Mateo 3:5 - Kashibo-Kakataibo Biblia

⁵ Usa ꞌain ca Jerusalénu ꞌicë unicama Juanu riquiancëxa. Judea menu ꞌicë unicama ꞌimainun baca, Jordán cacë, a ꞌurama ꞌicë mecama anuaxribi ca ꞌaisamaira uni Juanën bana ñuixunia cuati cuancëxa.

Nukën 'Ibu Diosan ain unikama 'inan ain bana

⁵ Usa 'ain ca Jerusalénu 'icë unicama Juanu riquiancëxa. Judea menu 'icë unicama 'imainun baca, Jordán cacë, a 'urama 'icë mecama anuaxribi ca 'aisamaira uni Juanën bana ñuixunia cuati cuancëxa.

Mateo 3:5 Iomraidhean Croise

Mateo 2:1

Herodes axa Judea cacë menu ꞌicë unicaman ꞌapu ꞌaish Jerusalénu ꞌain ca a menu ꞌicë ëma, Belén cacë, anuax Jesús bacë́ancëxa. Belénuaxa Jesús bacë́an ca aucüaxa bari urucë anuax an ñu ꞌunáncë unicama, Belén ꞌurama ꞌicë Jerusalén ëmanu cuancëxa.

Mateo 4:25

Usoquin bana ñuixuanan unicama pëxcubiania cuania ca ꞌaisamaira unin Jesús nuibiancëxa. Galilea menu ꞌicë unicama ꞌimainun Decapolis cacë menu ꞌicë unicama ꞌimainun Jerusalénu ꞌicë unicama ꞌimainun Judea mecamanu ꞌicë unicama ꞌimainun Jordán baca ꞌucë manánuaxribi ucë unicaman ca abë cuanquin Jesús nuibiancëxa.

Marcos 1:5

Usa ꞌain ca Judea menu ꞌicë unicama ꞌimainun Jerusalénu ꞌicë unicamaxribi Juanën bana ñuixunia cuati cuancëxa. Cuanxuan atun ꞌuchacama chiquinatia ca Juanën Jordán cacë bana anuxun nashimiacëxa.

Lucas 16:16

Ësaquinribi ca Jesusan cacëxa: —Juan ucëma pan ꞌain ca Moisés ꞌimainun an Nucën Papa Dios quicë bana uni ñuixuncë unicaman ꞌë ñuiquin unicama ñuixuancëxa. A unicama caxu uquin ca Juanën ꞌë ñuiquin, axa utia judíos unicaman caíncë, ax ca uaxa quiquin unicama ñuixuanxa. Usa ꞌain ca ꞌënribi, ꞌëmi catamëcë unicama ca Nucën Papa Diosnan ꞌiti ꞌicë quixun ñuixunia cuanan ꞌën ñu ꞌaia isi ꞌaisamaira unix Nucën Papa Diosnan ꞌiti sinania.

Lucas 3:3

ꞌImicëx cuani Jordán cacë baca rapasu ꞌicë mecamanu cuanquin bana ñuixuni ca ësai quiacëxa: —Sinanaquin mitsun ꞌuchacama ëni Nucën Papa Diosmi sinani camina nashimicë ꞌiti ꞌain, mitsun ꞌuchacama tërë́ncë ꞌinun.

Lucas 3:7

Usa ꞌain ca Juanën atu nashiminun ꞌaisamaira uni anu riquiancëxa. Riquianxa bëbacë ca Juanën cacëxa: —Mitsux ꞌatima ꞌixun uni paráncë ꞌaish camina mitsun raracama ꞌiásaribiti, runu an uni picë, asa ꞌain. ¿Usa ꞌicë cara anúan Nucën Papa Diosan ꞌaisama unicama atumi nishquin masóti nëtën masócë ꞌitin rabananmi sinananun quixun uin mitsu cax?

Juan 3:23

Nashimimainun ca Juanënribi sipuacëma pain ꞌixun Enón caquin anëcë ëma, anua ꞌitsa ꞌunpax ꞌain, anuxun uni ricuatsincë nashimiacëxa. Enón cacë ëma ax ca Salim caquin anëcë ëma ꞌurama ꞌiacëxa.

Juan 5:35

Unían upí oquin isnuan bëánquibucë ꞌaínbi lamparínën pëcacësaribi oquin ca Juanën ꞌë ñuiquin uni bana ñuixuanxa. Usaquian ñuixuncëbë camina mitsux bënëtishi aín bana cuati cuëëan.