Lucas 8:3 - Kashibo-Kakataibo Biblia

³ a ꞌimainun Juana, Chuza, an Herodes ꞌaquincë uni aín xanu, a ꞌimainun Susana, acama ꞌimainun an Jesús ñu ꞌinánquin ꞌaquincë xanu raíriribi ꞌiacëxa.

Nukën 'Ibu Diosan ain unikama 'inan ain bana

³ a 'imainun Juana, Chuza, an Herodes 'aquincë uni aín xanu, a 'imainun Susana, acama 'imainun an Jesús ñu 'inánquin 'aquincë xanu raíriribi 'iacëxa.

Lucas 8:3 Iomraidhean Croise

Mateo 14:1

Usa ꞌain ca unicaman Jesús ñuiquin chanioia Galileanu ꞌicë unicaman ꞌapu, Herodes, an cuacëxa.

Mateo 14:3

An Juan aín uni tëbíscamia ꞌaish ca usai Herodes quiacëxa. Ësai ca ꞌiacëxa: Herodes, an ca aín xucën Felipenën aín xanu, Herodías, a biacëxa. Usa ꞌain ca —minmi a xanu biti ca ꞌaisama ꞌicë —quixun Juanën Herodes cacëxa. Cacëxun ca Herodesnën aín unicama Juan bimiacëxa. Bimixun ca nëamixun sipuamiacëxa.

Mateo 14:6

Usa ꞌaínbi ca anúan bacë́an nëtën Heródesnën camicëx uxúan unicaman pimainun, Herodíasnën tuá xanu xuntacu ax upiti bairani ransacëxa. Usai ꞌia isi ca Herodes chuáma tani cuëëancëxa.

Mateo 2:11

Cuanx a manámia ꞌispa niracëcë xubu anu atsínxun ca anua a tuá Jesús aín tita Maríabë ꞌicë mëracëxa. Mërai rantin puruni tsóbuquin ca Jesús rabiacëxa. Rabiquin ca atun bunánti bacáxun anua buáncë curi ꞌimainun tsëpasa ñu ꞌaíshbi nëëncëx sanuira a ꞌimainun i baca sanuira acama ꞌináncëxa.

Mateo 20:8

Usa ꞌain ca ñantánbucëbëtan cuënxun naë ꞌibun aín uni caxa: An ꞌë ñu mëëxuncë unicama cuëntancëxun camina camabi cupíoti ꞌain. Axa tsiáncuatsini ucë uni acama pain camina cupíoti ꞌain. Usotancëxun camina raíri unicamaribi cupíotancëxun axa bëráma upuncë unicamaribishi cupíoti ꞌain.

Mateo 25:40

Cacëxun cana ꞌëx ꞌApuira ꞌixun ꞌën unicama cati ꞌain: ꞌËn cana asérabi mitsu cain, mitsun ꞌën xucë́ncama achúshi, uni raíribë sënë́nmara ꞌicëbi ꞌaquinquin camina ashi ꞌaquincëma ꞌain, camina ꞌëribi ꞌaquian.

Mateo 26:11

Camabi nëtën camina ñuñuma uni isin. Usa ꞌaínbi camina mitsun xënibuquin ꞌë istima ꞌain.

Mateo 27:55

Jesús ñu ꞌaxúnuxa Galileanuax abë ucë ꞌitsa xanúxribi ca anu ꞌiacëxa, anu ꞌixun ca ꞌura nixun isacëxa.

Lucas 24:10

Usaquian an Jesusan ꞌunánmicë unicama ñuixuncë xanucama ax ca ꞌiacëxa, María Magdalena ꞌimainun Juana ꞌimainun Jacobonën tita María, ꞌimainun axa atubë ꞌicë xanucamaribi.

Juan 12:6

Asérabi ñuñuma unicama nuibati sinani ca usai Judas quiáma ꞌicën. Ax an curíqui mëcamacë uni ꞌixun, anua Jesusan aín ꞌunánmicë unicamabëtan curíqui ꞌarucë burasa bërúanquin, anua curíqui mëcamacë ꞌaish ca usai quiacëxa.

Hechos 13:1

Antioquíanu ꞌicë axa Jesucristomi catamëcë unicama raírinëx ca an Nucën Papa Diosan sinánmicëxun bana uni ñuixuncë uni ꞌiacëxa, raírinëx ca an aín bana unicama ꞌunánmicë ꞌiacëxa. Usa ꞌain ca Bernabé ꞌimainun Simeón ꞌicëbi Tunan Uni caquinribi anëcë, a ꞌimainun Cirene menu ꞌicë uni, Lucio, a ꞌimainun Manaén, axa Galilea menu ꞌicë ꞌapu Herodes, abë canicë, a ꞌimainun Saulo, acamax Antioquíanu ꞌiacëxa.

2 Corintios 8:9

Uisaira oquin cara Nucën ꞌIbu Jesucristonën nu nuibatia quixun camina ꞌunanin. Mitsúxmi chuámarua ꞌianan aín nëtënu xënibua ꞌaínbi abë ꞌiti cupí ca ax aín Papan nëtë upí ëbëtsini ënë menu ñuñuma ꞌinux uacëxa.

Filipenses 4:22

Axa Jesucristomi catamëcë ënu ꞌicë unicamabëtan ca atúxribi Jesucristonan ꞌixun Romanu ꞌicë ꞌapu Césarnën xubunu ꞌicëcamanribi bërúanxmi ꞌicanun mitsu canun ꞌë caxa.

1 Timoteo 5:10

Upí oquian ñu ꞌaia unin ꞌunáncë ca ꞌiti ꞌicën. Cara aín tuá upí oquin canioxa, cara uni ꞌimainun xanu a isi aia upí oquin biaxa, cara axa Jesucristomi catamëcë unicama ꞌaquianxa, cara axa tëmëracë unicama chuámarua ꞌinun ꞌaquianxa, ꞌimainun cara uisa ñu upíribi ꞌaxa quixun ꞌunáncë ꞌaish ca aín anë ꞌacë ꞌiti ꞌicën.