Mateo 5:8 - Kashibo-Kakataibo Biblia

⁸ Axa aín nuitu Nucën Papa Diosan iscëx upí ꞌianan aín sinan upí uni an ca Nucën Papa Dios ꞌunánan isti ꞌicën. Usai ca ꞌiti ꞌicë quixun ꞌunani ca chuámarua tani cuëënia.

Nukën 'Ibu Diosan ain unikama 'inan ain bana

⁸ Axa aín nuitu Nucën Papa Diosan iscëx upí 'ianan aín sinan upí uni an ca Nucën Papa Dios 'unánan isti 'icën. Usai ca 'iti 'icë quixun 'unani ca chuámarua tani cuëënia.

Mateo 5:8 Iomraidhean Croise

Génesis 32:30

Usa ꞌain ka a me Penuel kakin anëi Jacob kiakëxa: “Nukën ꞌIbu Diosbë kana isanairan usa ꞌaínbi kana bamakëma ꞌain.”

2 Samuel 22:27

Dios min kamina uin kara këmëi banakinma mix kikësokin ꞌaia ashi ꞌakianan uix kara këmëirai banaia a bëtsiokin nanin.

Salmos 15:2

Anu ka ꞌiti ꞌikë an upí ñuishi ꞌakë ꞌimainun an upíokinshi ꞌakin ënkinma abi ñu upíshi ꞌakë uni; ax kuni ka ꞌain bana kikësokinshi ꞌai upí ꞌiti ꞌikën;

Salmos 24:4

Anu kuanti uni ax ka upí sinánñu ꞌixun ñu ꞌatima ꞌati sinani ꞌuchaima ꞌianan; Dios asérabi ain anë ñui kikëma ꞌiti ꞌikën.

Salmos 51:10

ꞌËn ꞌIbu Dios, ꞌatima ñu sinánxuma ꞌanun kamina ꞌë ëntima ꞌain. ¡ꞌIanan kamina upí sinánñu bërí ꞌinun ꞌë ꞌimiti ꞌain!

Salmos 51:6

Min kamina asérabi sinan mëninñushi uni a nuibatin, usa ꞌixun kamina ꞌëribi sinan ñuira ꞌinun ꞌimia.

Salmos 73:1

¡Dios ax ka Israel unikamabë upí ꞌianan, uin kara ꞌain nuitunën upíokin ami sinania a unikamabëribi upí ꞌikën!

Hechos 15:9

Nuxnu judíos ꞌicëa nu ꞌimicësaribi oquin ca Nucën Papa Diosan judíosma unicama Jesucristomi catamëcë cupí aín ꞌuchacama tërë́nquin aín sinan upí ꞌimiaxa.

1 Corintios 13:12

Espejo upíirama ꞌaínu upí oquin anun ñu iscëma usaribi oquin cananuna uisaira cara Nucën Papa Diosan sinan ꞌicë quixun camaira ꞌunaniman. Usa ꞌaínbi cananuna aín nëtënu ꞌixúinra ꞌunánti ꞌain. Bërí cana camabiira ꞌunaniman. Usa ꞌixunbi cana ꞌunánti ꞌain, an ꞌë ꞌunáncësaribi oquin.

2 Corintios 7:1

ꞌËn nuibacë xucë́antu, a banacama nun cuanun ca Nucën Papa Dios quiacëxa. A banacama ꞌunánquin cananuna nun sinanën upíira oquin sinánan nun nuituribi upí ꞌianan nun ꞌacë ñuribi upí ꞌinun camabi nëtën bërúancati ꞌain. Usai ꞌi cananuna aín bana cuati ainanshi ꞌaish ax cuëëncësabi oíshi ꞌiti ꞌain.

Tito 1:15

Ënëx ca ësa ꞌicën. Ui unix cara aín sinan upí ꞌicë an ca ñu upíma isquinbi upí oquinshi sinania. Usa ꞌaínbi ca ui unix cara Nucën Papa Diosmi sináncëma ꞌianan aín sinan upíma ꞌicë, an upí ñu isquinbi ꞌatima ñuishi sinania. Aín nuitu ꞌaisama ꞌixun ca usa unin ꞌatimaquin sinania.

