Mateo 1:12 - Kashibo-Kakataibo Biblia

¹² Babilonia nëtënuxun ca Jeconíasnën Salatiel bëchiacëxa. Salatiel ax ca Zorobabelnën papa ꞌiacëxa.

Nukën 'Ibu Diosan ain unikama 'inan ain bana

¹² Babilonia nëtënuxun ca Jeconíasnën Salatiel bëchiacëxa. Salatiel ax ca Zorobabelnën papa 'iacëxa.

Mateo 1:12 Iomraidhean Croise

2 Reyes 24:14

Usakin pain ꞌatankëxun ka kamabi Jerusalén ëmanu tsókë unikama ꞌimainun, kamabi atun ꞌapukama ꞌimainun atun suntáru ꞌakánanti ꞌunáinrabu a ꞌimainun, kamabi ñu unioti unainrabu ꞌimainun an manë charóxun unioti ꞌunánkë a kamabia timëkëx ka diez mil uni sënë́nmikin ñatankë ꞌiakëxa. Usakin ka kamabi uni ñu ꞌunánbuira a buánan ñuñuira akamaribi buánkin uni ñuñuma kamaishi anubi ꞌinun ëbiankëxa.

2 Reyes 25:27

Usa ꞌain ka Joaquín kakë Judá menua ꞌikë a bitankëxun Babilonianu ꞌikë ꞌapun treinta ꞌimainun siete baritia sipuakëxa. Sipua ꞌaínbi veinticinco nëtë anun febrero ꞌuxë këñuax marzo ꞌuxë ꞌiruti nëtë anun ka achúshi uni Evil-merodac kakë ax ꞌapu ꞌikin pëuax ꞌapu ꞌixun an ꞌitsaira nuibakëxa, nuibakin ka bëtsi ꞌapun sipua ꞌikëbi an Joaquín chikíankëxa.

Esdras 3:2

Usa ꞌain ka Josué kakë uni Josadac aín bakë bëchikë ꞌimainun abëtan ñu mëëkë sacerdotekaman, Zorobabel Salatielnën bakë bëchikë ꞌimainun aín aintsikama timë́xun anuxun Israel kaman Dios rabikin ñuina xaroti ꞌakë ꞌikëbi rurupakin masókan, ꞌikëbi amiribishi a tanti bana Moisés Diosan uni ax kiásabiokin ꞌatëkëankëxa.

Mateo 1:11

Babilonia cacë nëtënu judíos unicama bëtsi non buánti ꞌurama ꞌain ca Josíasnën Jeconías ꞌimainun aín xucë́ncama bëchiacëxa.

Mateo 1:13

Zorobabel ax ca Abiudnën papa ꞌiacëxa. Abiud ax ca Eliaquimnën papa ꞌiacëxa. Eliaquim ax ca Azornën papa ꞌiacëxa.

Mateo 1:17

Abraham ax ca judíos unibunën rara ꞌiacëxa. An bëchicëxun aín bëchicënën canitancëxun bëchipacëxun aín bëchicënënribi canitancëxun bëchipacëx anuax cuanx Davidnu sënën ca Davitan chaitiocëcama catorce ꞌiacëxa. David an bëchicëxun aín bëchicënën canitancëxun bëchipacëxun aín bëchicënënribi canitancëxun bëchipacëx anuax cuanx anun Babilonia cacë nëtënu judíos unicama buan nëtë anúan Jeconías bacë́an, a nëtë sënën ca Jeconíasnën chaitiocëcama catorce ꞌiacëxa. Jeconías an bëchipacëxun aín bëchicënën canitancëxun bëchipacëxun aín bëchicënënribi canitancëxun bëchipacëx anuax cuanx anúan Cristo bacë́ncë nëtë sënën ca aín chaitiocëcama catorce ꞌiacëxa.

Lucas 3:27

Judá ax ca Joananën bëchicë ꞌiacëxa. Joanan ax ca Resan bëchicë ꞌiacëxa. Resa ax ca Zorobabelnën bëchicë ꞌiacëxa. Zorobabel ax ca Salatielnën bëchicë ꞌiacëxa. Salatiel ax ca Nerín bëchicë ꞌiacëxa.