Mateo 26:5 - Kashibo-Kakataibo Biblia

⁵ ꞌËsë́nani ca quicancëxa: —Unicamaxma anun rabanan nëëti tsuáquiruia, usa ꞌain cananuna anun carnero ꞌati nëtën bitima ꞌain.

Nukën 'Ibu Diosan ain unikama 'inan ain bana

⁵ 'Ësë́nani ca quicancëxa: —Unicamaxma anun rabanan nëëti tsuáquiruia, usa 'ain cananuna anun carnero 'ati nëtën bitima 'ain.

Mateo 26:5 Iomraidhean Croise

Isaías 46:10

ꞌËx kikë ënëx usai ka ñu ꞌinuxun ꞌaia ꞌëx kia ꞌikën; kianan kana axa ꞌiti ñuribi ñui bërámabi kiakën. Usa ꞌain kana ꞌëx kin: Usa ꞌain ka ꞌën sinánkë ñukama ax usaibi ꞌiti ꞌikën; ꞌën kana uisa ñu ꞌanux karana kia a kamabi ꞌati ꞌain.

Mateo 14:5

Aín unicaman Juan ꞌanun ꞌamitisa tanquinbi ca camabi unían —Juan an ca Nucën Papa Dios quicë bana nu ñuixunia —quixun sináncë ꞌain —ꞌëmima nishcania —quixun sinánquin ꞌamiama ꞌicën.

Mateo 21:26

Nun nu —unían unicama nashiminun cacë ca Juan ꞌiacëxa —quixun cati, ꞌaíshbi cananuna ꞌapuma unicamami racuëtin. Acaman ca aín bana cuaquin —Nucën Papa Diosan ca asérabi aín bana unicama ñuixunun quixun Juan xuacëxa —quixun sinania.

Mateo 27:24

Usa ꞌain ca mëníoisama ꞌinun sharati unicama tsuáquirumisari ꞌia isi, atun ismainunbi, ꞌumpaxan mëchucaquin ca Pilatonën cacëxa: —Ënë uníxa bamacëbëbi ca ꞌën ꞌuchama ꞌicën. Mitsux cuëënxun camina ꞌati ꞌain.

Marcos 14:12

Anun chamiti ñucëñunma ꞌacë pán anun piti nëtë ucëbëa, anun carnero ꞌati Pascua nëtë ꞌain, ca aín ꞌunánmicë unicaman Jesús cacëxa: —¿Uinuxuinra nun Pascua nëtën a piti ñu mi mëníoxuni cuanti caramina cuëënin?

Marcos 14:2

Cananíbi ca quiacëxa: —Unicamama anun rabanan nëëti tsuáquiruia, usa ꞌain cananuna anun carnero ꞌati nëtën bitima ꞌain.

Marcos 14:27

Usa ꞌain ca Jesusan aín ꞌunánmicë unicama cacëxa: —Unin ꞌë bicëbë camina mitsux racuëti abati tsuáquiti ꞌain, Nucën Papa Diosan bana cuënëo ësai quicësabi oi: “An carnero bërúancë uni ꞌën ꞌacëbë ca carnerocamax abati tsuáquiti ꞌicën”.

Lucas 20:6

Nun nu, unían unicama nashiminun cacë ca Juan ꞌiacëxa quixun cati, ꞌaínbi ca ꞌapuma unicaman nu maxaxan ꞌati ꞌicën. Acaman ca aín bana cuaquin, Nucën Papa Diosan ca asérabi aín bana unicama ñuixunun quixun Juan xuacëxa quixun sinania.

Lucas 22:7

Anun chamiti ñucëñunma ꞌacë pán anun piti nëtë achúshi ca Pascua nëtë anun carnero ꞌati, a ꞌiacëxa.

Juan 18:28

Pëcaracëma ꞌaínshia xabaracë́cëbëtan ca Caifásnën xubunua policíanën Jesús Romanuaxa ucë ꞌapu, Pilato, aín xubunu buáncëxa. Usa ꞌain ca a ꞌapua aín caibuma ꞌain, aín xubunu atsini ꞌuchaxuinsa Pascua nëtën ꞌati ñu pitima ꞌicë quixun sinani judíos unicama anu atsíanma ꞌicën.

Hechos 19:29

Usari quicëbë ca Efeso ëmanu ꞌicë unicama sharati tsuáquiruacëxa. Tsuáquiruquin Macedonia menu ꞌicë uni rabë́, Gayo ꞌimainun Aristarco, axa Pablobë nicë, a bixun nirínbianx ca anua unicama timë́cë xubunu abáquianx atsíancëxa.

Hechos 21:38

¿Mix caramina Egiptonu ꞌicë uni an bari itsin, ꞌapumi nishquin unicama tsuáquirumitancëxun uni ꞌaquin cuatro mil uni, anu uni ꞌicëma menu buáncë, ama ꞌain?

Hechos 4:28

usai ca ꞌiti ꞌicë quixunmi mëníosabi oi ca usai ami ꞌiaxa.