Mateo 27:3 - Kashibo-Kakataibo Biblia

³ Usa ꞌain ca Judas, an Jesús uni bimicë, ax Jesúsa ꞌanuxun bicancë isi sinanatëcëancëxa. Sinanabiani anuxun Nucën Papa Dios rabiti xubunu cuanxun ca anu ꞌicë judíos unibunën cushicama treinta curíquia biixancë a ꞌinántëcëancëxa.

Nukën 'Ibu Diosan ain unikama 'inan ain bana

³ Usa 'ain ca Judas, an Jesús uni bimicë, ax Jesúsa 'anuxun bicancë isi sinanatëcëancëxa. Sinanabiani anuxun Nucën Papa Dios rabiti xubunu cuanxun ca anu 'icë judíos unibunën cushicama treinta curíquia biixancë a 'inántëcëancëxa.

Mateo 27:3 Iomraidhean Croise

Juan 13:2

ꞌUramacëbëtan ca ñunshin ꞌatimanën ꞌapun Judas Iscariote, Simonan bëchicë, a Jesús uni ꞌinánti sinánmiacëxa. Usoquian sinánmicë ꞌain ca a ñantan Jesusan aín ꞌunánmicë unicamabëtan piacëxa.

Juan 13:27

ꞌInáncëxuan bitsiashi ca ñunshin ꞌatimanën ꞌapu, Satanásnën Judas bënë́nquinshi sinánmiacëxa. Usaquian sinánmia ca Jesusan Judas cacëxa: —Añu caramina ꞌacasi ca bënë́nquinshi ꞌat.

Juan 18:3

Usa ꞌain ca an ꞌunánxun Judasnën, judíos sacerdotenën cushicamabëtan fariseo unicaman xucë policíacëñun suntárucamaribi buáncëxa. Buáncëxun raírinëan buí ërë́ncë buánmainun raírinën anun ꞌacananti manë xëtocë ꞌimainun i tëacë acama buanx ca Jesúsmi bëbacancëxa.

Hechos 1:18

Usa ꞌixunbi ca Jesús unin binun ꞌaquintancëxun a cupía bicë curíquinën me bitancëxbi, aín ꞌatima ñu ꞌacë cupí axbi ñumi natë́quiquin aín pucucama antácai bamaxa.

2 Corintios 7:10

Aín ꞌuchacama cupí masá nuitutancëxa uni sinanati ca Nucën Papa Dios cuëënia. Sinanatancëx ca aín ꞌucha tërë́ncë ꞌaish Nucën Papa Diosnan ꞌinux ië́cë ꞌia. Usai ꞌitancëx cuëënquin ca —ꞌëx ꞌën ꞌuchacama sinani pan masá nuituti ca asábi ꞌiaxa —quixun sinánti ꞌicën. Usa ꞌaínbi ca uni raíri aín ñu ꞌatima ꞌacë cupí masá nuituquinbi acama ëni ami sinanacëma ꞌaish Nucën Papa Diosnan ꞌima.