Hebreos 10:22

A cupí nun ꞌuchacama tërë́ncë ꞌaish cananuna uisa ñu cara ꞌaisama ꞌicë quixunu ꞌunánquin mëníocë ꞌaish asérabi ax cuëëncësabi oi ꞌiisa tani Nucën Papa Diosbë banati ꞌain, an ca cuati ꞌicë quixun ꞌunani. Ax Nucën Papa Diosbë banai tabernáculo xubunu atsínux ca sacerdote aín ꞌucha tërë́ncë ꞌianan upiti nashi mëníocacëxa. Usaribiti cananuna Jesucristo cupí chucacësa ꞌaísha nun nuitu, nun sinan upí ꞌain Nucën Papa Diosbë banain.

Hebreos 12:14

Nishananima camina upitaxëshi bucuti ꞌain. Aín ꞌucha ëncëma unix ca Nucën Papa Diosbë ꞌitima ꞌicën. Usa ꞌain camina nishananima upitax bucuquin uisa ꞌuchabi ꞌati sinántima ꞌain.

Hebreos 9:14

Ñuina rëcë aín imi cupí uni ꞌicësamaira oi cananuna Cristo bama cupí nun ꞌucha tërë́ncë ꞌaish upí ꞌiti ꞌain. Nucën Papa Diosan Bëru Ñunshin Upí, axa usabi ꞌiá ꞌaish usabi ꞌicë, ax abë ꞌain ca Cristo, ax ꞌuchañuma ꞌaíshbi bamatsianxmabi, nun ꞌuchacama tërë́ncë ꞌinun bamacëxa. Xënibua ꞌaínbi abë ꞌitimoinu bamati ꞌicëbi ca nun ꞌuchacama tërë́nquin, ax aín imi ꞌapati bama cupí, Nucën Papa Dios, axa bamatimoi tsócë, a rabinu ax cuëëncësabi oi ꞌinun nu ꞌimia.

Santiago 3:17

Usa ꞌaínbi ca Nucën Papa Diosan sinánmicë unin upí oquinshi sinánquin upí ñu ꞌaia. Ca unibë nishananquinma nuibananquin bëtsi unían cacëxun cuaquin upí oquin bana sinánan uni itsiribi nuibaquin axa ꞌaquinsa ꞌicë ꞌaquinia. Usa unin ca cëmëma ꞌixun paránanquinma aín quicësabi oquin ꞌaia.

Santiago 4:8

Asérabi upiti ami sinani Nucën Papa Diosbë banaquin camina an nuibaquin sinánmicëxun, ax ca mitsubë ꞌicë quixun mitsun nuitu mëu upí oquin ꞌunánti ꞌain. An ñu ꞌaisama ꞌacë unicama, cana mitsu cain: Unia aín mëcën chuañuma ꞌinun mëchucacësaribiquin ca min sinan upí ꞌinun min ñu ꞌatima ꞌacëcama ën. —Nucën Papa Diosnan cana ꞌai —quicë ꞌixunbi ainanma unicaman ꞌacësaribi oquin ënë menu ꞌicë ñuishi sináncë unicama, mitsúxribi ca sinanat, Nucën Papa Dios cuëëncësabi oíshimi ꞌinun.

1 Pedro 1:22

Aín Bëru Ñunshin Upitan ꞌimicëx Jesucristomi catamëti ax cuëëncësabi oi ꞌiquin axa mitsux ꞌicësaribiti Jesucristomi catamëcë unicamabë upiti nuibananuxun camina ñu ꞌatima ꞌati ashiquin ëan. Usa ꞌaish camina bërí ꞌicësamaira oi asérabi cuëënquin upí oquinra sinani atubë nuibananti ꞌain.

Apocalipsis 22:4

Rabianan ca anuax abë isananti ꞌicën. Usa ꞌaish ca Nucën Papa Diosan anë atun bëmánanu cuënëocë ꞌiti ꞌicën.