Lucas 9:2 - Kashibo-Kakataibo Biblia

² Usoquin catancëxun ca —Nucën Papa Diosan ca ꞌëmi catamëcë unicama ainan ꞌimiti ꞌicë —quixun unicama ñuixuanan ꞌinsíncëcama pëxcunun quixun aín ꞌunánmicë unicama xuacëxa.

Nukën 'Ibu Diosan ain unikama 'inan ain bana

² Usoquin catancëxun ca —Nucën Papa Diosan ca 'ëmi catamëcë unicama ainan 'imiti 'icë —quixun unicama ñuixuanan 'insíncëcama pëxcunun quixun aín 'unánmicë unicama xuacëxa.

Lucas 9:2 Iomraidhean Croise

Mateo 10:5

Aín ꞌunánmicë unicama caístancëxun ca unicama bana ñuixuntanun xunuxun Jesusan ësaquin cacëxa: —Camina anu judíosma unibu ꞌicë nëtënu cuantima ꞌain. Samaria nëtënu ꞌicë ëmacamanuribi camina cuantima ꞌain.

Mateo 13:19

Anúan uni Nucën Papa Diosnan ꞌiti ënë bana aín pabitan cuaquinbia uisai qui quicë cara quixun upí oquin ꞌunáncëbëma uxun ca ñunshin ꞌatimanën ꞌapun bënë́nquinshi uni manumia. Usa banax ca anúan uni niti me iru anua nipacëcë ñu bëru asaribi ꞌicën.

Mateo 24:14

Uicamax cara ꞌëmi catamëtia acamax ca Nucën Papa Diosan nëtënu ꞌëbë ꞌiti ꞌicë quixun ꞌën mitsu cacë bana ënë ca ꞌën unicaman camabi menu ꞌicë unicaman cuanun ñuixunti ꞌicën. Usaquian camabi menu ꞌicë unicama ñuixuncëbë ca ꞌëx utëcëncëbë ënë mecama cëñúnuxun ꞌaia.

Mateo 3:2

Bana ñuixunquin ca cacëxa: —Anun Nucën Papa Diosan abë upí ꞌinun mitsu ainan ꞌimiti nëtë ca ꞌurama ꞌicën. Usa ꞌain ca Nucën Papa Diosmi sináncë ꞌaíshmabi sinanati ami sinan.

Marcos 16:15

Usaquin caxun ca atu cacëxa: —Camabi menu cuanquin camina, ꞌëmi catamëti, aín ꞌucha tërë́ncë ꞌaish ca uni Nucën Papa Diosnan ꞌiti ꞌicë quixun camabi unían ꞌunánun, bana ñuixunti ꞌain.

Marcos 6:12

Usaquin caquian xucëx cuanquin ca —ainan ꞌinux camina Nucën Papa Diosmi sinanati ꞌai —quixun caquin unicama bana ñuixuancëxa.

Lucas 10:1

Usaía ꞌicëbëtan ca Jesusan bëtsi bëtsi me ꞌimainun bëtsi bëtsi ëmanu bana ñuixuni cuanti sináncëxa. Usaquin sinánquin ca aín ꞌunánmicë uni mëcën rabë́ ꞌimainun rabë́ acama xuquinma, uni raíri setenta caístancëxun rabë́ rabë́, uinu cuanti cara an sinánxa anu atux pain cuanun xuacëxa.

Lucas 10:11

Nunu mitsu cacë bana cuatíma ca Nucën Papa Diosan iscëx ꞌaisama ꞌicë quixun mitsun ꞌunánun cananuna nun taxacanua ꞌicë mitsun ëmanu ꞌicë me cupúcë tërë́nbianin. Nux cuancë ꞌaínbi camina ꞌunánti ꞌain, axa Jesúsmi catamëcëcama Nucën Papa Diosan anun ainan ꞌimiti nëtë ca ꞌurama ꞌicë quixun.

Lucas 10:9

Camina anua ꞌicë ꞌinsíncë unicama pëxcuquin, ꞌëmi catamëtia Nucën Papa Diosan anun a ainan ꞌimiti nëtë ca ꞌurama ꞌicë quixun cati ꞌain.

Lucas 16:16

Ësaquinribi ca Jesusan cacëxa: —Juan ucëma pan ꞌain ca Moisés ꞌimainun an Nucën Papa Dios quicë bana uni ñuixuncë unicaman ꞌë ñuiquin unicama ñuixuancëxa. A unicama caxu uquin ca Juanën ꞌë ñuiquin, axa utia judíos unicaman caíncë, ax ca uaxa quiquin unicama ñuixuanxa. Usa ꞌain ca ꞌënribi, ꞌëmi catamëcë unicama ca Nucën Papa Diosnan ꞌiti ꞌicë quixun ñuixunia cuanan ꞌën ñu ꞌaia isi ꞌaisamaira unix Nucën Papa Diosnan ꞌiti sinania.

Lucas 9:11

Usa ꞌain ca —anu ca Jesús ꞌicë —quixuan chanioia cuabiani, a nuibiani cuanx ꞌaisamaira uni anua Jesús ꞌicë anu cuancëxa. Usaía ꞌitsa uni riquiania ca Jesusan acama nuibaquin, Nucën Papa Diosan ca axa ꞌëmi catamëcë unicama ainan ꞌimiti ꞌicë quixun ñuixuancëxa. Ñuixuanan ca ꞌinsíncë unicama pëxcüacëxa.