Mateo 26:10 - Kashibo-Kakataibo Biblia

¹⁰ Usai canania cuaquin ca Jesusan cacëxa: —¿Uisati caramina ënë xanu ami nishquin ñuin? Ësoquian ꞌë ꞌacë ënëx ca asábiira ꞌicën.

Nukën 'Ibu Diosan ain unikama 'inan ain bana

¹⁰ Usai canania cuaquin ca Jesusan cacëxa: —¿Uisati caramina ënë xanu ami nishquin ñuin? Ësoquian 'ë 'acë ënëx ca asábiira 'icën.

Mateo 26:10 Iomraidhean Croise

Nehemías 2:18

Usa ꞌain kana Diosan ꞌë upíokin ꞌakinkë a ñuixuanan usakian ꞌapun ꞌë kakë a banakamaribi ñuixuankën, ñuixunkëxun ka atúnribi ësokin ꞌë kakankëxa: —¡Asabi ka usa ꞌain kananuna kamaxunbi amiribishi ënë ëma kënëtëkënti ꞌain! Usai ki ka kamaxunbi kananuna ꞌati ꞌai kiax kuëëni bëtsibë bëtsibë kánani kikankëxa.

Mateo 26:11

Camabi nëtën camina ñuñuma uni isin. Usa ꞌaínbi camina mitsun xënibuquin ꞌë istima ꞌain.

Mateo 26:9

Anun ñuñuma uni ꞌaquinti ënë ro ꞌitsaira curíqui cupí maruti ca ꞌiaxa.

Marcos 14:6

Usai canania cuaquin ca Jesusan cacëxa: —Ami nishquin ënë xanu ñuixunma ca ꞌat. Ësoquian ꞌë ꞌacë ënëx ca asábiira ꞌicën.

Lucas 8:49

Usaquian Jesusan cacëbëtanbi ca aín xubunuax uquin unin anua judíos unicama timë́ti xubunu ꞌicë ꞌapu, Jairo, a cacëxa: —Min bëchicë ca ñuaxa. Ca ꞌaíma ꞌicën. Usa ꞌain ca Jesús ñancábi buánxunma ꞌat.

2 Corintios 9:8

Nucën Papa Diosan ca camabi ñu anúnmi mitsux ami sinani cuëëni bucuti mitsu ꞌinánti ꞌicën. ꞌInánan ca anúnmi usaribi oquin bëtsi uniribi ꞌaquinun mitsu ꞌinánti ꞌicën.

Gálatas 1:7

Anúan uni aín ꞌucha tërë́ncë ꞌaish Nucën Papa Diosnan ꞌinux ië́ti bëtsi bana ca ꞌaíma ꞌicën. Usa ꞌaínbi ca uni raírinën mitsu ꞌatimaquin sinánmiquin a bana bëtsi oisa tanquin bëtsi oquin ñuia.

Gálatas 5:12

An mitsu ꞌunántioracanun quixun ubíocë unicama aín namiribi tëatibi ca ꞌia.

Gálatas 6:17

Nucën ꞌIbu Jesúsnan ꞌicë unin bëtsi bëtsi ocë cupí, ꞌën nami tëacë mocë, aín bërucama isquin ca ui uni cara, anbi, ꞌëx cana asérabi Nucën ꞌIbu Jesusan uni ꞌai quixun ꞌunánti ꞌicën. ꞌUnánquin ca uisa uni carana ꞌai quixun ꞌë ñucátëcëntima ꞌicën.

Efesios 2:10

Cristo Jesús nubë ꞌinúan an ꞌimicëxun ñu upíshi ꞌanan nun sinan bëtsi ꞌinun ca an mëníosabi oquin nu ꞌimiaxa.

Colosenses 1:10

Mitsux usai ꞌi camina Nucën ꞌIbu Jesucristonan ꞌaísha uni ꞌicësai ꞌiti ꞌain. Usa ꞌaish camina ax cuëëncësabi oquinshi ꞌaquin, uisa ñu cara upí ꞌicë ashi ꞌanan, asérabi mitsun nuitu mëu upí oquin Nucën Papa Dios ꞌunánti ꞌain.

2 Tesalonicenses 2:17

anbia, mitsu upí oquin sinánmianan Jesucristomi catamëti ënquinma ax cuëëncësabi oquin upí banaishi ñuianan ñu upíshi ꞌanun ꞌaquinti cuëënin.

