Mateo 11:1 - Kashibo-Kakataibo Biblia

¹ Aín ꞌunánmicë unicama an ñuixuncë bana unicama ñuixuntanun catancëx ca Jesús anribi Galilea menu ꞌicë ëmacamanuxun bana ñuixunux cuancëxa.

Nukën 'Ibu Diosan ain unikama 'inan ain bana

¹ Aín 'unánmicë unicama an ñuixuncë bana unicama ñuixuntanun catancëx ca Jesús anribi Galilea menu 'icë ëmacamanuxun bana ñuixunux cuancëxa.

Mateo 11:1 Iomraidhean Croise

Mateo 28:20

Nashimianan camina ꞌën mitsu ñuixuncë banacama ꞌunánmiquin a banacama quicësabi oquin ꞌanun quixun atu ꞌunánmiti ꞌain. Usaquin ꞌaquin camina ꞌunánti ꞌain, ꞌëx cana camabi nëtën usaquin ꞌacë ꞌën unicamabë ꞌain, ꞌëx utëcënti nëtë sënë́ntamainun. Ashi.

Mateo 4:23

Usa ꞌain ca Jesusan Capernaúm anuax cuanxun Galilea mecamanuxun anua judíos unicama timë́ti xubucamanuxun bana ñuixuancëxa. —Nucën Papa Diosan ca ami catamëcë unicama abë ꞌinun ainan ꞌimiti ꞌicë —quixun caquin upí bana unicama ñuixuanan ca uni ñucëcama pëxcüacëxa.

Mateo 7:28

An xuá ꞌixun ca Jesusan Nucën Papa Diosan cushínbi bana ñuixuancëxa. An Moisésnën cuënëo bana ꞌunáncë unicaman banasamaira ca Jesusan bana ꞌiacëxa. Jesusan bana ñuixunquin sënë́oncëbë ca an aín bana cuacë unicama ratuti —usa bana cuacëma cananuna ꞌain —quiacëxa.

Mateo 9:35

Usotancëxun ca ëma chacamanu ꞌimainun ëma chucúmaracamanuribi cuanquin anua judíos unicama timë́ti xubucamanu atsínquin anu timëtia Jesusan bana ñuixuancëxa. Bana ñuixunquin ca —ꞌëmi catamëcë unicama ca Nucën Papa Diosan ainan ꞌimiti ꞌicë —quixun caquin upí bana unicama ñuixuancëxa. Ñuixuanan ca uni ñucëcamaribi pëxcuquin an paëocëcama tërë́caxuancëxa.

Marcos 6:12

Usaquin caquian xucëx cuanquin ca —ainan ꞌinux camina Nucën Papa Diosmi sinanati ꞌai —quixun caquin unicama bana ñuixuancëxa.

Lucas 23:5

Usaía Piláto quicëbëbi Jesúsmi xuamati nishi ca munuma quicancëxa: —An ca Galilea mecamanuxun unicama ꞌatimaquin ꞌunánmiquin tsuáquirumianan Judea mecamanuxunribi usoquin ꞌaia.

Lucas 8:1

Usotancëxun ca Jesusan ëma chacamanu ꞌimainun ëma chucúmaracamanuribi cuanquin, anu ꞌicë unicama bana ñuixunquin ꞌunánmiacëxa. ꞌUnánmiquin ca —anúan Nucën Papa Diosan ꞌëmi catamëtia uni ainan ꞌimiti nëtë ca uaxa —quixun caquin upí bana unicama ñuixuancëxa. Usocëbë ca aín ꞌunánmicë unicama mëcën rabë́ ꞌimainun rabë́, acamax abë niacëxa.

Juan 15:10

Ax quicësabi oi ꞌia ca ꞌën Papa Diosan ënquinma ꞌë nuibatia. Usaribitimi ꞌëx quicësabi oi ꞌia cana ꞌënribi ënquinma mitsu nuibatin.

Juan 15:14

ꞌËn cacësabi oi ꞌi camina mitsux ꞌëbë nuibanancë uni ꞌain.

Hechos 1:2

An ca naínu cuainsama pain ꞌixun Nucën Papa Diosan Bëru Ñunshin Upitan ꞌaquincëxun an aín bana unicama ñuixunun xuti unicama caísacëxa. Acamax ca aín ꞌunánmicë uni ꞌiacëxa. Caístancëxun ca añu cara ꞌati ꞌicë quixun ꞌunánmiacëxa.

Hechos 10:38

Camina ꞌunanin, Nucën Papa Diosan ca Jesús Nazaretnu ꞌicë a aín Bëru Ñunshin Upí abë ꞌinun ꞌinánquin aín cushiribi ꞌináncëxa. ꞌInáncëxun ca ñu upíshi ꞌanan ñunshin ꞌatimañu unicamaribi pëxcüacëxa, Nucën Papa Dios abë ꞌain.

Hechos 10:42

Usa ꞌicë ca aín bana unicama ñuixunun xuquin nu ësaquin cacëxa: Nucën Papa Diosan ꞌimicëxun cana ꞌën, uni bamacëmacama ꞌimainun bamacë unicamaribi, uisaira cara ënë menuax ꞌiaxa quixun ꞌunánquin, Nucën Papa Diosbë cara ꞌiti ꞌicë, cara ꞌitima ꞌicë quixun cati ꞌain. Usaquin camina unicama ñuixunti ꞌai quixun ca Jesusan nu cacëxa.

1 Tesalonicenses 4:2

Nucën ꞌIbu Jesusan cacësabi oquin nun mitsu cacë bana camina mitsun ꞌunanin.

2 Tesalonicenses 3:10

Mitsubë ꞌixun cananuna ësoquin mitsu can, an ñu mëëtisama tancë uni an ca pitima ꞌicë quixun.

2 Tesalonicenses 3:6

Nucën xucë́antu, Nucën ꞌIbu Jesucristonën nu sinánmicësabi oquin cananuna mitsu cain, ui unin cara Jesucristomi catamëcë ꞌixunbi nun mitsu ꞌunánmicësabi oi ꞌiisama tanan ñu mëëtisama tania, abë camina ënananti ꞌain.

1 Timoteo 6:14

Nucën ꞌIbu Jesucristo utëcënti nëtë ꞌitámainuan xënibua ꞌaínbi uínbi min camina ñu ꞌatima ꞌacë quixun sinánti rabanan camina ñu ꞌaisama ꞌaquinma, ꞌën mi cacë bana bëtsi oquinma ax quicësabi oquinshi ꞌati ꞌain.