Mateo 3:12 - Kashibo-Kakataibo Biblia

¹² An ñu ꞌapácë unin ꞌacësaribi oquin ca ꞌati ꞌicën. Ësa ca ꞌiti ꞌicën. Unin ca ñu bëru trigo ꞌapatia. ꞌApátancëxun ca bimia bitsia. Bitancëxun ca bucúnxun chacaia. Chacaquian tacaia ca aín xacá suñun amo putia. Pucëbë ca aín bëru ax tiquia. Usai ꞌia bërúanxun bixun bucúntancëxun ca aín xacácama tsi rëquirucë bënántisamanën nëënia. Usaribi oquin ca axa uti an aín ꞌacë ñucama ꞌunánquin, upí unicama abëa ꞌiti bianan ꞌatimacama a atun ñu ꞌatima ꞌacë cupí bimi xacá nëënti pucësa ꞌimiti ꞌicën.

Nukën 'Ibu Diosan ain unikama 'inan ain bana

¹² An ñu 'apácë unin 'acësaribi oquin ca 'ati 'icën. Ësa ca 'iti 'icën. Unin ca ñu bëru trigo 'apatia. 'Apátancëxun ca bimia bitsia. Bitancëxun ca bucúnxun chacaia. Chacaquian tacaia ca aín xacá suñun amo putia. Pucëbë ca aín bëru ax tiquia. Usai 'ia bërúanxun bixun bucúntancëxun ca aín xacácama tsi rëquirucë bënántisamanën nëënia. Usaribi oquin ca axa uti an aín 'acë ñucama 'unánquin, upí unicama abëa 'iti bianan 'atimacama a atun ñu 'atima 'acë cupí bimi xacá nëënti pucësa 'imiti 'icën.

Mateo 3:12 Iomraidhean Croise

Salmos 1:4

Usa ꞌaínbi ka an ñu ꞌatima ꞌakë unikaman ꞌakë ñux usai ꞌima, usa ꞌaish ka atun ꞌakë ñux ni pëchi chushikë suñun tákakin pukë usaribi ꞌikën.

Isaías 1:31

Uni aín kushibu mitsunu ꞌikë ax ka ñusmai basi chushikësa ꞌianan, an ꞌakë ñukamax a sinántëkëntisama ꞌitánun këñuti ꞌikën: Usakin ꞌakëx ka a rabëtaxbi a nëtënbi an bënánti ꞌaíma ꞌain rëkirui këñuti ꞌikën.”

Isaías 41:16

Usakin ꞌaxun tákaia ka suñun bëkikin nuánmiti ꞌikën; ñu bimia aín bimikama këñunbi anu ꞌibúkin suñúan kushiiran ñu ꞌakësaribi okin ꞌabisoti ꞌikën. Usa ꞌain kamina mitsun ꞌIbu ꞌain kuëënkanti ꞌain, usai ꞌikamina mitsux rabiakati Israel unikaman Dios upíira ax ka nubë ꞌikë kiax kikanti ꞌain.

Jeremías 15:7

Usakin ꞌakin kana min unikaman ñu bëru tákaia, suñun ꞌain chua nuámikësa okin ꞌakën, ꞌakin kana a menua ꞌikë ëmakamanua abisi chikínun ꞌimiakën; usakin ꞌakin kana ꞌën uni ꞌikëbi atu bakë bëchikëñuma ꞌitánun masókin këñuakën, usokin kana atun ñu ꞌatima ꞌakë ëinsama tania ꞌakën.

Jeremías 7:20

Usa ꞌain kana ꞌëx Dios ꞌaish asérabi kin, ënë me ꞌianan unikama ꞌimainun ñuinakama, nikama, ꞌianan ñu ꞌapákëxa tuákë akamami kana ꞌitsaira nishan. Usa ꞌain ka ꞌëx nishkë ax ërë́ruia tsi bënantisama usaribi ꞌiti ꞌikën.

Amós 9:9

ꞌËn kana ꞌën uni Israelkama bëtsi ëma kamanua bëkin anun tuanti ꞌakë anun ñu tuankëxa ñu bëru pakëkëma usaribi okin uinu ꞌikë ax kara inutia isti ꞌati ꞌain ꞌaínbi ka uinu ꞌikë axbi inútima ꞌikën.

Malaquías 4:1

Dios kamabi kushiñuira ax ka ësai kia: “Kamina kuakanti ꞌain: ënuax basimashi ka kininuaxa tsi ërë́rukë usa nëtë ꞌiti ꞌikën, an ka axa rabiakakë unikama ꞌimainun an ñu ꞌatima ꞌakë akama basi chushikë nëmëkë usai ꞌitánun ꞌati ꞌikën. Usa ꞌain axa uti nëtë ax ukin ka kamabi ñu këñuti ꞌikën, usakin ꞌakëx atunan añu ñubi ꞌaíma ꞌiti ꞌikën.

Mateo 13:30

Anun aín bimi biti nëtë utámainun abëbi canitanun camina ënti ꞌain. A nëtë ucëbëtan cana an naënu ꞌicë bimi biti unicama cati ꞌain: Chucucama pain camina bëchíti ꞌain. Bëchíxun camina nëënuxun nëati ꞌain. Ñu bëru upí ꞌapácë aín bimi bitancëxun camina anu ñu bimi bucúnti xubu anu upí oquin bucúnti ꞌain.

Mateo 13:41

ꞌËx uni ꞌinux Nucën Papa Diosnuax uá ꞌixun ꞌën ángelcama xucëxun ca an ñu ꞌaisama ꞌacë unicama ꞌimainun an bëtsi uni ñu ꞌaisama ꞌanun ꞌamicë unicamaribi bitancëxun

Mateo 13:42

manë tsi cha rëquirucë anu puti ꞌicën. Anuax ca anu ꞌicë unicamabë tëmërai bënëti ꞌinuxun ꞌaia.

Mateo 13:43

Usai ꞌicëbë ca barin uruquian pëcacëxa upí ꞌicësaribiti an Nucën Papa Diosan bana ꞌacë unicamax abë ꞌaish upíira upí ꞌiti ꞌicën. An aín pabitan ënë bana cuacë unin ca aín nuitunënbi sinánquin cuati ꞌicën.

Lucas 3:16

Sinania ca Juanën anu ꞌicë unicama cacëxa: —ꞌËn cana mitsu ꞌumpaxan nashimin. Usa ꞌaínbi ca ꞌësamaira uni ꞌë caxu aia. Axa upíira ꞌaish cushiira ꞌain cana ꞌëx asaribima ꞌaish ami rabini a ꞌurama ꞌitima ꞌain. Usai ꞌiquin cana aín taxacabi tubuxuntima ꞌain. Axira uquin ca uni aín Bëru Ñunshin Upíñu ꞌinun ꞌimiti ꞌicën. ꞌImiquin ca tsi rëquirucënëan ñu ꞌacësoquin aín cushin aín nuitunua sináncë ñu ꞌatimacama a cëñuquin uni upí ꞌimiti ꞌicën.

Lucas 3:17

An ñu ꞌapácë unin ꞌacësaribi oquin ca ꞌati ꞌicën. Ca ësa ꞌiti ꞌicën. Unin ca ñu bëru trigo ꞌapatia. ꞌApátancëxun ca bimia bitsia. Bitancëxun ca bucúnxun chacaia. Chacaquian tacaia ca aín xacá suñun amo putia. Pucëbë ca aín bëru ax tiquia. Usai ꞌia bërúanxun bixun bucúntancëxun ca aín xacácama tsi rëquirucë bënántisamanën nëënia. Usaribi oquin ca axa uti an aín ꞌacë ñucama ꞌunánquin, upí unicama abëa ꞌiti bianan ꞌatimacama a atun ñu ꞌatima ꞌacë cupí bimi xacá nëënti pucësa ꞌimiti ꞌicën.

Juan 15:2

Usa ꞌixun ca an uinu ꞌicë ꞌën pëñanëx cara bimiñuma ꞌicë a tëaxun nia. Nianan ca uinu ꞌicë ꞌën pëñanëx cara bimiñu ꞌicë a upíira oquian tuanun ramëníoia.