Lucas 9:18 - Kashibo-Kakataibo Biblia

¹⁸ Nëtë itsían Jesús aín Papa Diosbë banamainun ca aín ꞌunánmicë unicamaxëshi abë ꞌiacëxa. Anu ꞌicë ca Jesusan aín ꞌunánmicë unicama ñucáquin cacëxa: —¿Ui caraisana ꞌëx ꞌai quiax cara unicama quin?

Nukën 'Ibu Diosan ain unikama 'inan ain bana

¹⁸ Nëtë itsían Jesús aín Papa Diosbë banamainun ca aín 'unánmicë unicamaxëshi abë 'iacëxa. Anu 'icë ca Jesusan aín 'unánmicë unicama ñucáquin cacëxa: —¿Ui caraisana 'ëx 'ai quiax cara unicama quin?

Lucas 9:18 Iomraidhean Croise

Mateo 14:23

Xutancëxun anu ꞌicë unicama cabiani ca Jesús axëshi matánu Nucën Papa Diosbë banai cuancëxa. Nucën Papa Diosbëa banamainun ca bari cuabuacëxa. Bari atsíncëbëa baquíshcëbë Jesús axëshi anu ꞌimainuan

Mateo 26:36

Olivos cacë matánu cuanbaiti Getsemaní cacë me mëníocë, anu bëbaquin ca Jesusan aín ꞌunánmicë unicama cacëxa: —ꞌËx ꞌuriax Nucën Papa Diosbë banamainun ca ënu tsóxun ꞌë cain.

Lucas 11:1

Nëtë itsin aín Papabë banatancëxa sënënia ca aín ꞌunánmicë uni achúshinën Jesús cacëxa: —Juanën ca aín ꞌunánmicë unicama Nucën Papa Diosbë banati ꞌunánmiaxa. Usaribi oquin camina nuribi abë banati ꞌunánmiti ꞌain.

Lucas 3:21

Sipuacëma pan ꞌixun unicama nashimianan ca Juanën Jesúsribi nashimiacëxa. Nashimicëx aín Papa Diosbë banacëbë ca naí panárabëacëxa.

Lucas 6:12

Usa ꞌain ca aín Papabë banai Jesús matánu cuancëxa. Cuantancëx ca imë́ ꞌuxti tëai abë banacëxa.

Lucas 9:19

Cacëxun ca cacëxa: —Raírinëx ca quia, mix ismina Juan, an uni nashimicë, a ꞌain. Raírinëx ca quia, mix ismina Elías a ꞌain. Raírinëxribi ca quia, mix ismina an Nucën Papa Dios quicë bana unicama ñuixuncë unicamaxa bama a achúshinëxa baísquicë a ꞌain.

Lucas 9:28

Usaquin aín ꞌunánmicë unicama catancëx ca mëcën achúshi ꞌimainun rabë́ ꞌimainun achúshi nëtësa ꞌicëbë aín ꞌunánmicë uni raíri ëbiani Pedrocëñun Juan, Jacobo, acamaíshi buani Jesús matánu Nucën Papa Diosbë banai cuancëxa.

Lucas 9:29

Anu cuantancëx bëbatancëx aín Papa Diosbë banai ca aín bëmánan bëtsiacëxa. Bëtsicëbë ca aín chuparibi uxuira ꞌaish ichu ichuquicë ꞌiacëxa. Usaía ꞌia ca Pedro, Juan, Jacobo, acaman isacëxa.