Mateo 1:2 - Kashibo-Kakataibo Biblia

² Abraham ax ca Isaacnën papa ꞌiacëxa. Isaac ax ca Jacobnën papa ꞌiacëxa. Jacob ax ca Judá ꞌimainun aín xucë́antun papa ꞌiacëxa.

Nukën 'Ibu Diosan ain unikama 'inan ain bana

² Abraham ax ca Isaacnën papa 'iacëxa. Isaac ax ca Jacobnën papa 'iacëxa. Jacob ax ca Judá 'imainun aín xucë́antun papa 'iacëxa.

Mateo 1:2 Iomraidhean Croise

Génesis 25:19

Ënë banax ka usai kara Abrahamnën bëchikë Isaac ax ꞌiakëxa, kixun ñuikë bana ꞌikën.

Génesis 25:26

Usai ꞌikin aín apan Esaú aín taë tsiputu tuinbëtsini aín ꞌanáka chikíakëxa, usaía ꞌikë a ka Jacob kakin anëakëxa. Usaia aín xanu Rebeca a tuá rabë́ bakënkë ꞌain ka Isaac ax setenta baritiañu ꞌiakëxa.

Isaías 41:8

“Israel unikama ꞌën uni Jacob a ꞌën kaisa aín rëbúnkikama, ꞌimainun Abraham ꞌën uni aín rëbúnkikama: Mitsun kamina ꞌën kakëxun kuakanti ꞌain.

Mateo 1:1

Jesucristo ax Davitan rëbúnqui ꞌaish ca Abrahamnën rëbúnquiribi ꞌiacëxa. Jesucristonën raracama ca ënë unicama ꞌiacëxa:

Mateo 1:3

Judá ax ca Fares ꞌimainun Zara aín papa ꞌiacëxa, Tamar atun tita ꞌimainun. Fares ax ca Esromnën papa ꞌiacëxa. Esrom ax ca Aramnën papa ꞌiacëxa.

Hechos 7:8

Usaquin caxun ca Nucën Papa Diosan Abraham ësaquinribi cacëxa: “Mi ꞌimainun min rëbúnquicamaribi ꞌënan ꞌicë ꞌunánti oquin camina min bëbu tuácama aín inshú maxacara tëati ꞌain”. Usa ꞌain ca Nucën Papa Diosan cacësabi oquin Abrahamnën Isaac bëchitancëxun achúshi semana aín bacë́ncë nëtë ꞌicëbëtan ꞌunántiocëxa. Usaribi oquin ca Isaacnënribishi Jacob bëchitancëxun ꞌunántiocëxa. Usa ꞌixun ca Jacobnënribi mëcën rabë́ ꞌimainun rabë́ oquin bëchitancëxun a camabi ꞌunántiocëxa. Jacobnën bëchicë mëcën rabë́ ꞌimainun rabë́ acamax ca nucën raracama ꞌiacëxa.

Hebreos 11:11

Abrahamnën xanu, Sara, anribi ca Nucën Papa Diosan Abraham cacësabi oquin, caniacëquinbi tuacëxa, Nucën Papa Dios quicësabi oi cana ꞌiti ꞌai quixun sináncë cupí. Usai tuutancëx ca Sara bëbu tuá, Isaac cacë, bacë́ancëxa.

Hebreos 7:14

Camabi unin ca ꞌunania, Nucën ꞌIbu Jesús ax ca Judanën rëbúnqui ꞌiacëxa quixun. Usa ꞌaínbi ca Moisés sacerdote ñui, Judanën rëbúnquinëx ca sacerdote ꞌiti ꞌicë quiax quiáma ꞌicën. Levitan rëbúnquishi ca usai ꞌiti ꞌiacëxa.

Apocalipsis 7:5

Doce mil ax ca Judatan rëbúnqui ꞌicën. ꞌImainun ca doce milribi Rubénën rëbúnqui ꞌicën. ꞌImainun ca doce milribi Gadnën rëbúnqui ꞌicën.