Mateo 26:2 - Kashibo-Kakataibo Biblia

² —Camina ꞌunanin, rabë́ nëtë ꞌicëbë ca Pascua anun carnero ꞌati nëtë ꞌiti ꞌicën. A nëtën ca unían binun uni itsin ꞌë ꞌinánti ꞌicën. ꞌInáncëxun ca i curúsocënu bamanun ꞌë matásti ꞌicën. Usaquin ca Jesusan aín ꞌunánmicë unicama cacëxa.

Nukën 'Ibu Diosan ain unikama 'inan ain bana

² —Camina 'unanin, rabë́ nëtë 'icëbë ca Pascua anun carnero 'ati nëtë 'iti 'icën. A nëtën ca unían binun uni itsin 'ë 'inánti 'icën. 'Ináncëxun ca i curúsocënu bamanun 'ë matásti 'icën. Usaquin ca Jesusan aín 'unánmicë unicama cacëxa.

Mateo 26:2 Iomraidhean Croise

Éxodo 34:25

Ñuina rëtankëxun xarokin kamina aín imi këñun ꞌatima ꞌain, ꞌimainun kamina pán anun chamiti ñukëñun ꞌakë aribi ꞌatima ꞌain, ꞌianan ka Pascua nëtë inúkin ñuina nami xarokë ax pëkarakëbëtan ꞌanuxun nankë ꞌitima ꞌikën.

Mateo 10:4

ꞌImainunribi ca Simón axa judíos unibun rabanan nëëti banacë, a ꞌimainun Judas Iscariote, an Jesús uni ꞌinan, a ꞌiacëxa.

Mateo 17:22

Usoxun ca abëa Galilea menu cuania Jesusan aín ꞌunánmicë unicama cacëxa: —Uni ꞌinux Nucën Papa Diosnuax uá ꞌicë ca ꞌë unin an raíri uni ꞌaminun uni ꞌinánti ꞌicën.

Mateo 27:4

ꞌInánquin ca cacëxa: —ꞌËn cana ñancánbi ꞌuchañuma ꞌicëbi a uni mitsu ꞌinan. Usa ꞌaish cana ꞌëx ꞌuchañuira ꞌain. Cacëxunbi ca cacancëxa: —A ñu cananuna nun ꞌunaniman. Ax ca min ꞌuchabi ꞌicën, minbi camina mëníoti ꞌain.

Lucas 22:15

Mesanu tsóxun ca Jesusan aín ꞌunánmicë unicama cacëxa: —Ën cana mitsu cain, ënë nëtënuxun cana ësa piti mitsubë ꞌatëcëniman. Nucën Papa Diosan nëtënuxun cuni cana mitsubëtan ꞌatëcënti ꞌain. Usa ꞌaish cana bamacëma pain ꞌaish a piti ñumi mitsun ꞌëbëtan piti ꞌitsaira cuëëan.

Juan 11:55

Pascua, anúan judíos unicaman carnero ꞌati nëtëa ꞌurama ꞌain ca axa a ꞌurama unicamax Jerusalénu cuancëxa, anuax judíos unicama ꞌicësaribiti Pascua nëtën pinux Nucën Papa Diosan aín nuitu upí isnun mëníocati.

Juan 12:1

Mëcën achúshi ꞌimainun achúshi nëtë anun carnero ꞌati nëtë ꞌiisama pain ꞌain, ca Jesús Betania ëmanu cuancëxa, a ëmanuxuan Lázaro bamacëbi baísquimicë anu.

Juan 18:2

A naëx ca anu Jesús ꞌimainun aín ꞌunánmicë unicamabëribi ꞌitsai timë́cë ꞌixuan, Judas, an Jesús uni ꞌinánti, anribi ꞌunáncë ꞌiacëxa.

Juan 18:32

—Usai cana i curúsocënu unin matáscëx bamanuxun ꞌai —quiáxa Jesús quiásabi oi bamanun ca judíos unicaman usoquin Pilato cacëxa.

Juan 2:13

Pascua anúan judíos unicaman carnero ꞌati nëtëa ꞌurama ꞌain ca Jesús Jerusalénu cuancëxa.