Mateo 3:1 - Kashibo-Kakataibo Biblia

¹ Jesús Nazaretnu ꞌain ca Juan, an unicama nashimicë, ax Judea nëtënu ꞌaish anu uni ꞌicëma menu ꞌiacëxa. Anuxun ca an bana ñuia cuati cuania unicama bana ñuixuancëxa.

Nukën 'Ibu Diosan ain unikama 'inan ain bana

¹ Jesús Nazaretnu 'ain ca Juan, an unicama nashimicë, ax Judea nëtënu 'aish anu uni 'icëma menu 'iacëxa. Anuxun ca an bana ñuia cuati cuania unicama bana ñuixuancëxa.

Mateo 3:1 Iomraidhean Croise

Mateo 11:11

Usaquin cuënëo bana ñuitancëxun ca Jesusan anu ꞌicë unicama cacëxa: —Asérabi cana ꞌën mitsu cain, an Nucën Papa Dios quicë bana uni ñuixuncë unicaman ñuixuncë bana ꞌiásamaira ca Juanën ꞌë ñuicë bana ꞌiaxa. Usa ꞌain ca a unicamax ꞌiásamaira Juan ꞌicën. Usa ꞌaínbi ca axa Nucën Papa Diosan nëtënu ꞌiti ꞌën unicamax, unían ñuumara iscë ꞌaíshbi Juan ꞌiásamaira ꞌicën.

Mateo 11:7

Juan, an unicama nashimicë, aín unicama cuancëbëtan ca Jesusan anu ꞌicë unicama ꞌaisamaira ꞌicë Juan ñuiquin ësaquin cacëxa: —¿Uisa uni isi caramina mitsux anu uni ꞌicëma menu cuancën? Bëtsi bëtsi oquin sináncë uni ax ca tutísha suñun bëcacësa ꞌicën. ¿Usa uni isi caramina cuancën?

Mateo 16:14

Cacëxun ca atun cacëxa: —Raírinëx ca quia, mix ismina Juan, an uni nashimicë, a ꞌain. Raírinëx ca quia, mix ismina Elías a ꞌain. Raírinëxribi ca quia, mix sapi ismina Jeremías a ꞌain, ama ꞌaish ismina an Nucën Papa Dios quicë bana unicama ñuixuan uni itsi a ꞌiti ꞌain.

Mateo 21:32

Unicamaxa sinanati aín nuitu asérabi upí ꞌinun ꞌunánmia ucëbi camina Juanën bana cuaisama tan. Mitsúnmi aín bana cuaisama taniabi ca ꞌaisama uni, an ꞌapu buánmiti curíqui bicë ꞌimainun xanu ꞌuchañucamaxribi Juanën bana cuati sinanati upí ꞌiaxa. Usaía ꞌia isquinbi camina sinanaquin aín bana cuacëma ꞌain.

Mateo 3:8

Unían mitsux camina asérabi sinanacë ꞌai quixun ꞌunánun camina ñu ꞌaisama ꞌati ënquin upí ñuishi ꞌati ꞌain.

Marcos 1:15

Ñuibiani cuani ca ësai quiacëxa: —Anun Nucën Papa Diosan ainan ꞌiti unicama aín uni ꞌimiti nëtë ca ꞌurama ꞌicën. Mitsux ami sináncë ꞌixunmabi sinanati ca anun aín uni ꞌinux ië́ti bana sinan.

Marcos 1:2

An Nucën Papa Dios quicë bana unicama ñuixuncë uni, Isaías cacë, an ca Jesucristo ënë menu uti sinánquin Nucën Papa Diosan sinánmicëxun ësaquin cuënëocëxa: A caxu mi cuanun cana uni xutin. Ax pain cuanquin ca anun cuanti bai mëníoquin racanacësaribi oquin, camabi unían min bana cuanun atun nuitua upí ꞌinun sinanamiti ꞌicën.

Lucas 1:76

Usa ꞌain cana mixmi ꞌën bëchicëratsu ꞌicë, mi cain, mi ñui ca unicamax, Nucën Papa Dios manámi ꞌicë an aín bana unicama ñuixunun xucë camina mix ꞌai quiax quiti ꞌicën. Min camina, a Nucën ꞌIbu Diosan xuti ax ucëma pan ꞌain, mix pain rëcuë́ncuatsincë ꞌixun, aín bana cuanun quixun Israel unicama sinánmiti ꞌain.

Lucas 7:24

Juan, an uni nashimicë, an xucë unicama cuancëbëtan ca Jesusan anu ꞌicë unicama ꞌaisamaira ꞌicë, Juan ñuiquin ësaquin cacëxa: —¿Uisa uni isi caramina mitsux anu uni ꞌicëma menu cuancën? Bëtsi bëtsi oquin sináncë uni ax ca tutísha suñun bëcacësa ꞌicën. ¿Usa uni isi caramina cuancën?

Hechos 1:22

Usa ꞌaish ca atux Juanëan nashimia ꞌaísha ax naínu cuantamainun nubë ꞌiaxa. Usa cupí ca a unicama achúshinëxa Jesús ax ca bamatancëx baísquitëcëanxa quixun nun ꞌacësaribi oquin unicama ñuixunux nubë birananti asábi ꞌicën.