Mateo 1:11 - Kashibo-Kakataibo Biblia

¹¹ Babilonia cacë nëtënu judíos unicama bëtsi non buánti ꞌurama ꞌain ca Josíasnën Jeconías ꞌimainun aín xucë́ncama bëchiacëxa.

Nukën 'Ibu Diosan ain unikama 'inan ain bana

¹¹ Babilonia cacë nëtënu judíos unicama bëtsi non buánti 'urama 'ain ca Josíasnën Jeconías 'imainun aín xucë́ncama bëchiacëxa.

Mateo 1:11 Iomraidhean Croise

2 Reyes 24:14

Usakin pain ꞌatankëxun ka kamabi Jerusalén ëmanu tsókë unikama ꞌimainun, kamabi atun ꞌapukama ꞌimainun atun suntáru ꞌakánanti ꞌunáinrabu a ꞌimainun, kamabi ñu unioti unainrabu ꞌimainun an manë charóxun unioti ꞌunánkë a kamabia timëkëx ka diez mil uni sënë́nmikin ñatankë ꞌiakëxa. Usakin ka kamabi uni ñu ꞌunánbuira a buánan ñuñuira akamaribi buánkin uni ñuñuma kamaishi anubi ꞌinun ëbiankëxa.

2 Reyes 25:11

Usokin ꞌatankëxun ka Nebuzaradánën aín suntárukamabëtan Jerusalénnu bërúkë uni raíri ꞌimainun, axa Babilonianu ꞌikë ꞌapumi rakuë́ti anu kuankë akamakëñun an ñu ꞌati ꞌunánkë akamaribi uankëxa.

Daniel 1:2

Usa ꞌain ka Diosanbi Nabucodonosornën ꞌapu Joaquím ñatankin binun ꞌamiakëxa, ꞌamikëxun bianan ka anuxun Dios rabiti xubunua ꞌikë ami xëatia ꞌakë ñukama kamaira bikinmabia binun bimiakëxa. Bimianan ka Nabucodonosornën aín suntárukamabëtan ñatankia bikë unikama aín me Babilonianu buánkëxa, ꞌimainun ka ami xëatia ꞌakë upibu anuxun Dios rabiti xubunua bikë akamaribi anuxun atun dioskama rabiti xubunu nankëxa;

Mateo 1:12

Babilonia nëtënuxun ca Jeconíasnën Salatiel bëchiacëxa. Salatiel ax ca Zorobabelnën papa ꞌiacëxa.

Mateo 1:17

Abraham ax ca judíos unibunën rara ꞌiacëxa. An bëchicëxun aín bëchicënën canitancëxun bëchipacëxun aín bëchicënënribi canitancëxun bëchipacëx anuax cuanx Davidnu sënën ca Davitan chaitiocëcama catorce ꞌiacëxa. David an bëchicëxun aín bëchicënën canitancëxun bëchipacëxun aín bëchicënënribi canitancëxun bëchipacëx anuax cuanx anun Babilonia cacë nëtënu judíos unicama buan nëtë anúan Jeconías bacë́an, a nëtë sënën ca Jeconíasnën chaitiocëcama catorce ꞌiacëxa. Jeconías an bëchipacëxun aín bëchicënën canitancëxun bëchipacëxun aín bëchicënënribi canitancëxun bëchipacëx anuax cuanx anúan Cristo bacë́ncë nëtë sënën ca aín chaitiocëcama catorce ꞌiacëxa.