1 Timoteo 3:1

Ënë bana ca asérabi ꞌicën: Axa Jesucristomi catamëcë unicaman cushi ꞌiisa tancë uni an ca ꞌunánti ꞌicën, ënë ñu mëëti ca upíira ꞌicën. —Usa ꞌain cana upíira oquin ꞌati ꞌai —quixun sinánti ꞌicën.

1 Timoteo 5:10

Upí oquian ñu ꞌaia unin ꞌunáncë ca ꞌiti ꞌicën. Cara aín tuá upí oquin canioxa, cara uni ꞌimainun xanu a isi aia upí oquin biaxa, cara axa Jesucristomi catamëcë unicama ꞌaquianxa, cara axa tëmëracë unicama chuámarua ꞌinun ꞌaquianxa, ꞌimainun cara uisa ñu upíribi ꞌaxa quixun ꞌunáncë ꞌaish ca aín anë ꞌacë ꞌiti ꞌicën.

2 Timoteo 2:21

Usaribiti ca an Nucën ꞌIbu Diosbëtan upí ñu mëëti ꞌacë uni ax añu ñu ꞌatimabi ꞌati sináncëma ꞌiti ꞌicën. Usa ꞌaish ca uisa ñu upía ꞌanun cara Nucën ꞌIbu Dios cuëënia, a cuëënquin ꞌanuxun caínti ꞌicën.

Tito 1:16

Atúxa —ꞌëx cana Nucën Papa Diosan uni ꞌai —quiabi ca an ñu ꞌaisama ꞌaia iscë unicaman —usama ca —quixun ꞌunania. Atúan ñu ꞌaisama ꞌacë cupí ca unin atu cuëënima. A unicaman ca bana cuacëma ꞌixun ñu upí ꞌati sinanima.

Tito 2:14

Jesucristo ca ꞌitsianxmabi nu cupí bamacëxa, nun ꞌuchacama tërë́nxunquin Nucën Papa Diosbë upí ꞌinun ië́mianan nun sinan upí ꞌixúnu bëtsi ñu sinántëcënquinma ax cuëëncësabi oquinshi ꞌanun.

Tito 3:1

Axa Jesucristomi catamëcë unicama camina manuaxma ꞌinun ësaquinribi cati ꞌain: Aín ꞌapucama ꞌimainun aín cushicaman bana cuaquin ca atun cacësabi oquin ꞌati ꞌicën. Uisa ñu cara upí ꞌicë a ca chiquíshquinma ꞌati ꞌicën.

Tito 3:14

Usa ꞌain camina axa Jesucristomi sináncë unicaman upí ñuishi ꞌanan bëtsi uniribi ꞌaquinsa ꞌicë ꞌaquinun sinánmiti ꞌain, usaquin ꞌaquian uni raíriribi Jesucristomi catamënun ꞌaquinun.

Tito 3:8

Ënë banacamax ca asérabi upí ꞌicën. Usa ꞌaían ax quicësabi oi camabi uni ꞌiti ca asábiira ꞌicën. Usa ꞌain camina axa ami catamëcë unicama Nucën Papa Dios cuëëncësabi oi ꞌiquian ënquinma ñu upíshi ꞌanun upí oquin ꞌësëti ꞌain.

Hebreos 13:21

anbia an iscë́xmi upí ꞌinun ꞌimianan ax cuëëncësabi oquinmi upí ñuishi ꞌanun mitsu ꞌimiti cana cuëënin. ꞌIanan cana an, Jesucristo cupí, ax cuëëncësabi oquin nu ꞌimiti cuëënin. A ca aín unicaman xënibua ꞌaínbi ënquinma rabiti ꞌicën. Usaquin ca ꞌati ꞌicën.

1 Pedro 2:12

An Nucën Papa Diosan bana ꞌunáncëma unicaman isnun camina mitsux upitax bucuti ꞌain. Usaími ꞌia isi ca atux an ñu ꞌatima ꞌacë uni ꞌacësa oquin mitsu ñui ꞌatimati banacë ꞌaíshbi mitsúnmi upí oquin ñu ꞌaia isá ꞌixun anúan an camabi unin ñu ꞌacë isti nëtën Nucën Papa Dios rabiti ꞌicën.