Lucas 9:23 - Kashibo-Kakataibo Biblia

²³ Usa ꞌain ca anu ꞌicë unicama Jesusan ësaquin cacëxa: —Uix cara ꞌën uni ꞌiisa tania an ca a ꞌai bamanuxunbi ꞌëmi catamëti quicë bana ënquinma ꞌati ꞌicën.

Nukën 'Ibu Diosan ain unikama 'inan ain bana

²³ Usa 'ain ca anu 'icë unicama Jesusan ësaquin cacëxa: —Uix cara 'ën uni 'iisa tania an ca a 'ai bamanuxunbi 'ëmi catamëti quicë bana ënquinma 'ati 'icën.

Lucas 9:23 Iomraidhean Croise

Romanos 8:13

Axa ënë nëtënu ꞌicë ñuishi sinani aín cuëëncësa oíshi ꞌicë uni ax ca Nucën Papa Diosnanma ꞌaish abë ꞌitima ꞌicën. Usa ꞌaínbi ca an Nucën Papa Diosan Bëru Ñunshin Upitan sinánmicësabi oquin ñu ꞌatima ꞌati ëncë uni, ax cuni ainan ꞌaish Nucën Papa Diosbë ꞌiti ꞌicën.

Colosenses 3:5

Usa ꞌain camina bërámami ꞌacansa oquin Nucën Papa Diosnanma unicaman ꞌacësa oquin ënë menu ꞌicë ñuishi ꞌati sinántëcëntima ꞌain. Unix ca aín xanuma ꞌaínbi bëtsi xanubë ꞌitima ꞌicën. Usaribiti ca xanu aín bënëma ꞌaínbi bëtsi unibë ꞌitima ꞌicën. ꞌImainun ca uni xanúxmabi bëtsi unibë ꞌitima ꞌicën. ꞌImainun camina ñunshinacëquin ꞌatima ñu ꞌati cuëëntima ꞌain. Camina ñuñu ꞌitishi sinántima ꞌain. Ñuñu ꞌitishi cuëëncë unix ca Nucën Papa Dios rabima, a cuëëncë ñuishi rabicësa ꞌicën.

2 Timoteo 3:12

Asérabi ca axa Cristo Jesús quicësabi oi ꞌiisa tancë unicama unin bëtsi bëtsiocëx tëmërati ꞌicën.

Tito 2:12

Nucën Papa Diosan ca nu ꞌunánmia, nux aín uni ꞌaish cananuna abë upí ꞌaish ax cuëëncëma ñu ꞌati ëni, upíshi ꞌianan axa ami sináncëma unicamaxa ꞌicësai ꞌiti sinanima, ꞌianan ami cushicë ꞌixun, añu ñucama nun ꞌati cara cuëënia ashi ꞌati ꞌai quixun.

Hebreos 13:13

Usa ꞌain cananuna Jesús, axa ëma ꞌuracëox ꞌuchañuira uni ꞌicësari bama, a nuxnu ainan ꞌicëa uni itsin tëmëramianan ꞌusáncëxunbi, ainan ꞌiti ëntima ꞌain.