Lucas 8:46 - Kashibo-Kakataibo Biblia

⁴⁶ Usaquian cacëxun ca Jesusan cacëxa: —ꞌËn cushin ca uni pëxcúaxa quixun cana ꞌën sinanënshi ꞌunanin. Usa ꞌain cana ꞌunanin, achúshi unin ca ꞌë ticaxa quixun.

Nukën 'Ibu Diosan ain unikama 'inan ain bana

⁴⁶ Usaquian cacëxun ca Jesusan cacëxa: —'Ën cushin ca uni pëxcúaxa quixun cana 'ën sinanënshi 'unanin. Usa 'ain cana 'unanin, achúshi unin ca 'ë ticaxa quixun.

Lucas 8:46 Iomraidhean Croise

Lucas 5:17

Nëtë itsían xubunuxun Jesusan bana ñuixuncëbë ca fariseo unicama ꞌimainun an Moisésnën cuënëo bana uni ꞌunánmicë unicamaribi anu tsócë ꞌiacëxa. Acamax ca Galilea menu ꞌicë ëmacama ꞌimainun Judea menu ꞌicë ëmacama ꞌimainun Jerusalénuaxribi ricuatsincë ꞌiacëxa. Usa ꞌain ca bana ñuixuanan ꞌinsíncë unicama pëxcunun Nucën Papa Diosan cushiocë Jesús ꞌiacëxa.

Lucas 6:19

Jesusan aín cushínbi ꞌitsa uni pëxcucë cupí ca anu ꞌicë ꞌinsíncëcaman —ꞌën ticacëxuinshi ca ꞌëribi pëxcuti ꞌicë —quixun sinani a ticanux tsitsíruacëxa. Usaía ꞌia ca Jesusan ꞌinsíncë unicama pëxcüacëxa.

Lucas 8:47

Usai quia cuati, —an ca ꞌunania —quixun sinani racuëti bërërui, anu cuanx aín bëmánon rantin puruni tsóbuquin ca axa pëxcúcë xanun, unicaman cuamainunbi, uisacasquin cara a ticaxa quixun ñuixuanan aín chupa ticaíshia pëxcúcë aribi Jesús ñuixuancëxa.

1 Pedro 2:9

A unicama usa ꞌaínbi camina mitsux Nucën Papa Diosan ainan ꞌinun caísa ꞌain. Usa ꞌixun camina ax cuëëncësabi oquin ꞌanan aín unicama a ñucáxunin. Camina an ꞌimicëx upí ꞌaish aín uni ꞌain. Usa ꞌixunmi a rabiquin an ꞌacë ñucama camabi uni ñuixunun ca Nucën Papa Diosan mitsu ainan ꞌinun caísacëxa. Mitsux bëráma bëánquibucënu nicësa ꞌiá ꞌaíshbi camina bërí an ꞌimicëx xabánu nicësa ꞌain, axa mitsubë ꞌain.