Lucas 9:42 - Kashibo-Kakataibo Biblia

⁴² Cacëxuan bëcë́xa aia ca ñunshin ꞌatimanën menu nipacëmiquin aín nami nimëtia bërërunun ꞌimitëcëancëxa. Usaquian ꞌimia chiquínun caquin ñunshin ꞌatima chiquínxun ca Jesusan a tuá pëxcüacëxa. Pëxcuquin ca aín papa —ca asábi ꞌicën, ca ꞌiquin —quixun cacëxa.

Nukën 'Ibu Diosan ain unikama 'inan ain bana

⁴² Cacëxuan bëcë́xa aia ca ñunshin 'atimanën menu nipacëmiquin aín nami nimëtia bërërunun 'imitëcëancëxa. Usaquian 'imia chiquínun caquin ñunshin 'atima chiquínxun ca Jesusan a tuá pëxcüacëxa. Pëxcuquin ca aín papa —ca asábi 'icën, ca 'iquin —quixun cacëxa.

Lucas 9:42 Iomraidhean Croise

1 Reyes 17:23

Usakian baískimitëkënia ka Elíasnën bënë́kinshi ax anu ꞌuxkë anua bëkë anua bibiankin xubu shimú uanxun ꞌinánkin aín tita kakëxa: —¡Ka kuat, min tuá ka ñuaxi baískiaxa!

2 Reyes 4:36

Usai ꞌikëbëtan ka Eliseonën Guehazí kakë uni a kuënxun kakëxa: —Xubu ꞌibu sunamita xanu akamina kuënti ꞌain. Kixun kakëxua Guehazínën kuënkëx ka xanu ax anu uakëxa, ukë ka Eliseonën xanu a kakëxa: —Min tuá ka baískiaxa kamina biti ꞌain.

Marcos 9:20

Cacëxuan bëcëbëtan Jesús isquin ca ñunshin ꞌatimanën a tuá aín nami nimë́miquin bërërumiquin menu nipacëmiacëxa. Usocëx ca aín cuñun bacux bëi menu taramëcëacëxa.

Lucas 7:15

Usaquin cacëxëshi ca bamacë uni baísqui tsóracëti banacëxa. Usai ꞌicëbëtan ca Jesusan —ca asábi ꞌicën, ca mibë ꞌitëcënti ꞌicë —quixun aín tita cacëxa.

Lucas 9:39

Ñunshin ꞌatimanën ꞌimicëx ca ꞌitsai cuëncëni aín cuñun bacux bëanan aín namiribi nimëti bërëruia. Usaquin ꞌai ca ꞌën bëchicënuax chiquítisama tania.

Lucas 9:41

Quia cuaquin ca Jesusan anu ꞌicë unicama cacëxa: —Mitsun camina Nucën Papa Dios ax ca asérabi cushi ꞌicë quixun sinaniman. Camina ami catamëisama tanin. ¿Mitsúxmi ami catamënun carana uiti nëtën mitsu ꞌunánmiti ꞌain? ¿Uitishi oi nëtën carana ꞌëx mitsu cupí masá nuituti ꞌain? Usaquin caquin ca a uni —ꞌënu ca min bëchicë bët —quixun cacëxa.

Lucas 9:43

Usaquin ꞌaia isi ca anu ꞌicë unicama —Nucën Papa Diosan cushínshi ca Jesusan usaquin ꞌaxa —quixun sinánan —aín cushix ca bëtsi cushisamaira ꞌicë —quixun sinani ratúacëxa. An ca bëtsi unían ꞌacëma ñu ꞌaia quixuan unicaman ñuimainun ca Jesusan aín ꞌunánmicë unicama ësaquin cacëxa:

Juan 6:19

Usocëbëbi parúnpapa cuëbínuax cuani cinco kilómetrosa ꞌixun ca aín ꞌunánmicë unicaman parúnpapanubi nicuatsinia aia Jesús isacëxa. Isi ca racuë́ira racuë́acëxa.

Hechos 9:41

Usariashi ca Pedronën mëínquin biruacëxa. Birutancëxun ca axa Jesucristomi catamëcë unicamacëñunbi casunamëcë xanucamaribi cuënxun axa baísquicë xanu atu ismiacëxa.

Apocalipsis 12:12

Ñunshin ꞌatimanën ꞌapu a Nucën Papa Diosan aín nëtënua chiquíncë ꞌain, camina a nëtënu ꞌicëcama, mitsux cuëënti ꞌain. Mitsu usaquin canan cana axa menu ꞌicëcama ꞌimainun axa parúnpapanu ꞌicëcama ësaquin cain: Nucën Papa Diosan aín nëtënua chiquíncë ꞌaish ca ñunshin ꞌatimanën ꞌapu ꞌaisamairai nishaxa, anun an ñu ꞌati nëtë ca ꞌitsama ꞌicë quixun ꞌunani. Nishquian ñu ꞌacëbëtan camina ꞌaisamaira masá nuituquin tëmërati ꞌain.