënu abë ꞌicë ca an mitsúnmi a cuëënminuxun ꞌacëcama cupíoquin chuámarua aíshmi xënibua ꞌaínbi cuëënun mitsu ꞌimiti ꞌicën.

Lucas 12:56

Naí ꞌimainun me isquin camina uisai cara nëtë ꞌiti ꞌia quixun ꞌunanin. Usa ñu ꞌunáncë ꞌixunbi caramina uisa cupí ꞌën bana ñuixunia cuanan ꞌën ꞌaia isquin, ꞌunántisa ꞌixunbi ꞌunaniman, ꞌëx cana asérabi mitsúnmi ax uti caíncë a ꞌai quixun. Usaquin ꞌunántsinxunbi —usa ca —quixun ꞌunántisama tani camina cëmë uni ꞌain.

Lucas 13:15

Quia ca Nucën ꞌIbu Jesusan cacëxa: —Mitsux camina cëmë ꞌain. Mitsux, ꞌaracacë ñuina tëcërëcacëñu ꞌixun, camina nëtë camabi ꞌacësaribi oquin anun ñu mëëtima nëtë́nribi min ñuina ꞌunpax ꞌanun xëxánu buanin.

Lucas 20:46

—An usaía judíos unicama ꞌinun Moisésnën cuënëo bana ꞌunáncë unicamax ꞌicësaribiti camina ꞌitima ꞌain. Atux ca chupa chaxcë́ pañuax niti cuëëanan anuxun ñu marucë anuxuan unin, ax ca nun cushi ꞌicë, quixun sinánquin mëcën ꞌinánquin biti cuëënia. Usai ꞌianan ca anu judíos unicama timë́ti xubunu unicamabë timëti anua aín cushicamax tsóti anu tsótishi cuëënia, ꞌianan ca pi timë́xun anu aín cushicamax tsóti anu tsónuxun caisia, atusaribi ꞌicatsi quixun.

Lucas 6:24

Usa ꞌaínbi camina ñuñuira ꞌaish mitsux, usabii ꞌinuxmabi ashiti mitsun ñu cupí cuëëncë ꞌaish, Nucën Papa Diosan nëtënuax cuëënti ꞌaíshbimi cuëëncëma cupí masá nuituirati ꞌain.

Lucas 6:42

¿Mitsun bëru xamë́nu ꞌicë i mo mëníoquin bicëma ꞌixun caramina uisa cupí —i sani chamaratsu min bëru xamë́nu ꞌicë camina ꞌë bimiti ꞌai —quixun bëtsi uni cati ꞌain? Mitsun pain mitsun bëru xamë́nu ꞌicë i mo a bitancëxun camina upí oquin isquin bëtsi uni aín bëru xamë́nu ꞌicë i sani chamaratsu bixunti ꞌain.

Juan 13:29

Judas ax ca anu curíqui puruti ñusuti a niquincë uni ꞌiacëxa. Usa ꞌain ca raírinën, Jesusan sapi isa Pascua nëtën piti ñu marutanun canan, ñuñuma uni ñu ꞌinántanun caxa quixun sináncëxa.

Juan 5:41

Unían ꞌë rabiti cana sinaniman.

Juan 5:44

Nucën Papa Dios axëshi Dios ꞌixun mitsu upíoti cuëënima camina mitsúxbi upíonani rabiananti cuëënin. ¿Nucën Papa Diosan mitsu upí oti cuëëncëma ꞌaish caramina uisax ꞌëmi catamëti ꞌain? Camina ꞌitima ꞌain.

Juan 7:18

Axa anbi sinanx banacë uni ax ca unían a rabinun quixun sinanishi banaia. ꞌAínbi ca an ñuiquin uni canun quixuan a xuá ashia unin rabiti cuëëncë uni an cuni cëmëquin uni paranima.

Hechos 10:2

A unix ca aín xubunua ꞌicë aín aintsi ꞌibucamabëtan Nucën Papa Dios aín bana cuaquin rabicë ꞌiacëxa. Usai ꞌianan ca ñuñuma judíos unicama ꞌitsa oquin curíqui ꞌináncëxa. ꞌInánan ca camabi nëtën Nucën Papa Diosbë banacëxa.

Hechos 10:31

Niracëquin ca ꞌë caëxanxa: Cornelio, mixmi abë banacëcama ca Nucën Papa Diosan cuaxa. Cuanan ca minmi ñuñuma uni ñu ꞌináncë acamaribi ꞌunanx cuëënquin manuima.

Hechos 10:4

Cuëncëxun ami bësuquin isíbi racuëtan bamaquin ca cacëxa: —¿Añu cat? Cacëxun ca ángelnën cacëxa: —Abë banaquinmi ñuñuma uni ñu ꞌináncëcama ca Nucën Papa Diosan asábi isaxa.

Hechos 11:29

Usai ꞌicëbëa Judeanu ꞌicë axa Jesucristomi catamëcë unicamax atun piti ñuñuma ꞌicë ñuicania cuaxun ca Antioquíanu ꞌicë unicaman curíqui atu buánmiti sináncëxa, axa ꞌitsa curíquiñucaman uiti cara nainsa tania ꞌati nanmainun uicamax cara ꞌitsamashi curíquiñu ꞌicë acamanribi uiti cara nainsa tania ꞌati nantancëxun.

