Mateo 23:10 - Kashibo-Kakataibo Biblia

¹⁰ ꞌËx Cristo ꞌaish cana ꞌëxëshi mitsun ꞌIbu ꞌain. Usa ꞌain camina, mix camina aín ꞌibu ꞌai quixuan bëtsi uni mitsu canun quitima ꞌain.

Nukën 'Ibu Diosan ain unikama 'inan ain bana

¹⁰ 'Ëx Cristo 'aish cana 'ëxëshi mitsun 'Ibu 'ain. Usa 'ain camina, mix camina aín 'ibu 'ai quixuan bëtsi uni mitsu canun quitima 'ain.

Mateo 23:10 Iomraidhean Croise

Mateo 23:11

Micama uinu ꞌicë cara upitaxmi bucunun mitsu ñu ꞌaxunia ax ca mi raíribë sënë́nmaira ꞌaish upí ꞌicën.

Mateo 23:8

Atúxa usai ꞌicëbëbi camina mitsux unían usaquin mitsu cati cuëëntima ꞌain. Mitsux camina xucë́onanti ꞌain. Mitsux camina achúshi ꞌibuñushi ꞌain, ax ca Cristo ꞌicën.

Mateo 23:9

Uinu ꞌicë unibi camina ënë menua Nucën Papa caquin anëtima ꞌain, Nucën Papa Dios naínu ꞌicë, ax cuni ca asérabi mitsun Papa ꞌicë, usa ꞌain.

Mateo 26:18

Cacëxun ca Jesusan cacëxa: —Ëma ꞌuri cuantancëx bëbaquin camina ꞌën mitsu a ñuiquin cacë uni a ësoquin cati ꞌain: An nu ꞌunánmicë uni an ca ësaquin mi canun nu caxa, Anúan bamanun ꞌë bicanti nëtë ca uaxa. Usa ꞌain cana min xubunuxun pain ꞌën ꞌunánmicë unicamabëtan Pascua nëtën piti ñu piti ꞌain.

1 Corintios 12:5

Bëtsi bëtsi ñu ꞌananbi ca camaxunbi achúshi, Nucën ꞌIbu Jesús, ashi rabiquin ñu ꞌaxunia.