Mateo 3:6 - Kashibo-Kakataibo Biblia

⁶ Cuanxúan atun ꞌuchacama chiquinatia ca Juanën Jordán bacanuxun nashimiacëxa.

Nukën 'Ibu Diosan ain unikama 'inan ain bana

⁶ Cuanxúan atun 'uchacama chiquinatia ca Juanën Jordán bacanuxun nashimiacëxa.

Mateo 3:6 Iomraidhean Croise

Salmos 32:5

ꞌAínbi kana ꞌën ꞌakë ñukama këñun ꞌën ꞌuchakama mimi unpukinmaira chikinaxuankën; ꞌën ꞌuchakama mi chikinaxunti sinánkin kana usakin ꞌakën, ꞌaia kamina mix ꞌËn ꞌIbu ꞌixun ꞌën ꞌakë ꞌuchakama ꞌë mëníoxuakën.

Ezequiel 36:25

Bëxun kana ꞌumpax upitan chukakësa ꞌitánun ꞌakin mitsun ñu ꞌatima ꞌakëkama a mëníoxuanan, unínbia ꞌaxun rabikë ñukama rabikëxuan an mitsu tsaikë akamaribi mëníoxunti ꞌain,

Daniel 9:4

Ñukákin kana ësakin Dios kakën: Nukën ꞌIbu Dios chaiira ꞌianan kushiira min kamina mix kikësabiokin ñu ꞌakin, nuibanankë ꞌixun min kikësabiokin kara min unikama ñu ꞌaia isin, a tanti min bana a kara asérabi ꞌaia kixun isin:

Levítico 16:21

bëkëbëtan ka ñuinanën maxkánu aín mëkën rabë́ nankin, kamabi Israel unikaman bana kuakinma ñu ꞌatima ꞌakë ꞌimainun atun ꞌuchakama ami chikínati ꞌikën. Usakin ꞌakëx ka chibun maxkánu a ꞌuchakama bërúti ꞌikën, usakin ꞌaxun ka achúshi uni anu uni ꞌikëma menu buanxun ëntanun kati ꞌikën.

Mateo 3:11

Uníxa an ñu ꞌatima ꞌacëcama ëni sinanacë cupí cana ꞌën a ꞌumpaxan nashimin. Usa ꞌaínbi ca ꞌësamaira uni ꞌë caxu aia. Axa upíira ꞌaish cushiira ꞌain cana ꞌëx asaribima ꞌaish ami rabini a ꞌurama ꞌitima ꞌain. Usai ꞌiquin cana aín taxacabi a buánxuntima ꞌain. Axira uquin ca uni aín Bëru Ñunshin Upíñu ꞌinun ꞌimiti ꞌicën. ꞌImiquin ca tsi rëquirucënën ñu ꞌacësoquin aín cushin aín nuitunua sináncë ñu ꞌatimacama a cëñuquin uni upí ꞌimiti ꞌicën.

Marcos 1:5

Usa ꞌain ca Judea menu ꞌicë unicama ꞌimainun Jerusalénu ꞌicë unicamaxribi Juanën bana ñuixunia cuati cuancëxa. Cuanxuan atun ꞌuchacama chiquinatia ca Juanën Jordán cacë bana anuxun nashimiacëxa.

Lucas 1:16

Juan an ca amia manúcë ꞌicëbi Israel unicama upí oquin atun ꞌIbu Diosmi sinántëcënquian a rabinun ꞌunánmiti ꞌicën.

Lucas 3:16

Sinania ca Juanën anu ꞌicë unicama cacëxa: —ꞌËn cana mitsu ꞌumpaxan nashimin. Usa ꞌaínbi ca ꞌësamaira uni ꞌë caxu aia. Axa upíira ꞌaish cushiira ꞌain cana ꞌëx asaribima ꞌaish ami rabini a ꞌurama ꞌitima ꞌain. Usai ꞌiquin cana aín taxacabi tubuxuntima ꞌain. Axira uquin ca uni aín Bëru Ñunshin Upíñu ꞌinun ꞌimiti ꞌicën. ꞌImiquin ca tsi rëquirucënëan ñu ꞌacësoquin aín cushin aín nuitunua sináncë ñu ꞌatimacama a cëñuquin uni upí ꞌimiti ꞌicën.

