Lucas 8:48 - Kashibo-Kakataibo Biblia

⁴⁸ Ñuixuncëxun ca Jesusan cacëxa: —ꞌËn cana mi pëxcuti ꞌai quixun asérabi sinani camina pëxcúan. Chuámashi ꞌaish ca cuantan.

Nukën 'Ibu Diosan ain unikama 'inan ain bana

⁴⁸ Ñuixuncëxun ca Jesusan cacëxa: —'Ën cana mi pëxcuti 'ai quixun asérabi sinani camina pëxcúan. Chuámashi 'aish ca cuantan.

Lucas 8:48 Iomraidhean Croise

2 Reyes 5:19

Ësokin kakëxun ka Eliseonën kakëxa: —Kamina upitax kuankin me chukúma buánti ꞌain. Usakian kakëx ka Naamán anuax kuankëxa. Kuania ꞌurikikiani kuankëbëtan ka

Éxodo 4:18

Usa ꞌain ka Moisés aín kuku Jetró ꞌikëbi Reuel kakinribi anëkë aín xubunu kuantëkëankëxa, kuanxun ka aín kuku kakëxa: —ꞌË karamina Egipto menu kuantëkëntanun xutima ꞌain. ꞌËn aintsi ꞌibukama kara anu tsótaxa kana isi kuainsatanin. —Usakian kakëxun ka aín kuku Jetrónën asábi ka usa ꞌain kamina bërúanx kuantankëxun isi kuanti ꞌai —kixun kakëxa.

Mateo 12:20

Pëcú pëchi sitan oquin pësínpacë a ca xanun ꞌaisama ꞌicë putia. Usa ꞌaínbi ca ꞌën Bëchicënën uni ꞌaisama ꞌaísha ꞌuchañu ꞌaíshbi ainan ꞌiisa tania cuantánun xutima ꞌicën. Lamparín bënabuti cuíncësa ca axa ami sinanibi ami cushiiracëma uni ax ꞌicën. Usa unibi ca ainan ꞌiaxma cuantánun xutima ꞌicën. Anun camabi ñu ꞌaisamacama cëñuti nëtë utámainun ca aín cushínbi ami catamëcë unicama ꞌaquinti ꞌicën.

Mateo 8:13

Usaquin unicama catancëxun ca Jesusan capitán cacëxa: —Camina min xubunu cuanti ꞌain. ꞌËmi catamëquinmi ꞌën usoquin ꞌaxúnun quixun ꞌë cacësabi oi ca min uni pëxcutia. Jesús ësai quicëbëshi ca capitanën ñu mëëmicë uni anu ꞌaíshmabi pëxcüacëxa.

Mateo 9:2

Bëbacëbëa ꞌitsa uni timë́cëbëtan ca raírinën uni achúshi ñucë nirucuaínquinbi tancëma bacë́tinu racánxun bëacëxa. Bëquin ca —Jesusan ca ënë uni pëxcuti ꞌicë —quixun aín nuitu mëu sináncëxa. Sinania atun sinan ꞌunánquin ca Jesusan ñucë uni cacëxa: —Chuámashi ca ꞌit. Min ꞌuchacama ca tërë́ncë ꞌicën.

Mateo 9:22

Ticaia tani niracëti cuainacëquin ca Jesusan a xanu mëraquin cacëxa: —Camina chuámarua ꞌiti ꞌain. ꞌËn cana mi pëxcuti ꞌai quixun asérabi sinani camina pëxcúan. Cacëxëshi ca pëxcúacëxa.

Marcos 5:34

Cacëxun ca Jesusan cacëxa: —ꞌËn cana mi pëxcuti ꞌai quixun asérabi sinani camina pëxcúan. Usai camina ꞌitëcëniman. Chuámashi ꞌaish ca cuantan.

Lucas 17:19

Usai quitancëxun ca Jesusan Samarianu ꞌicë uni cacëxa: —ꞌËn mi pëxcuti sinani ꞌëmi catamëti camina pëxcúan. Niruquiani ca cuantan.

Lucas 18:42

Cacëxun ca Jesusan cacëxa: —Ca bëpë́quit. ꞌËn mi bëpë́xcuti sinani ꞌëmi catamëti camina bëpë́xcüan.

Lucas 7:50

Usaía cananmainun ca Jesusan a xanu cacëxa: —ꞌËn min ꞌucha tërë́nti sinani ꞌëmi catamëti camina min ꞌucha tërëncë ꞌain. Chuámashi ꞌaish camina cuanti ꞌain.

Lucas 8:47

Usai quia cuati, —an ca ꞌunania —quixun sinani racuëti bërërui, anu cuanx aín bëmánon rantin puruni tsóbuquin ca axa pëxcúcë xanun, unicaman cuamainunbi, uisacasquin cara a ticaxa quixun ñuixuanan aín chupa ticaíshia pëxcúcë aribi Jesús ñuixuancëxa.

Hechos 14:9

Usa ꞌixun ca a unin tsóxun Pablonëan bana ñuia cuacëxa. Cuatia isquin ca Pablonën, ënë unin ca —Nucën Papa Diosan ca ꞌë pëxcuti ꞌicë —quixun sinania quixun ꞌunáncëxa.

2 Corintios 6:18

ꞌImianan cana mitsun Papa ꞌiti ꞌain. ꞌIcëbë camina mitsux, bëbu ꞌimainun xanucamaxribi, ꞌën bëchicë ꞌiti ꞌain. Usai cana mitsun ꞌIbu Dios, cushiira, ꞌëx quin.

Hebreos 4:2

A me anu chuámarua ꞌiti ñui quicë bana a ca nucën raracaman cuacëxa. Cuaquinbi ca —asérabi ca a menunu ꞌinun nu buánti ꞌicë —quixun sinánma ꞌicën. Usa ꞌaish ca a ñuixuan menu bëbama ꞌicën. Anu nucën raracama bëbama ꞌaínbi ca Nucën Papa Diosan nucën rara cásaribi oquin nux Jesucristomi catamëti aín nëtënu abë ꞌinux ië́ti bana ñuiquin nuribi caxa.

1 Samuel 1:17

Kixun kakëxun ka —chuámarua kamina kuanti ꞌain —kixun Elínën kakëxa—, ꞌimainun ka Israelkaman Diosan ka min ñukákësabi okin mi ꞌinánti ꞌikë kixun kakëxa.