Mateo 10:5 - Kashibo-Kakataibo Biblia

⁵ Aín ꞌunánmicë unicama caístancëxun ca unicama bana ñuixuntanun xunuxun Jesusan ësaquin cacëxa: —Camina anu judíosma unibu ꞌicë nëtënu cuantima ꞌain. Samaria nëtënu ꞌicë ëmacamanuribi camina cuantima ꞌain.

Nukën 'Ibu Diosan ain unikama 'inan ain bana

⁵ Aín 'unánmicë unicama caístancëxun ca unicama bana ñuixuntanun xunuxun Jesusan ësaquin cacëxa: —Camina anu judíosma unibu 'icë nëtënu cuantima 'ain. Samaria nëtënu 'icë ëmacamanuribi camina cuantima 'ain.

Mateo 10:5 Iomraidhean Croise

Mateo 22:3

Sinánxun ca piti ꞌitsaira ꞌamimainuan camabi unin pi unun catánun quixun aín uni raíri xuaxa. Xucëx cuanxuan cacëxbi ca a cacë unicama uinu ꞌicë uníxbi uisama tanxa.

Mateo 4:15

Zabulón me ꞌimainun Neftalí me, a Jordán baca ꞌucë manan ꞌicë, ꞌimainun anun parúmpapanu cuanti bai acamax ca Galilea me, anu judíosma unibu bucucë, anu ꞌicën.

Marcos 6:7

Jesusan ca aín ꞌunánmicë uni mëcën rabë́ ꞌimainun rabë́ a timëxun aín cushi anúan ñunshin ꞌatima uninua chiquínti ꞌinántancëxun bëtsi bëtsi ëmanua cuanun quixun rabë́ rabë́ xuacëxa.

Lucas 10:1

Usaía ꞌicëbëtan ca Jesusan bëtsi bëtsi me ꞌimainun bëtsi bëtsi ëmanu bana ñuixuni cuanti sináncëxa. Usaquin sinánquin ca aín ꞌunánmicë uni mëcën rabë́ ꞌimainun rabë́ acama xuquinma, uni raíri setenta caístancëxun rabë́ rabë́, uinu cuanti cara an sinánxa anu atux pain cuanun xuacëxa.

Lucas 10:33

Usoquian a rabëtan ratánbiancëbëbi ca Samaria menu ꞌicë uni achúshi a baínribi uaxa. Uquin bai amo racácë isquin ca an cuni a uni nuibaxa.

Lucas 17:16

Rabiquin ca a tanáin rantin puruni tsóbuti bëúnpucuquin —ca asábi ꞌicë —quixun Jesús cacëxa. An usoquin cacë uni ax ca Samarianu ꞌicë uni ꞌiacëxa.

Lucas 9:1

Usa ꞌain ca Jesusan aín ꞌunánmicë uni mëcën rabë́ ꞌimainun rabë́ a timëxun cacëxa: —Anúnmi uninua ñunshin ꞌatimacama chiquíanan uni ꞌinsíncëcamaribi pëxcunun cana ꞌën cushi mitsu ꞌinanin.

Lucas 9:2

Usoquin catancëxun ca —Nucën Papa Diosan ca ꞌëmi catamëcë unicama ainan ꞌimiti ꞌicë —quixun unicama ñuixuanan ꞌinsíncëcama pëxcunun quixun aín ꞌunánmicë unicama xuacëxa.

Juan 17:18

Minmi ënë nëtënu ꞌicë unicama mimi sinánun ꞌaquinun ꞌë xuásaribi oquin, cana ënë unicama mimi sinánun unicama ꞌaquinun xutin.

Juan 20:21

Cuëënia ca amiribishi Jesusan atu cacëxa: —Chuámashirua ca ꞌican. ꞌËn Papan amia sinánun unicama ꞌaquinun ꞌë xuásaribi oquin cana ꞌëmia sinánunmi unicama ꞌaquinun mitsu xutin.

Juan 4:20

Samaria unicama nun raran ca tucu ënuxun Nucën Papa Dios rabiacëxa. Usa ꞌaínbi camina mitsux quin, Jerusalénuxun ca unin Nucën Papa Dios rabiti ꞌicë quiax.

Juan 4:5

Cuanx ca Jacobnëan aín bëchicë José ꞌinan me ꞌurama ꞌicë ëma, Sicar cacë, anu bëbacëxa.

Juan 4:9

Cacëxun ca a xanun cacëxa: —¿Uisati caramina mix judío uni ꞌixunbi ꞌëx samaritana xanu ꞌicëbi ꞌunpax ꞌinánun quixun ꞌë cain?, judíos unicamax samaritano unicamabë nuibanancë ꞌaínmabi.

Juan 7:35

Quicëbë ca judíos ꞌapucamax ñucacanani quiacëxa: —¿Uinu cara ënë uni nun mëratimoi cuanti ꞌic? Bëtsi bëtsi ëma, anua griego banan banacë unicama ꞌicë, anua nun aintsi raíri cuancë, anu sapi ca Jesús anu ꞌicë judíosma unicama bana ꞌunánmi cuanti ꞌicën.

Juan 8:48

Usaquian cacëxun ca nishquin judíos unicaman Jesús cacëxa: —Mix camina Samaria menu ꞌicë uni ꞌianan ñunshin ꞌatimañu uni ꞌai quixun nun mi cacë, ënëx ca asérabi ꞌicën.

Hechos 1:8

Usa ꞌaínbi camina Nucën Papa Diosan Bëru Ñumshin Upí mitsunu ucëbë aín cushiñu ꞌicanti ꞌain. Aín cushiñu ꞌixun camina mitsun ꞌën bana unicama ñuixunti ꞌain, Jerusalén ëmanu, Judea mecamanu, ꞌimainun Samaria menu, ꞌimainun camabi menu cuanquin.

Hechos 10:45

Usa ꞌain ca aín Bëru Ñunshin Upitan ꞌimicëxun unin cuacëma banan banaquin Nucën Papa Dios rabicancëxa. Nucën Papa Dios rabicania cuati ca Pedrobëa ucë Jesúsmi sináncë unicama ax judíosma unicamaxribia Nucën Papa Diosan Bëru Ñunshin Upíñu ꞌicë isi ratuti sináncasmacëxa.

Hechos 8:1

Usa ꞌain ca Saulonën Esteban bamacëbëtan —usoquin ꞌati ca asábi ꞌicë —quixun sináncëxa. Usoquian Esteban ꞌacáncë ca an Nucën Papa Diosan bana cuacë uni raírinën masá nuituti inquin Esteban bibianquin buánxun maíancëxa. Esteban usoquin rëtancëx atumi nishi tsuáquiruquin ca Jerusalénuaxa ax Jesucristomi catamëcë unicama bëtsi bëtsi ocancëxa. Usaira ocancëx ca tsuáqui Judea me ꞌimainun Samaria mecamanuribi cuanan bëtsi bëtsi ëmanu tsoti cuancëxa. Usai ꞌicëbëbi ca Jesusan aín bana ñuixunun caíscë unicamaishi Jerusalénu bërúacëxa.

1 Tesalonicenses 2:16

Nun judíosma unicama Cristomi sinánun bana ñuixuinsa taniabi ca usaquinu bana ñuixunun nu ëncëma ꞌicën. Usai ꞌia aín ꞌucha cëxtutia ca Nucën Papa Diosan ꞌaisamaira oquin castícanti ꞌicën.