Mateo 4:2 - Kashibo-Kakataibo Biblia

² Anu ꞌixun ca Jesúsan añu ñubi cuarenta imë́ ꞌimainun cuarenta nëtën piama ꞌicën. Ñu piima ca panancëxa.

Nukën 'Ibu Diosan ain unikama 'inan ain bana

² Anu 'ixun ca Jesúsan añu ñubi cuarenta imë́ 'imainun cuarenta nëtën piama 'icën. Ñu piima ca panancëxa.

Mateo 4:2 Iomraidhean Croise

1 Reyes 19:8

Usakian kakëx bësui niruxun ka Elíasnën pianan xëakëxa. A pitia pikë an ka cuarenta nëtë ꞌimainun cuarenta ñantan nikiani kuanxa aín bashi Horeb kananbi Diosan bashi kakëribi anu bëbati kushiñua ꞌinun ꞌakiankëxa.

Éxodo 24:18

Iskëbë ka Moisés aín bashinu ꞌibúkë kuin anun atsínkiani mapërakëakëxa, mapërakëtankëx ka anu cuarenta nëtë ꞌimainun cuarenta imë́ ꞌiakëxa.

Éxodo 34:28

Usa ꞌain ka Nukën ꞌIbubë Moisés cuarenta nëtë ꞌimainun cuarenta imë́ aín bashi Sinaí kakë anu bërúakëxa anuxun ka añubi pima ꞌianan xëama ꞌikën. Anu ꞌixun ka maxá pará anu këñutima okin ñuikë bana, mapai rabëbëtan sënën ꞌitánun kuënëokëxa.

Mateo 21:18

Betanianu ꞌinëti Jerusalénu cuantëcëni ca Jesús panancëxa.

Mateo 25:35

ꞌËx ꞌacëñuma ꞌicë camina ꞌë piti ꞌináncën. ꞌËx ꞌumpax ꞌaisa tani shimaia camina ꞌë ꞌináncën. Amanu nitsi cuanx ꞌëx anu ꞌiti ꞌaíma ꞌain camina ui cara quixun ꞌunánquinmabi ꞌëx anu ꞌiti ꞌë ꞌináncën.

Mateo 25:42

ꞌËx ꞌacëñuma ꞌicë camina ꞌë piti ꞌinánma ꞌain. ꞌËx shimacë camina ꞌë ꞌumpax ꞌinánma ꞌain.

Marcos 11:12

Betanianu ꞌinëti Jerusalénu cuantëcëni ca Jesús panancëxa.

Lucas 4:2

Cuanx ca cuarenta nëtën anu ꞌiacëxa. Anua ꞌicë ca ñunshin ꞌatimanën ꞌapun ñu ꞌaisama ꞌamicatsi quixun caraishiacëxa. Anu ꞌixun ca a nëtëcaman Jesusan ñu piama ꞌicën. Ñu piima ca panancëxa.

Juan 4:6

Bëbatancëx ca Jacobnëan naëa ꞌunpax anu ꞌain, Jesús ꞌuran cuanbaiti cuainsama tani, baria xamárucëbë, a rapasu tsóbuacëxa.

Deuteronomio 18:18

ꞌËn kana atunuaxa achúshi uni an ꞌën bana ñuiti uni ꞌimiti ꞌain, min ꞌakësarabi okin an bana ñuixunun ꞌimiti ꞌain, an ka mitsun aintsibi ꞌixun ꞌën kakë banakama mitsu ñuixunti ꞌikën, ꞌimainun ka ꞌën kakë banakama abi mitsu ñuixuntëkënti ꞌikën.

Deuteronomio 9:18

Usokin ꞌatankëx kana Nukën ꞌIbu ismainunbi menu rantipuruni ꞌëx bëráma ꞌikësaibi ꞌiakën, ꞌi kana cuarenta nëtë ꞌimainun cuarenta imë́ añubi pima ꞌianan xëaima ꞌiakën, mitsux ñu ꞌatima ꞌai ꞌuchakin Nukën ꞌIbu nishmikë kupí kana usai ꞌiakën.

Deuteronomio 9:25

ꞌËn mitsu ñuixunkë usokian Nukën ꞌIbun mitsu këñutisa tankëbë kana, ꞌëx rabuxunën menu rantipuruni tsóbutankëx cuarenta nëtë ꞌimainun cuarenta imë́ ꞌiakën,

Deuteronomio 9:9

Usai ꞌikëbë kana ꞌëx maxáx pará rabë́ anua achúshi ñu mitsu ꞌaxunkin Nukën ꞌIbun aín bana kuënëokë a bitsi aín bashinu mapërakëakën, mapërakëax kana anu cuarenta nëtë ꞌimainun cuarenta imë́ ñu pima ꞌianan xëaimabi ꞌiakën.