Mateo 21:3 - Kashibo-Kakataibo Biblia

³ Mitsúnmi tubuia isquian bëtsi unin mitsu ñucácëxun camina cati ꞌain: Nucën ꞌIbun ca ënë burra aín tuácëñun a buánxunun quixun nu caxa. Bënë́nquinshi ca mi bëmitëcënti ꞌicën. Cacëxuinshi ca mitsu cati ꞌicën: Ca buántan.

Nukën 'Ibu Diosan ain unikama 'inan ain bana

³ Mitsúnmi tubuia isquian bëtsi unin mitsu ñucácëxun camina cati 'ain: Nucën 'Ibun ca ënë burra aín tuácëñun a buánxunun quixun nu caxa. Bënë́nquinshi ca mi bëmitëcënti 'icën. Cacëxuinshi ca mitsu cati 'icën: Ca buántan.

Mateo 21:3 Iomraidhean Croise

1 Reyes 17:9

“Bërí kamina nirukiani Sarepta, ëma Sidón kakë ëma ꞌurama ꞌikë anu kuanti ꞌain, anu kuantankëx kamina anu ꞌi bërúti ꞌain. Anua ꞌikë xanu raëmëkë kana, anu ꞌia mi piminun kan.”

Esdras 1:1

Anúan Ciro kakë uni Persia menu ꞌikë ax ꞌapu ꞌikin pëutabakë anun ka usai ꞌitia Dios kia bana ꞌikëa Jeremías kiásabi oia a bana sënë́nkëbëtan, Ciro kakë an Diosanbi sinánmikëxun, banan kananbi kirikanu kuënëoxun ënë bana buámiakëxa:

Esdras 1:5

Usa ꞌain ka Judá ꞌimainun Benjamínën rëbúnkinën unikaman kushibu akama ꞌimainun sacerdotekama ꞌianan, levita unikama Diosanbia sinánmikëxua ꞌapun bana ñuikë kuati Jerusalénnua ꞌikë anuxun Nukën ꞌIbu rabiti xubu birukin ꞌatëkëni kuanux kuëëni mëníokakankëxa.

Esdras 7:27

Usakin kirika uamikë a isi banatankëxun ka Esdrasnën Dios ñukákin kakëxa: Nukën ꞌIbu Dios nun rarakaman rabia mix kamina upíokin rabikë ꞌiti ꞌain, min kamina ꞌapu anuxun mi rabiti xubu amiribishi Jerusalénnu ꞌamitëkënun sinánmia,

Salmos 24:1

Nukën ꞌIbunan ka kamabi me kuainakëa ax ꞌikën, usa ꞌain ka kamabi ñu anu ꞌikë a ꞌimainun, kamabi uni anu tsotia.

Mateo 21:2

Jesusan cacëxa: —Aúnu bësucë ëma, anu ca cuantan. Cuanx anu bëbaquin camina burro xanu achúshi tëcëracacë, aín tuácëñun mërati ꞌain. Mëraquin camina tububëtsinquin bëti ꞌain.

Mateo 21:4

Usaía ꞌiácama ax ca Nucën Papa Diosan aín uni cuënëomiasabi oía ꞌiá ꞌicën. Ësai ca a bana quia:

Juan 17:2

Min camina ui unicama caramina min Bëchicë ꞌëmi sinánmi, acamaxa xënibua ꞌaínbi minan ꞌaish mibë ꞌinun ꞌiminun ꞌë can.

Juan 3:35

Nucën Papa Diosan ca aín Bëchicë nuibaquin axa aín ꞌibu ꞌinun camabi ñu a ꞌináncëxa.

Hechos 17:25

Unin a ñu ꞌaxuncëxmabi ca ax usabi ꞌiá ꞌaish usabi ꞌia. An ca anun nux tsóti nëtë ꞌimainun suñu, piti, ꞌimainun camabi ñuribi nu ꞌinania.

2 Corintios 8:16

Nucën Papa Diosan sinánmicëxun ca ꞌën ꞌacësaribi oquin Titon mitsu nuibaquin ꞌaquinsa tania. An usaquin Tito sinánmicë cupí cana Nucën Papa Dios —asábi ca —cain.

2 Corintios 8:9

Uisaira oquin cara Nucën ꞌIbu Jesucristonën nu nuibatia quixun camina ꞌunanin. Mitsúxmi chuámarua ꞌianan aín nëtënu xënibua ꞌaínbi abë ꞌiti cupí ca ax aín Papan nëtë upí ëbëtsini ënë menu ñuñuma ꞌinux uacëxa.

Santiago 1:17

Camabi uisa ñu cara upí ꞌicë, ax ca Nucën Papa Dios naínu ꞌicë, an bari, ꞌuxë, ꞌispa acama unio, an camabi uni ꞌináncë ꞌicën. A ñucamaxa bënamëanan bëánquicë ꞌaínbi ca Nucën Papa Dios axira usabi ꞌiá ꞌaish usabi ꞌicën.

1 Samuel 10:26

Atux kuantamainun ka Saúlnëxribi aín xubunu kuani, Guibeá ëmanu kuankëxa, kuankëbëtan ka Diosan Israel uni aín sinan kushibu raíri abë kuankian uantanun kixun sinánmiakëxa.