Mateo 4:1 - Kashibo-Kakataibo Biblia

¹ Nashimicë ꞌicë ca Nucën Papa Diosan Bëru Ñunshin Upitan Jesús anu uni ꞌicëma menu cuanti sinánmiacëxa, anuxun ca ñunshin ꞌatimanën ꞌapun ñu ꞌatima ꞌamicatsi quixun ꞌati ꞌicë quixun ꞌunánquinbi.

Nukën 'Ibu Diosan ain unikama 'inan ain bana

¹ Nashimicë 'icë ca Nucën Papa Diosan Bëru Ñunshin Upitan Jesús anu uni 'icëma menu cuanti sinánmiacëxa, anuxun ca ñunshin 'atimanën 'apun ñu 'atima 'amicatsi quixun 'ati 'icë quixun 'unánquinbi.

Mateo 4:1 Iomraidhean Croise

Génesis 3:15

ꞌËn kana mixmi xanubë nishananun ꞌimiti ꞌain, ꞌën ꞌimikëx ka min rëbúnki ꞌimainun xanun rëbúnki nishananti ꞌikën. Aín rëbúnkinën ka min maxkánu mi amánuxun ꞌaia, ꞌakëxun kamina aín taë tsipútunu ꞌanuxun ꞌain.

1 Reyes 18:12

Usa ꞌaínbi ka bërí ꞌëx mi ëbiani kuankëbëtan Diosan bëru ñunshinan anua ꞌën mi ꞌunántima menu buánti ꞌikën. Usa ꞌain ka mi ñuikin kakëx ukinbi mi mërakinma Ahabnën ꞌë rëtëti ꞌikën. An mi ñu mëëxunti uni ënën ka bëná ꞌixunbi Dios kuëënkësa okinshi ñu ꞌakëxa.

2 Reyes 2:16

ꞌikin ka ësokin kakankëxa: —Ka kuat, ënu kananuna an mi ñu ꞌaxúnti cincuenta uni ain sinan kushibu ꞌain. Usa ꞌain kamina an mi ñu ꞌunánmikë uni a baritanun nukama xuti ꞌain, Diosan bëru ñunshina atuma buánxun aín bashinu niananbi me sapanubu nia istánun. ꞌAínbi ka Eliseonën ësai kiabi atu kakëxa: —Usama ka uibi kamina mitsun a baritanun xutima ꞌain.

Ezequiel 3:12

Usa ꞌain ka Diosan Bëru Ñunshinan ꞌë biruaxa, birukëxun kana ꞌë kaxakúaxa kushiira rërëkikësai banaia kuan, usai ka anua ꞌikë anuaxa Diosan kushi nirukëbë ꞌiaxa.

Ezequiel 3:14

Usa ꞌain ka Diosan kushi anua ꞌë chikíanxa, chikinkëx kana anuax masá nuitukë ꞌianan nishkë kuan, kuankinbi kana Diosan aín mëkënanbi kushiokin tuinkësa tan.

Juan 14:30

Ënë banacamaishi cana mitsu cain. An ënë menu ꞌicë unicama ax cuëëncësa oquian ꞌanun ꞌamicë ꞌapu ca aia. Usa ꞌain cana bana itsiribi ñuiquin mitsu caiman. Uxunbi ca an ꞌë uisoima.

Hechos 8:39

A nashimitancëx caman ꞌiruiaishia Nucën Papa Diosan Bëru Ñumshin Upitan buáncëx nëtëtia ca a unin Felipe istëcëanma ꞌicën. Istëcënímabi cuëënquiani ca aín menu cuancëxa.

Romanos 8:14

Uicaman cara an sinánmicëxun Nucën Papa Diosan Bëru Ñunshin Upitan sinánmicësabi oquin ꞌaia, acamax ca asérabi Nucën Papa Diosan bëchicë ꞌicën.

Hebreos 2:18

Ax tëmëranan ñunshin ꞌatimanën ꞌapun tancëxunbi ñu ꞌatima ꞌaíma ꞌixun ca an, a ñunshin ꞌatimanën ꞌapun ñu ꞌatima ꞌanun quixun sinánmicë aín unicamaribi usoquin ꞌaxunma ꞌanun cushioti ꞌicën.

Santiago 1:14

Unían ñu ꞌatima ꞌacë ax ca Nucën Papa Diosan ꞌamicëma ꞌicën. Abi aín sinan ꞌatima ꞌixun ca usoquin ꞌaia.