Mateo 13:12 - Kashibo-Kakataibo Biblia

¹² An ꞌën bana cuaquin a bana quicësabi oquin ꞌacë uni a ca ꞌën bana itsiribia cuanun Nucën Papa Diosan ꞌunánmiti ꞌicën. Usa ꞌaínbi ca an ꞌën bana cuaquinbi sináncëma uni a, an isa ꞌunánxa quixuan sináncë bana a camabi Nucën Papa Diosan manumiti ꞌicën.

Nukën 'Ibu Diosan ain unikama 'inan ain bana

¹² An 'ën bana cuaquin a bana quicësabi oquin 'acë uni a ca 'ën bana itsiribia cuanun Nucën Papa Diosan 'unánmiti 'icën. Usa 'aínbi ca an 'ën bana cuaquinbi sináncëma uni a, an isa 'unánxa quixuan sináncë bana a camabi Nucën Papa Diosan manumiti 'icën.

Mateo 13:12 Iomraidhean Croise

Mateo 21:43

Cana mitsu cain, mitsúxmi judíos unibu ꞌaish Nucën Papa Diosan ainan ꞌiti caísa ꞌaíshbi usai ꞌicëbëma ca bëtsi unibunëx aín bana cuacë ꞌaish ainan ꞌiti ꞌicën.

Mateo 25:29

Uisa ñu cara a ꞌináncë ꞌicë anúan an cacësabi oquin ñu ꞌacë uni a ca aín ꞌibun ꞌinántabaquin ꞌináncësamaira oquin ꞌinántëcënti ꞌicën. Usonan ca anúan aín ꞌibu ñu ꞌaxuncëxunma a ꞌináncë ñu a aín ꞌibun bicuanti ꞌicën.

Marcos 12:9

Usoquian aín bëchicë ꞌacë cara naë ꞌibun a unicama uisoti ꞌicë quixun cana mitsu cain. Aín naënu cuanxun a unicama ꞌatancëxun ca bëtsi uni aín naëa bërúanxunun quixun cati ꞌicën.

Lucas 10:42

Usa ñucama ꞌati asábi ꞌaínbi ca ꞌën bana cuati, ax bëtsi ñu ꞌati sináncësamaira oquin sinánti asábiira ꞌicën. Maríanën ca usaquin ꞌati sinánxa. Usa ꞌain cana ꞌën a ꞌaxunma ꞌanun catima ꞌain.

Lucas 12:48

Usa ꞌaínbi ca an uisaquin ꞌati cara an a ñu mëëmicë uni cuëënia quixun upíira oquin ꞌunáncëma ꞌixun upí oquin ñu mëëxuncëma uni ax ꞌitsamashi oquin mëëquin castícancë ꞌiti ꞌicën. Usaribi oquin ca Nucën Papa Diosan uni upí oquin a ñu ꞌaxunti ꞌunánmianan upí sinan ꞌinántancëxun, —an ca ꞌë upí oquin ñu ꞌaxunti ꞌicë —quixun sinánquin, usoquian a ꞌaxunti cuëënia, unían uni itsi ꞌitsa curíqui ꞌinántancëxun, —an ca ꞌë upí oquin ñu mëëxunti ꞌicë —quixun sináncësaribi oquin.

Lucas 16:2

Cacëxun cuatancëxuan unun quixun camicëxa ucë ca an a ñu mëëmicë unin aín uni caxa: Mimi ca uni manania. ¿Uisa cupí cara usa ꞌic? Cana mi chiquínti ꞌain. Cuanuxun camina anumi ꞌën mi bërúanxunun cacë ꞌën ñucama cuënëocë quiricacama ꞌë bëxúnti ꞌain.

Lucas 16:25

Cacëxun ca Abrahamnën ñuñu ꞌiá uni cacëxa: Mix bamacëma pain ꞌaish camina Lázaronëxa ñuñuma ꞌianan ꞌinsíncë ꞌaish nuibacamainun mix ꞌitsa ñuñu ꞌianan ꞌinsíncëma ꞌaish upitax tsoócën. Usai ꞌiá ꞌaíshbi ca bërí mixmi ꞌaisamaira paë tani tëmëramainun Lázaro ax asábiira ꞌicën.

Lucas 8:18

An ꞌën bana cuaquin a bana quicësabi oquin ꞌacë uni a ca ꞌën bana itsiribia cuanun Nucën Papa Diosan ꞌunánmiti ꞌicën. Usa ꞌaínbi ca an ꞌën bana cuaquinbi sináncëma uni, a, an isa ꞌunánxa quixuan sináncë bana a camabi Nucën Papa Diosan manumiti ꞌicën. Usa ꞌain camina mitsun cuacë banacama upí oquin cuaquin, a bana quicësabi oquin ꞌati ꞌain.

Lucas 9:26

Ui unix cara ꞌënan ꞌitimi rabianan ꞌën bana quicësai ꞌitimi rabinia, a uníxa ꞌënan ꞌitimi cana uni ꞌinux anuax uá ꞌaish cuantancëx ꞌëxribi rabínti ꞌain, ꞌën Papa Diosbë ꞌApu ꞌitancëx aín ángelcamabë utëcëni.

Santiago 4:6

An nu sinánmicë ñuishi nun ꞌanun ca Nucën Papa Diosan nu ꞌaquintancëxun nuibaquin nua ꞌaquincë usamaira oquin ꞌaquintëcënia. Usa ꞌain ca aín bana ësai quia: “Nucën Papa Diosan ca axa rabícë unicama a timanan axa —ꞌëx cana usa ꞌai —quiax rabícëma unicama nuibaquin ꞌaquinia”.

Apocalipsis 2:5

Usa ꞌain camina uisairai caramina ꞌëmi sináancë quixun sinani usai ꞌëmi sinántëcënux ꞌëmi sinanatëcënti ꞌain. Usai ꞌëmi sinanaquin camina mitsúnmi ꞌëmi sinánquin ꞌëx cuëëncësabi oquin ꞌásabi oquin ꞌatëcënti ꞌain. Usai mitsux ꞌëmi sinanacëbëtanma cana a anu lamparín nanti mitsu ꞌunántioquin nancë, a raíri ꞌura ꞌinun nanti ꞌain.