Lucas 9:19 - Kashibo-Kakataibo Biblia

¹⁹ Cacëxun ca cacëxa: —Raírinëx ca quia, mix ismina Juan, an uni nashimicë, a ꞌain. Raírinëx ca quia, mix ismina Elías a ꞌain. Raírinëxribi ca quia, mix ismina an Nucën Papa Dios quicë bana unicama ñuixuncë unicamaxa bama a achúshinëxa baísquicë a ꞌain.

Nukën 'Ibu Diosan ain unikama 'inan ain bana

¹⁹ Cacëxun ca cacëxa: —Raírinëx ca quia, mix ismina Juan, an uni nashimicë, a 'ain. Raírinëx ca quia, mix ismina Elías a 'ain. Raírinëxribi ca quia, mix ismina an Nucën Papa Dios quicë bana unicama ñuixuncë unicamaxa bama a achúshinëxa baísquicë a 'ain.

Lucas 9:19 Iomraidhean Croise

Malaquías 4:5

Mitsun kamina ꞌunánti ꞌain: ꞌËn kana an ꞌën bana ñuikë Elías ꞌëx anun uti nëtë ꞌikëmapan ꞌain xuti ꞌain, a nëtëx ka achúshi nëtë chaiira ꞌaish ami rakuë́ti ꞌiti ꞌikën.”

Mateo 14:2

Cuaquin ca Herodesnën ratúquin, an ñu mëëmicë unicama cacëxa: —Jesús, ax ca Juan, an uni nashimicë, a ꞌicën. Bamaxbi ca baísquiaxa. Usa ꞌixun ca uni itsían ꞌacëma ñu ꞌaia.

Mateo 3:1

Jesús Nazaretnu ꞌain ca Juan, an unicama nashimicë, ax Judea nëtënu ꞌaish anu uni ꞌicëma menu ꞌiacëxa. Anuxun ca an bana ñuia cuati cuania unicama bana ñuixuancëxa.

Marcos 6:14

Usa ꞌain ca uni itsían ꞌacëma ñua Jesusan ꞌaia unicaman chaniocëxa. Chanioia cuati ca Galileanu ꞌicë ꞌapu, Herodes, quiacëxa: —Ax ca Juan, an uni nashimicë, a ꞌicën. Bamaxbi ca baísquiaxa. Usa ꞌixun ca uni itsían ꞌacëma ñu ꞌaia.

Marcos 6:15

Usai quicëbëa raírinëx —ax ca Elías ꞌicë —quimainun ca raírinëxribi —ax ca an Nucën Papa Dios quicë bana uni ñuixuncë unicamaxa bëráma ꞌiásaribi uni a ꞌicë —quiax quiacëxa.

Lucas 9:18

Nëtë itsían Jesús aín Papa Diosbë banamainun ca aín ꞌunánmicë unicamaxëshi abë ꞌiacëxa. Anu ꞌicë ca Jesusan aín ꞌunánmicë unicama ñucáquin cacëxa: —¿Ui caraisana ꞌëx ꞌai quiax cara unicama quin?

Lucas 9:20

Cacëxun ca Jesusan aín ꞌunánmicë unicama cacëxa: —¿Atúxa usai quimainun caramina mitsux ꞌëx caraisna ui ꞌai quin? Quia ca Pedronën cacëxa: —Mix camina Cristo, Nucën Papa Diosan ënu unun xuti, axa uti nun caíncë, a ꞌain.

Juan 1:21

Cacëxun ca cacëxa: —¿Ama ꞌaish caina ui ꞌain? ¿Elías caina ꞌain? Quixuan cacëxun ca cacëxa: —ꞌËx cana ama ꞌain. Cacëxun ca ñucátëcëancëxa: —¿An Nucën Papa Dios quicë bana unicama ñuixunti uni, axa uti a caina mix ꞌain? Cacëxun ca —ama cana ꞌai —quixun cacëxa.

Juan 1:25

Usa ꞌixun ca Juan catëcëancëxa: —¿Mix Cristoma ꞌianan Elíasma ꞌianan an Nucën Papa Dios quicë bana unicama ñuixunti, axa uti ama ꞌixunbi caina min uisa cupí unicama ꞌunpaxan nashimin?

Juan 7:40

Ësaquian Jesusan cacëxun cuati ca axa timëcamëꞌëocë uni raírinëx: —Ënëx ca an Nucën Papa Dios quicë bana unicama ñuixuni utinu nun caíncë a ꞌicë —quiacëxa.

Juan 9:17

Usai Jesús ñui quiquin ca bëpë́xcucë uni amiribishi ñucátëcëancëxa: —¿Min sináncëx cara an mi bëpë́xcucë uni ax uisa uni ꞌic? Cacëxun ca cacëxa: —ꞌËn sináncëx ca ax an Nucën Papa Dios quicë bana uni ñuixuncë uni a ꞌicën.