Mateo 10:4 - Kashibo-Kakataibo Biblia

⁴ ꞌImainunribi ca Simón axa judíos unibun rabanan nëëti banacë, a ꞌimainun Judas Iscariote, an Jesús uni ꞌinan, a ꞌiacëxa.

Nukën 'Ibu Diosan ain unikama 'inan ain bana

⁴ 'Imainunribi ca Simón axa judíos unibun rabanan nëëti banacë, a 'imainun Judas Iscariote, an Jesús uni 'inan, a 'iacëxa.

Mateo 10:4 Iomraidhean Croise

Mateo 26:14

Usa ꞌain ca Jesusan ꞌunánmicë uni achúshi, Judas Iscariote, ax anua judíos sacerdotenën cushicama ꞌicë anu cuancëxa.

Mateo 26:15

Cuanxun ca cacëxa: —¿ꞌËn Jesús mitsu ꞌinánun caramina uiti curíqui ꞌë ꞌinánti ꞌain? Cacëxun ca atun Judas treinta curíqui ꞌináncëxa.

Mateo 26:2

—Camina ꞌunanin, rabë́ nëtë ꞌicëbë ca Pascua anun carnero ꞌati nëtë ꞌiti ꞌicën. A nëtën ca unían binun uni itsin ꞌë ꞌinánti ꞌicën. ꞌInáncëxun ca i curúsocënu bamanun ꞌë matásti ꞌicën. Usaquin ca Jesusan aín ꞌunánmicë unicama cacëxa.

Mateo 26:47

Jesusan cacëbëbi ca aín ꞌunánmicë uni achúshi, Judas, ax uacëxa. Abë ca ꞌitsa uni, manë xëtocë bëanan imaxu tëacë bëi uacëxa. Axa ucëcama ax ca judíos sacerdotenën cushicamabëtan caniacëcë unicamanribi Jesús binun quixun xucë ꞌiacëxa.

Mateo 27:3

Usa ꞌain ca Judas, an Jesús uni bimicë, ax Jesúsa ꞌanuxun bicancë isi sinanatëcëancëxa. Sinanabiani anuxun Nucën Papa Dios rabiti xubunu cuanxun ca anu ꞌicë judíos unibunën cushicama treinta curíquia biixancë a ꞌinántëcëancëxa.

Marcos 14:10

Usa ꞌain ca Jesusan ꞌunánmicë uni achúshi, Judas Iscariote, ax anua judíos sacerdotenën cushicama ꞌicë anu cuanxun —Jesúsmi binun cana mitsu a ismiquin buánti ꞌai —quixun atu cacëxa.

Marcos 14:43

Jesusan cacëbëbi ca aín ꞌunánmicë uni achúshi, Judas, ax uacëxa. Abë ca ꞌitsa uni manë xëtocë bëanan imaxu tëacë bëi uacëxa. Axa ucëcama ax ca judíos sacerdotenën cushicamabëtan an Moisésnën cuënëo bana ꞌunáncë unicama ꞌimainun caniacëcë unicamanribi Jesús binun quixun xucë ꞌiacëxa.

Lucas 22:3

Usacëbë ca Jesusan ꞌunánmicë unicama mëcën rabë́ ꞌimainun rabë́, acama achúshi, Judas Iscariote, anu ñunshin ꞌatimanën ꞌapu Satanás atsíancëxa.

Lucas 22:47

Usaquian Jesusan cacëbëbi ca ꞌaisamaira uni anu Jesús ꞌicë anu uacëxa. Ucëbë ca a unicamabë aín ꞌunánmicë unicama achúshi, Judas, ax rëcuë́ncuatsini a bëtsucucanux uacëxa.

Juan 13:2

ꞌUramacëbëtan ca ñunshin ꞌatimanën ꞌapun Judas Iscariote, Simonan bëchicë, a Jesús uni ꞌinánti sinánmiacëxa. Usoquian sinánmicë ꞌain ca a ñantan Jesusan aín ꞌunánmicë unicamabëtan piacëxa.

Juan 6:64

Usa ꞌaínbi camina micama raírinëx asérabi ꞌëmi sinani ëmi catamëcëma ꞌain. Ësaquin ca Jesusan bana ñuixunquin an cuacë unicama cacëxa, uicamax cara ami catamëtima quixun ꞌunánan uin cara a uni ꞌinánti ꞌicë quixun bëráma ꞌunáncë ꞌixun.

Juan 6:71

Usai ca Simonan bëchicë, Judas Iscariote, an aín ꞌunánmicë unicama achúshi ꞌixunbi a uni ꞌinánti, a ñui Jesús quiacëxa.

Hechos 1:13

Riquianx Jerusalénu bëbatancëx ca anua atux ꞌicë xubunu atsíanx manámia ꞌicë cata itsi anu cëñúruacëxa. Atux ca Pedro, Jacobo, Juan, Andrés, Felipe, Tomás, Bartolomé, Mateo, Alfeonën bëchicë Jacobo, Simón axa aín aintsin rabanan nëëcë, a ꞌimainun Jacobonën xucën Judas, acama ꞌiacëxa.