Mateo 2:1 - Kashibo-Kakataibo Biblia

¹ Herodes axa Judea cacë menu ꞌicë unicaman ꞌapu ꞌaish Jerusalénu ꞌain ca a menu ꞌicë ëma, Belén cacë, anuax Jesús bacë́ancëxa. Belénuaxa Jesús bacë́an ca aucüaxa bari urucë anuax an ñu ꞌunáncë unicama, Belén ꞌurama ꞌicë Jerusalén ëmanu cuancëxa.

Nukën 'Ibu Diosan ain unikama 'inan ain bana

¹ Herodes axa Judea cacë menu 'icë unicaman 'apu 'aish Jerusalénu 'ain ca a menu 'icë ëma, Belén cacë, anuax Jesús bacë́ancëxa. Belénuaxa Jesús bacë́an ca aucüaxa bari urucë anuax an ñu 'unáncë unicama, Belén 'urama 'icë Jerusalén ëmanu cuancëxa.

Mateo 2:1 Iomraidhean Croise

Génesis 10:30

Usa ꞌain ka anua atux tsókë anuaxbi kuankë me ax Mesá aukikiani kuankë ꞌimainun Sefar ax auküaxa bari urukë au ꞌikë ꞌiakëxa,

Génesis 25:6

Usakin ꞌanan ka bëtsi xanumia ꞌakë, aín bëchikëkama Abrahamnën aín ñu ꞌitsamashi ꞌinánkëxa, usokin ꞌinántankëxun ka ñukëmapain ꞌixun aín bëchikë raíri amanu kuantanun kixun xuakëxa, xuanan ka Isaac axëshia anua ꞌikë me anu ꞌinun kixun kakëxa.

Génesis 41:8

ꞌAínbi ka a pë́karan anun masánuitukëishi ꞌixun kamabi Egipto menu ꞌikë an ñu tankë ꞌimainun an ñu ꞌunánkë unikama unun kixun kamiakëxa. Kamikëxa rikuatsinkë ka faraónën usakian namákëkama ñuixuankëxa, ñuixunkëxunbi ka uinu ꞌikë uni an ñu tankë ꞌimainun an ñu ꞌunánkë achúshinënbi ñuixuama ꞌikën, uisakin namákin kara usakin namáxa kixun.

Génesis 49:10

Uínbi ka aín kushi Judá bikuantima ꞌikën, ꞌimainun ka aín manë tsati ꞌapun tuinkë ꞌikëa tuinkë a bikuantima ꞌikën, a manë tsatin ꞌibuka unuxun ꞌaia usa ꞌain ka kamabi menu ꞌikë unikaman ax kikësabiokin ꞌanuxun ꞌaia.

Job 1:3

ꞌimainun ka ax siete mil ovejakama ꞌianan tres mil camello, ꞌimainun a ñu mëëmikë vaca bënë rabë́, rabë́ ax quinientas ꞌiakëxa, ꞌimainun ka burro aín xanu kamañuribi ꞌiakëxa. ꞌIanan ka an ñu mëëxunkë unikama ꞌimainun xanukama an ñu ꞌaxunkë kamañuribi ꞌiakëxa. Usa ꞌaish ka ax ñuñuira uni a menu ꞌiakëxa.

Miqueas 5:2

ꞌAínbi kana: Belén Efrata, mi Judánu ꞌikë ëmakamanu ꞌikë ëma chukúma anuax achúshi uni Israel unikaman ꞌapu ꞌinux chikiti ꞌikën, ax ka uni achúshi bërámaira ax tsóa aín rëbúnki ꞌiti ꞌikën.

Mateo 1:25

Biaxbi ca abë ꞌiáma pan ꞌicën, aín rëcuën tuá bacꞌëncë cuni ca Josénën aín xanu ꞌinun María biacëxa. A bacꞌëncë tuá a ca Josénën Jesús caquin anëacëxa.

Mateo 2:16

Usa ꞌain ca —an ñu ꞌunáncë unicaman ca ꞌë paránxa —quiax Herodes ꞌaisamairai nishacëxa. Nishquin ca an ñu ꞌunáncë unin ñuicë bana sinánquin Jesús isa rabë́ baritia aín bacë́ncë ꞌicë quixun sináncëxa. Sinánxun ca aín uni xuacëxa, camabi Belénu ꞌicë rabë́ baritiañu bëbu tuácama ꞌanan rabë́ baritiañuma bëbu tuácamaribi ꞌabianxun a ꞌurama ꞌicë ëmacamanuaribi bariquin cëñunun quixun.

Mateo 2:19

Usa ꞌain ca Herodes bama ꞌain Egiptonuxun namáquin Josénën Nucën ꞌIbu Diosan ángel achúshi isacëxa.

Mateo 2:3

Usaía quia a bana cuati ca Herodes ꞌimainun Jerusalénu ꞌicë unicama masá nuituti, uisa cara ënë ñu ꞌiti ꞌicë quiax sináncasmacëxa.

Mateo 2:5

Ñucácëxun ca cacëxa: —Belén cacë ëma, Judea menu ꞌicë, anuax ca bacë́nti ꞌicën. An Nucën Papa Dios quicë bana uni ñuixuncë unin ca Belén ñuiquin ësoquin cuënëocëxa:

Mateo 2:7

Quia cuatancëxun ca Herodesnën an ñu mëëxuncë unicama —uni itsin isnunma camina unë́xun an ñu ꞌunáncë unicama ꞌë bëxúnti ꞌai —quixun cacëxa. Usoquian camicëx ucë ca ñucácëxa, añu nëtën caraisa ꞌispa isaxa quixun.

Lucas 1:5

Herodes Judea cacë menu ꞌapu ꞌain ca Zacarías cacë uni judíos sacerdote achúshi ꞌiacëxa. An mëníosabi oquin ca anuxun a rabiti xubunuxun, Abíasnën unicamabëtan Zacaríasnën Nucën Papa Dios rabiquin ñu ꞌaxuancëxa. Zacaríasnën xanu ax ca Aaronën rëbúnqui, Elisabet cacë, ꞌiacëxa.

Lucas 2:11

Ënë nëtën ca bacë́anxa anuax David bacë́an ëmanuax an camabi uni aín ꞌucha tërë́ncë ꞌaish Nucën Papa Diosnan ꞌinun ië́miti. Ax ca Nucën ꞌIbu Cristo, a ꞌicën.

Lucas 2:15

Usoquin atu catancë́xa ángelcamax naínu riquiancëbë ca an ñuina bërúancë unicamax canancëxa: —Taín isi Belénu cuanun ca cuan, nua Nucën ꞌIbu Diosan camicëxuan aín ángelnën nu cacë ënë isi.

Juan 7:42

Nucën Papa Diosan bana cuënëo ca quia, ax ca Davidnën rëbúnqui ꞌiti ꞌicën. Usa ꞌaish ca anuaxa David bacë́an, Belén, anu ꞌicë uni ax ꞌiti ꞌicën.