Hechos 1:5

Asérabi ca Juanën uni ꞌunpaxan nashimiacëxa. Usa ꞌaínbi ca ꞌitsama nëtë ꞌicëma ꞌaínshi Nucën Papa Diosan aín Bëru Ñumshin Upí mitsubëa ꞌinun xuti ꞌicën.

Hechos 11:16

Usai ꞌicëbëtan cana Nucën ꞌIbu Jesús axa ësai quiá sinan: Juanën ca uni ꞌunpaxan nashimiaxa. Usa ꞌaínbi camina axa mitsubë ꞌinux ucëbë Nucën Papa Diosan Bëru Ñumshin Upíñu ꞌiti ꞌain.

Hechos 19:18

Usaía ꞌicëbë uxun ca axa Jesúsmi catamëcë ꞌitsa unin —usaribi oquin cana ꞌën ñu ꞌatima ꞌacë —quixun chiquinacëxa.

Hechos 22:16

Usaími ꞌinúan caíscë ꞌaish camina bënëtishi nirui min ꞌuchacama tërë́nun Nucën ꞌIbu Jesúsmi catamëti nashimicë ꞌiti ꞌain.

1 Corintios 10:2

Usaquin nëtë cuinan bëararacë ꞌaish parúnpapa sicaracëtancëx ca nucën raracamax Nucën Papa Diosmi catamëti Moisésbë upí ꞌaish an buáncëx abë cuancëxa.

Colosenses 2:12

Mitsun, Nucën Papa Diosan ca bamacëbi Cristo baísquimiacëxa quixun ꞌunánquin, an ca a cushínbi ꞌë ië́miti ꞌicë quixun ꞌunani camina ax ꞌiásaribiti nashimicë ꞌaish Cristobëbi bamacë acëñun maíncëx abëbi baísquiasa ꞌain.

Hebreos 6:2

ꞌimainun Jesús sinani nashimicë ꞌiti, ꞌimainun Jesúsnan ꞌixun axa ami catamëcë uni itsinu nun mëcën nanquin Nucën Papa Dios ñucáxunti, ꞌimainun camabi uníxa baísquia ca Nucën Papa Diosan an ꞌacë ñucama ꞌunánquin uisa cara oti ꞌicë quixun cati, acama.

Hebreos 9:10

Nucën Papa Diosan ca usoquin judíos unibunën ꞌati ñuiquin bëtsi bëtsi ñuina nami pitima ꞌimainun amiribi amiribi mëchucati, usa ñucama ꞌanun quixun mëníocëxa. Usai a banacama quicësabi oi ꞌibi ca atun nuitu upí ꞌima. An Jesucristo xuisama pain ꞌaían judios unibunën usa ñucama ꞌanun ca Nucën Papa Diosan mëníocëxa.

Santiago 5:16

Usa ꞌain camina mitsúnmi min ꞌatimaquin sináncë a ñuixuananquin abëmi Jesucristomi catamëcë uni raíribë mia usa ñucama mëníoxunun Nucën Papa Dios ñucáxuananti ꞌain. Upíira oquin sinánquin ñucácë cupí ca Nucën Papa Diosan upí oquin uni ꞌaquinti ꞌicën.

1 Pedro 3:21

Nucën Papa Diosan sinánmicëxa Noé manë nuntinu ꞌiruax ië́asa, usaribiti cananuna nuxribi Nucën Papa Diosmi catamëti ꞌunpaxan nashimicë ꞌaish iëtin. Nun namia chuañuma ꞌinun cananuna nashimicë ꞌitima ꞌain. Usai ꞌíma cananuna —Jesucristo baísquia cupía Nucën Papa Diosan nu upí ꞌimicë ꞌaish cananuna nun ꞌuchacama tërë́nce ꞌaish an iscëx upí ꞌai —quixun sinani nashimicë ꞌain.

1 Juan 1:9

Usa ꞌaínbi cananuna ꞌunánti ꞌain, nun nu nun ꞌuchacama chiquinaxuncëxun ca Nucën Papa Diosan, ax upí ꞌixun ax quicësabi oquin ꞌaquin, nun ꞌuchacama nu tërë́nxunquin upí ꞌinun nu ꞌimiti ꞌicën.