Hechos 24:17

Usa ꞌain cana ꞌitsa barin bëtsi bëtsi menu ꞌitancëx Jerusalénu utëcëan. Uquin cana nun aintsi ñuñumacama ꞌinánun quixuan uni raírinën ꞌë bëmicë curíqui bëan. Bëanan cana ꞌën curíquiribi anuxun Nucën Papa Dios rabiti xubunuxun ꞌinánuxun bëan.

Hechos 9:36

Jesucristomi sináncamainun ca Jope cacë ëmanu ꞌicë xanu achúshi Tabita, aín anë itsi Dorcas, anribia Nucën Papa Diosan bana cuacë, ax ꞌiacëxa. A xanun ca ñu upíshi ꞌaquin usabi ocë ꞌixun ñuñuma unicama ñu ꞌináncëxa.

Romanos 12:8

Axa upí ꞌinun uni raíri ꞌësënun quixun Nucën Papa Diosan ꞌimicë ꞌixun cananuna upí oquin ꞌësëti ꞌain. Nun uni raíri ñu ꞌinánun quixun ꞌimicë ꞌixun cananuna unin nu rabinun quixun sinánquinma cuëënquinshi ꞌinánti ꞌain. Nux unin cushi ꞌinun ꞌimicë ꞌixun cananuna nun unicama upí ꞌinun upí oquin bërúanti ꞌain. Usoquin ꞌanun Nucën Papa Diosan ꞌimicë ꞌixun cananuna uni ꞌaquinsa ꞌicë cuëënquin upí oquin ꞌaquinti ꞌain.

1 Corintios 13:3

ꞌËn ñucama ñuñuma uni ꞌinánan upí ñu ꞌacë cupí bëtsi unin nëëncëx bamaiabi ca uni nuibati ꞌicëma ꞌicë, Nucën Papa Diosan ꞌë upí isima.

Gálatas 2:10

Canan ca ësoquinshi nu cacëxa, —camina ñuñuma uni ꞌaquinti ꞌai —quixun. Usoquin ꞌati cana sináncën.

Efesios 4:28

An ñu mëcamacë uni an ca usaquin ꞌatëcëntima ꞌicën. Usaquin ꞌatëcënquinma ca chiquíshquinma aín mëcënanbi upí oquin ñu mëëti ꞌicën, cupí bixun anun ñuñuma uniribi ꞌaquinti sinánquin.

1 Tesalonicenses 2:6

Uisa nëtë́nbi cananuna, raíri unicamanribia ꞌamainun camina mitsúnribi nu rabiti ꞌai quixun sináncëma ꞌain. Unin ca nun nu asérabi Cristonën xucë ꞌixun aín bana ñuixuncëxun upí oquin a bana cuaquin nun cacësabi oquinshi ꞌati ꞌicë quixun ꞌunánxunbi cananuna unían nu rabiti sináncëma ꞌain.

1 Timoteo 6:18

Canan camina ësaquinribi atu cati ꞌain, ënquinma upí ñuishi ꞌanan ca uix cara ñuñuma ꞌaish ꞌaquinsa ꞌicë aribi ñonquinma ꞌaquínti ꞌicë quixun.

Filemón 1:7

ꞌËn xucën, cana mi cain, axa anuax Jesucristomi catamëcë uni raírinëan masá nuitucë ꞌixunbi minmi nuibaquin ꞌaquincëxun upí oquin sinania ñuia cuaquin cana cuëënquin upí oquin sinan.

Hebreos 13:16

Rabianan camina uni raíri ꞌaquinquin ñu upí ꞌati manutima ꞌain. Ñuñuma uniribi camina nuibaquin min ñu mësú ꞌinánti ꞌain. Unían usaquin ꞌaia isi ca Nucën Papa Dios cuëënia.

1 Pedro 4:11

Uix cara banati ꞌicë, ax ca Nucën Papa Diosan sinánmicësabi oi banati ꞌicën. Uin cara raíri uni ñu ꞌaxunia an ca Nucën Papa Diosan cushiocëxun upí oquin ꞌati ꞌicën. Usoquin camina Jesucristonan ꞌixun, añu ñu caramina ꞌai a Nucën Papa Diosa cuëëntanun ꞌati ꞌain. Ax ꞌApuira ꞌaish cushiira ꞌicë ca camabi unin rabiti ꞌicën, nëtë xënibua ꞌaínbi. Usaquin ca ꞌati ꞌicën.

1 Samuel 15:30

—ꞌËx kana ꞌuchan —kiax ka Saúl amiribishi kítëkëankëxa—. Usa ꞌaínbi kana mi amiribishi katëkënin Israel kaman kushi ꞌimainun kamabi unikaman, ax ka asérabi nun ꞌapu ꞌikë kixun mi sinánun kamina ꞌëbë kuanti ꞌain. Usa ꞌain kamina ꞌëbë kuantëkëntankëxun Nukën ꞌIbu rabi kuanti ꞌain kixun ka katëkëankëxa.