Mateo 21:5 - Kashibo-Kakataibo Biblia

⁵ Sión cacë ëma, anu ꞌicë unicama camina cati ꞌain: Bërí ca mitsun ꞌapu aia, uni chacama ꞌicësaríma ca burro xanun tuánu tsotax aia.

Nukën 'Ibu Diosan ain unikama 'inan ain bana

⁵ Sión cacë ëma, anu 'icë unicama camina cati 'ain: Bërí ca mitsun 'apu aia, uni chacama 'icësaríma ca burro xanun tuánu tsotax aia.

Mateo 21:5 Iomraidhean Croise

Génesis 49:10

Uínbi ka aín kushi Judá bikuantima ꞌikën, ꞌimainun ka aín manë tsati ꞌapun tuinkë ꞌikëa tuinkë a bikuantima ꞌikën, a manë tsatin ꞌibuka unuxun ꞌaia usa ꞌain ka kamabi menu ꞌikë unikaman ax kikësabiokin ꞌanuxun ꞌaia.

2 Samuel 16:2

Buania mërakin ka ꞌapun ñukákëxa: —¿Uisoti kara minmi bëkë ñukama ënëx ꞌik? Kixun ñukákëxun ka Sibánën kakëxa: —Burrokama ënëx ka anúan ꞌapu min xanu min bakë bëchikëkamax kuanti ꞌikën; ꞌianan ka pán ꞌimainun ñu bimi pëkë́këkama ënëx ka min suntárukaman piti ꞌikë, ꞌimainun ka ñuina xakánu bëkë uvas baka ënëx uix kara anu uni ꞌikëma menuax shimaia an xëati bëkë ꞌikën.

1 Reyes 1:33

ꞌapun kakëxa: —Mitsun kamina ꞌën bakë bëchikë Salomón ꞌën burronu ꞌarubiankin ꞌën uni kamabëtan Guihón kakë ꞌumpax upíira anu buani kuankanti ꞌain;

1 Reyes 10:26

ꞌApu Salomónnën ka caballonën nikinkë carretakama ꞌimainun axa caballonuax ꞌakánanti ꞌunan unikama timëkin biakëxa. Usa ꞌain ka aín caballonën nikinkë carreta mil cuatrocientos ꞌiakëxa, ꞌimainun doce mil axa caballonën nikë suntárukama a Jerusalénnu ꞌikë xubu anua suntáru ꞌikë anu xuakëxa.

Isaías 40:9

Sión an upí banakama ñuikë, ax ka aín bashi achúshi chaxkë́ira anu kuaruti ꞌikën. Jerusalén an upí banakama ñuikë, mix kamina kushiira banati ꞌain, Judá menu ꞌikë ëmakamanu ꞌikë unikama aturibi upí bana a ñuixunti ꞌain: ¡Ënu ka mitsun Dios ꞌikë kamina iskanti ꞌain!

Ezequiel 34:24

ꞌËx Dios ꞌaish kana atun Dios ꞌiti ꞌain, ꞌimainun ka ꞌën uni David atun ꞌapu ꞌiti ꞌikën. ꞌËx Dios ꞌaish kana ësai kin.

Ezequiel 37:24

ꞌËn uni David aín rëbúnki achúshinëx ka ꞌapu ꞌianan, an atu bërúankë uni achúshishi ꞌiti ꞌikën, usa ꞌixun ka an Diosan bana kikësabiokin ꞌati ꞌikën.

Oseas 1:7

ꞌAínbi kana Judánu ꞌikë unikaman ꞌapu atumi ꞌatimakin sinanima ꞌikima nuibati ꞌain: usakin nuibakin kana ꞌëxbi ꞌain Dios ꞌixun ië́miti ꞌain. ꞌAínbi kana ꞌakanankë ꞌianan, kantiñu ꞌianan, manë xëtokëñu ꞌianan, caballo an nikinkë uniñu ꞌikëbi a kupín ꞌimikima ꞌënbi ië́miti ꞌain.”

Miqueas 5:2

ꞌAínbi kana: Belén Efrata, mi Judánu ꞌikë ëmakamanu ꞌikë ëma chukúma anuax achúshi uni Israel unikaman ꞌapu ꞌinux chikiti ꞌikën, ax ka uni achúshi bërámaira ax tsóa aín rëbúnki ꞌiti ꞌikën.

Números 24:19

Jacobnën rëbúnkinuax ka achúshi uni an kamabi uni abë ꞌakanankin kanantankëxun axa aín ëmanu bërukëkamaribi këñukin ꞌati ꞌikën.

Mateo 11:29

Mitsúxmi cuëënia cana uisari caramina upí ꞌiti ꞌai quixun mitsu ꞌunánmiti ꞌain. Ñu caquinma cana tëmëraquinmami ꞌati sënë́inshi ꞌëx cuëëncësabi oi ꞌinun mitsu ꞌimiti ꞌain. ꞌImixun ꞌën ꞌaquincëx camina upí oquin sinani chuámashirua tani cuëënti ꞌain.

Mateo 2:2

Cuani bëbaquin ca ñucácëxa: —¿Uinu cara axa judíos unibunën ꞌapu ꞌinun bërí bacë́ncë a ꞌic? Aucüaxa bari urucë anuxun cananuna anun a ꞌunánti ꞌispa isbëtsian. A isbëtsini cananuna ꞌunánbëtsini a rabi ain.

Mateo 2:6

Belén, Judá menu ꞌicë ëma, anu ꞌicë uni achúshi ax ꞌapu ꞌixun ca ꞌën unibu, Israelnën rëbúnquicama, a bërúanquin ꞌaquinuxun ꞌaia. Usa ꞌain ca Belén ax bëtsi ëmacamasama ꞌicën.

Mateo 21:6

Usa ꞌain Jesusan xucëx cuanxun a uni rabëtan usaquian ꞌanúan Jesusan cacësabi oquin ꞌacëxa.

Lucas 24:27

Caxun ca Moisésnëan cuënëo bana ꞌimainun an Nucën Papa Dios quicë bana uni ñuixuncë unicamanribia cuënëo bana, uisa banacama cara a ñui quicë ꞌicë, a banaxa quicësabi oi ca ꞌiaxa quixun a uni rabë́ ñuixuancëxa.

Juan 1:49

Cacëxun ca Natanaelnën cacëxa: —Mix camina Nucën Papa Diosan Bëchicë ꞌianan Israel unicaman ꞌapu ꞌain.

2 Corintios 10:1

ꞌËx Pablo ꞌicë Cristonën sinánmicëxun an ꞌacësaribi oquin mitsu nuibaquin upí oquin cati cana cuëënin. Uni raírinëx caísa quia, ꞌëx mitsubë ꞌaish isana mitsu ñu caíma upitishi banain. Bëtsi ëmanuxun quirica buánmiquin cuni isana ñu caquin cacësa oquin mitsu cain.

Jueces 5:10

Mitsux kamina kiti ꞌain, uni ñuñu axa burro aín xanu uxuanën kaxunu tsókë ꞌimainun ñuñuma uni axa nishikë kamaxribi ka kiti ꞌikën: