Mateo 1:16 - Kashibo-Kakataibo Biblia

¹⁶ Jacob ax ca Josénën papa ꞌiacëxa. José ax ca María an Jesús, Cristo cacë, a tuua, aín bënë ꞌiacëxa.

Nukën 'Ibu Diosan ain unikama 'inan ain bana

¹⁶ Jacob ax ca Josénën papa 'iacëxa. José ax ca María an Jesús, Cristo cacë, a tuua, aín bënë 'iacëxa.

Mateo 1:16 Iomraidhean Croise

Mateo 1:15

Eliud ax ca Eleazarnën papa ꞌiacëxa. Eleazar ax ca Matanën papa ꞌiacëxa. Matán ax ca Jacobnën papa ꞌiacëxa.

Mateo 16:16

Quia ca Simón Pedronën cacëxa: —Mix camina axa bamatimoi tsócë Nucën Papa Dios aín Bëchicë, Cristo, axa utinu nun caíncë, a ꞌain.

Mateo 16:20

Usaquin Pedro catancëxun ca aín ꞌunánmicë unicama Jesusan cacëxa: —ꞌËx cana ax utia judíos unibunën caíncë Cristo a ꞌai quixun camina uinu ꞌicë unibi catima ꞌain.

Mateo 2:13

An ñu ꞌunáncë unicamaxa aín menu cuantëcëan ca Nucën ꞌIbu Diosan ángelnën José namámiquin cacëxa: —Herodesnën ca a tuá ꞌaminuxun bariminuxun ꞌaia. Usa ꞌain camina niruquianquin aín titacëñun a tuá bibiani Egipto menu cuanti ꞌain. Cuantancëx camina ꞌën mi cacë́xmi utëcënun anu ꞌiti ꞌain.

Mateo 27:17

—Nutsi ami nishquin ca judíos unibunën Jesús ꞌënu bëaxa —quixun ꞌunánquin Jesús chiquíntisa tanquin ca Pilatonën judíos unibunën ꞌapucamaxa timëtia cacëxa: —¿Mitsux cuëëncëbëtan carana ui uni mitsu chiquínxunti ꞌain? ¿Carana Barrabás chiquínti ꞌain? ¿Carana Jesús, Cristo cacë, a chiquínti ꞌain?

Mateo 27:22

Cacëxun ca Pilatonën cacëxa: —¿Barrabás chiquíanan Cristo cacë ënë ꞌën uisoti caramina cuëënin? Cacëx ca quicancëxa: —Bamatanun ca i curúsocënu matás.

Marcos 6:3

Carpinteroishi ca ënëx ꞌicën, Marían tuá. Ax ca Jacobo ꞌimainun José ꞌimainun Judas ꞌimainun Simón aín xucën ꞌicën. Aín chirabacëcamaribi ca ënu nubë ꞌicën, ¿usa cat? —quiax canancëxa. Usai canani ca aín bana cuaisama tani ami nishacëxa.

Lucas 1:27

unibë ꞌicëma pan xanu, María cacë, a istánun xuacëxa. A xanux ca Davitan rëbúnqui, José cacë uni, an binuxun cacë ꞌiacëxa.

Lucas 2:48

Usaía a unicamabë banai tsócë Jesús mërai ca Josébë María ratúacëxa. Ratúquin ca aín titan cacëxa: —¿Uisa ꞌaish caramina usai ꞌian? Min ꞌunan papabëtan cana mi mëracatsi bënë́quin barin.

Lucas 2:7

Sënë́ncëbë ca anu ꞌiti xubu anu ꞌaínbia ꞌaisamaira ꞌixun unin tsitsiruan anuxun ñuina pimiti ꞌitinuax María bacë́ancëxa. Bacë́nxun ca chupan rabúnxun anuxun ñuina pimiti bunánti anu aín tuá racáncëxa.

Lucas 3:23

Unicama pain bana ñuixuanan ꞌaquini ca treinta baritiañusa Jesús ꞌiacëxa. Unicaman sináncëx ca Josénëx aín papa ꞌiacëxa. José ax ca Elínën bëchicë ꞌiacëxa.

Lucas 4:22

Cacëxuan cuati ca anu ꞌicë unicamax cuëëni —aín bana ca asábi ꞌicë —quianan —axa quicë banax ca upíira ꞌaish uni itsin banasama ꞌicë —quiax quiacëxa. Usai qui ca —¿Josénën bëchicë ꞌaíshbi cara usai banain? —quiax canancëxa.

Juan 4:25

Cacëxun ca xanun cacëxa: —Mesías, Cristo cacë, ax ca uti ꞌicë quixun cana ꞌunan. Ax uquin ca nun nu ꞌunánun camabi ñu ñuixunti ꞌicën.