Mateo 24:3 - Kashibo-Kakataibo Biblia

³ Usaquin atu cabiani cuanx matá me Olivos cacë anu tsóbutia ca uni ꞌaíma ꞌain, aín ꞌunánmicë unicaman a nëbë́tsioraquin cacëxa: —¿Uínsaran cara mixmi quicësabi oi anuxun Nucën Papa Dios rabiti xubu aín maxáxcama rurupacë ꞌiti ꞌic? ¿Mix anun utëcënti nëtë anúan ënë mecama cëñúti, a nëtëx ca ꞌuramacuatsinia quixun ꞌunánuxun caranuna uisa ñu ꞌia isti ꞌain? A camina nu ñuixunti ꞌain.

Nukën 'Ibu Diosan ain unikama 'inan ain bana

³ Usaquin atu cabiani cuanx matá me Olivos cacë anu tsóbutia ca uni 'aíma 'ain, aín 'unánmicë unicaman a nëbë́tsioraquin cacëxa: —¿Uínsaran cara mixmi quicësabi oi anuxun Nucën Papa Dios rabiti xubu aín maxáxcama rurupacë 'iti 'ic? ¿Mix anun utëcënti nëtë anúan ënë mecama cëñúti, a nëtëx ca 'uramacuatsinia quixun 'unánuxun caranuna uisa ñu 'ia isti 'ain? A camina nu ñuixunti 'ain.

Mateo 24:3 Iomraidhean Croise

Mateo 13:36

Usoquin bana ñuixuntancëxun anu ꞌicë unicama ëbiani cuanx ca Jesús xubunu atsíanacëxa. Atsinia ca aín ꞌunánmicë unicaman nëbë́tsioraquin Jesús cacëxa: —Uisai quicë cara naënu ꞌicë chucu ñui quicë bana ax ꞌicë quixun camina nu ñuixunti ꞌain.

Mateo 13:49

Usaribi ca anun ꞌëx utëcënti nëtë ꞌinuxun ꞌaia. ꞌËx utëcëncëbë uquin ca ángelcaman unicama Nucën Papa Diosan iscëx upí ꞌicë acama abë ꞌinun bianan an iscëxa upíma ꞌicë unicama bixun,

Mateo 15:12

Usaquian caia ca aín ꞌunánmicë unicaman Jesús nëbë́tsioraxun cacëxa: —¿Caramina isan, fariseo unicamx ca usaquinmi unicama ñuixunia cuati mimi nishaxa?

Mateo 16:27

ꞌËx cana ꞌën Papa Diosan nëtënu cuantancëx anu abë ꞌApu ꞌiti ꞌain. ꞌËx ꞌApu ꞌaish utëcëncëbë ca ꞌën ángelcamaribi uti ꞌicën. Uxun cana unicama achúshi achúshi atun nuitu ꞌunánquin an ñu ꞌatima ꞌacë unicama a ꞌatimonan an upí ñu ꞌacë unicama ꞌëbë ꞌinúxa cuëënun ꞌimiti ꞌain.

Mateo 16:28

ꞌËn cana asérabi mitsu cain, axa ënu ꞌëbë ꞌicë uni raírinën ca bamacëma pain ꞌixun, uni ꞌinux Nucën Papa Diosnuax uá ꞌicë, ꞌëx cana asérabi ꞌën unicaman cushi ꞌai quixun isti ꞌicën.

Mateo 17:19

Usaquian ꞌacë ca atúxëshi abë ꞌixun aín ꞌunánmicë unicaman Jesús ñucácëxa: —¿Uisa cupí caranuna nun a tuánu ꞌicë ñunshin ꞌatima chiquíncasman?

Mateo 21:1

Jerusalénu cuani Betfagé ëma ꞌurama ꞌixun ca Olivos cacë matá anuxun aín ꞌunánmicë uni rabë́ xuquin

Mateo 24:27

Mëríquin ca canacan anúan bari urucë ꞌimainun anúan bari cuabúcë, camabi naicamëꞌëo pëcaia. Usaribi ca uni ꞌinux Nucën Papa Diosnuax uá, ꞌëx utëcënti ꞌiti ꞌicën.

Mateo 24:30

Usaía ꞌicëbëtan ca uni ꞌinux Nucën Papa Diosnuax uá, ꞌëx utëcënia isti ꞌicën. Isi ca camabi menu ꞌicë ui unicamax cara Nucën Papa Diosmi sináncëma ꞌicë, acamax masá nuituti bënëti inti ꞌicën. Usai ꞌiquin ca uni ꞌinux Nucën Papa Diosnuax uá, ꞌën nëtë cuin mëúxun ꞌën cushin pëcabëtsinia isnuxun ꞌaia.

Mateo 24:37

Bëráma Noé ꞌiá nëtë usaribiti ca uni ꞌinux Nucën Papa Diosnuax uá, ꞌëx utëcënti nëtën ꞌiti ꞌicën.

Mateo 24:39

ꞌUí ꞌaisamaira ꞌibúcëbë baca ꞌëquian ñucamacëñun unicama buáncëbëtainshi ca —Noenën nu cacë bana ca asérabi ꞌicë —quixun ꞌunáncëxa. Noenën bana cuatíma unicama ꞌiásaribiquin ca unicaman ꞌën bana cuatima ꞌicën. Usai ꞌiquinbi ca ꞌëx anun uti nëtë ꞌicëbëtainshi sinánti ꞌicën.

Mateo 24:43

Camina ꞌunanin, uínsaran cara aia quixun ꞌunáncë ꞌixun ca xubuñu unin ꞌuxquinma an ñu mëcamacë uni caíntsianxa. Caíncëx uáxa ñu mëcamanux atsíntisa taniabi ca ꞌuxcëma ꞌixun xubu ꞌibun atsínmitsianma.

Mateo 28:20

Nashimianan camina ꞌën mitsu ñuixuncë banacama ꞌunánmiquin a banacama quicësabi oquin ꞌanun quixun atu ꞌunánmiti ꞌain. Usaquin ꞌaquin camina ꞌunánti ꞌain, ꞌëx cana camabi nëtën usaquin ꞌacë ꞌën unicamabë ꞌain, ꞌëx utëcënti nëtë sënë́ntamainun. Ashi.

Lucas 21:7

Usaquian Jesusan cacëxun ca a unicaman ñucáquin cacëxa: —¿Uínsaran cara mixmi quicësabi oi anuxun Nucën Papa Dios rabiti xubu ënëx aín maxáxcama rurupacë ꞌiti ꞌic? ¿Anúan usai ꞌiti nëtë ca ꞌuramacuatsinia quixun ꞌunánuxun caranuna uisa ñu ꞌia isti ꞌain?

Hechos 1:7

Cacëxunbi ca Jesusan atu cacëxa: —ꞌËn Papa Diosan ca an sináncësabi oquin uinsaran cara usai ꞌiti ꞌicë quixun mëníocëxa. Uinsaran cara usai ꞌiti ꞌicë quixun camina mitsun ꞌunaniman.

Hebreos 9:26

ꞌItsai atsínux ca ꞌitsai bama ꞌitsíanxa. Usa ꞌaínbi ca Cristo aín uti nëtë sënë́ncëbë uni ꞌinux uá ꞌaish bamatsianxmabi achúshitishi unin ꞌucha cupí bamacëxa.