Lucas 8:44 - Kashibo-Kakataibo Biblia

⁴⁴ Usa ꞌixun ca —Jesusan ca ꞌë pëxcuti ꞌicë —quixun sinani, a caxu cuanquin aín chupa ticacëxa. Ticaíshi ca aín imicë nëtë́acëxa.

Nukën 'Ibu Diosan ain unikama 'inan ain bana

⁴⁴ Usa 'ixun ca —Jesusan ca 'ë pëxcuti 'icë —quixun sinani, a caxu cuanquin aín chupa ticacëxa. Ticaíshi ca aín imicë nëtë́acëxa.

Lucas 8:44 Iomraidhean Croise

Éxodo 15:26

ꞌInánkin ka kakëxa: ꞌËx mitsun Dios ꞌixun kana ësokin mitsun kain, ꞌën kuëënkësa okin ꞌanan, ꞌën mi kakë ënë bana tankin ax kikësabiokin ꞌakëbëtan kana, uisa ñubi an mikama ꞌatima onun egipcio unikamanu xukësokin xutima ꞌain, ꞌëx kana Nukën ꞌIbu an mitsu uisaibi ꞌitima okin bërúankë a ꞌimainun, uinu kaina kuani anuabi mitsu ꞌën uni ꞌikë bërúanti a ꞌain.

Malaquías 4:2

ꞌAínbi ka an ꞌëx kikësabiokin ꞌakë unikama mitsunan, ꞌën ꞌakë ñu upíkama ax. Barin urukin pë́kabëtsinkësa usaribi ꞌiti ꞌikën, an ka mitsu ië́miti ꞌikën. Usakin ꞌakëx kamina kuëëni vaca bakëkama anuxun pimikë xubunuax chikiti chirinkë usairibi ꞌikanti ꞌain.

Mateo 20:34

Usaquian cacëxun nuibaquin ca Jesusan atu bëmëëacëxa. Bëmëëcëxuinshi ca isacëxa. Isi cuëënquiani ca Jesúsbë cuancëxa.

Mateo 8:3

Cacëxun aín mëcënan ramëquin ca Jesusan ꞌinsíncë uni cacëxa: —Cana mi ꞌati ꞌain. Min nami ca upí ꞌitëcëni motia. Usaquian cacëxëshi moti ca aín ñucë nëtë́acëxa.

Mateo 9:20

Cuaniabi ca xanu achúshi ñucë, ax mëcën rabë́ ꞌimainun rabë́ baritia imia ꞌaíshbi aín imi nëtë́cëma, an —aín chupa ticaishi cana pëxcúti ꞌai —quixun sinánquin, a caxu cuanquin Jesusan chupa cuëbí ticacëxa.

Marcos 6:56

Uinu cara Jesús cuania, ëma chucúmara ꞌimainun ëma chacamanuribi cara cuania, anuxun ca me mëníocënu uni ꞌinsíncëcama Jesusan chupa ticanun quixun bëquin racáncëxa. Bëcëxun ca ñucë unicaman Jesus —min chupa cuëbíshi ca nu ticamit —quixun cacëxa. Ësaquin caquin ticáishi ca ꞌinsíncë unicamax pëxcúacëxa.

Lucas 13:13

Caquian ramëcëxëshi ca chairui asábi ꞌiacëxa. Usai ꞌiquin ca Nucën Papa Dios rabiacëxa.

Lucas 7:38

Uxun ca a caxu uax aín taë ꞌicë anu nitsax inquin aín bëun Jesusan taënu tuscaquin tachabocëxa. Usaquin ꞌaquin ca aín bunbi tatërëanan tatsucucaquin ꞌinínti ron ꞌacëxa.

Lucas 8:43

A unicama nëbë́tsi ca achúshi xanu ꞌinsíncë ꞌiacëxa. A xanux ca mëcën rabë́ ꞌimainun rabë́ baritia imia ꞌaíshbi aín imi nëtë́cëma ꞌiacëxa. Bëtsi bëtsi rucuturuan roncëxun a cupíoquin aín ñucama cëñuibi ca pëxcúama ꞌicën.

Lucas 8:45

Usai ꞌicëbëtan ca Jesusan cacëxa: —¿Uin cara ꞌë ticax? Cacëxun ca a rapasu ꞌicë unicaman —ꞌën cana mi ꞌacëma ꞌai —quixun cacëxa. Camaxunbia usaquin cacëbëtan ca Pedro ꞌimainun abë ꞌicë unicaman cacëxa: —Mi ca ꞌaisamaira unin titicaquin chacatisaira oia. ¿Usa ꞌaínbi caramina, uin cara ꞌë ticaxa, quiax quin?

Juan 5:13

Cacëxunbi ca ꞌaisamaira uni anu ꞌaían Jesús ꞌuri cuan, ui unin cara a pëxcüaxa quixun ꞌunánma ꞌicën.

Hechos 19:12

Usa ꞌain ca amia Pablo ratíquicë chupa ꞌimainun pañun abia anu buania mëëi uni ñucëcamax pëxcúacëxa, pëxcúmainun ca ñunshin ꞌatimacamaxribi uninuax chiquíacëxa.

Hechos 5:15

Usa ꞌain ca camabi unin, uni ꞌinsíncëcama aín bacë́tinën bëxun bëxun, anúan Pedro uti bainu nancëxa, Pedro cuaíncëbëtan aín tupë́oncëinshi pëxcúnun quixun.