Lucas 8:18 - Kashibo-Kakataibo Biblia

¹⁸ An ꞌën bana cuaquin a bana quicësabi oquin ꞌacë uni a ca ꞌën bana itsiribia cuanun Nucën Papa Diosan ꞌunánmiti ꞌicën. Usa ꞌaínbi ca an ꞌën bana cuaquinbi sináncëma uni, a, an isa ꞌunánxa quixuan sináncë bana a camabi Nucën Papa Diosan manumiti ꞌicën. Usa ꞌain camina mitsun cuacë banacama upí oquin cuaquin, a bana quicësabi oquin ꞌati ꞌain.

Nukën 'Ibu Diosan ain unikama 'inan ain bana

¹⁸ An 'ën bana cuaquin a bana quicësabi oquin 'acë uni a ca 'ën bana itsiribia cuanun Nucën Papa Diosan 'unánmiti 'icën. Usa 'aínbi ca an 'ën bana cuaquinbi sináncëma uni, a, an isa 'unánxa quixuan sináncë bana a camabi Nucën Papa Diosan manumiti 'icën. Usa 'ain camina mitsun cuacë banacama upí oquin cuaquin, a bana quicësabi oquin 'ati 'ain.

Lucas 8:18 Iomraidhean Croise

Mateo 13:12

An ꞌën bana cuaquin a bana quicësabi oquin ꞌacë uni a ca ꞌën bana itsiribia cuanun Nucën Papa Diosan ꞌunánmiti ꞌicën. Usa ꞌaínbi ca an ꞌën bana cuaquinbi sináncëma uni a, an isa ꞌunánxa quixuan sináncë bana a camabi Nucën Papa Diosan manumiti ꞌicën.

Mateo 25:29

Uisa ñu cara a ꞌináncë ꞌicë anúan an cacësabi oquin ñu ꞌacë uni a ca aín ꞌibun ꞌinántabaquin ꞌináncësamaira oquin ꞌinántëcënti ꞌicën. Usonan ca anúan aín ꞌibu ñu ꞌaxuncëxunma a ꞌináncë ñu a aín ꞌibun bicuanti ꞌicën.

Marcos 13:14

Usaquin caxun ca Jesusan ësaquinribi aín ꞌunánmicë unicama cacëxa: —An Nucën Papa Dios quicë bana unicama ñuixuncë uni, Danielnëan a ñuiquin cuënëo uni ax ca ꞌatimaira ꞌicëa unin timacë ꞌaíshbi aín suntárucamabë uti ꞌicën. Aí ca ax anua ax ꞌitima anu ꞌiti ꞌicën. An ënë bana iscë uni an ca uisai quicë cara quixun ꞌunánti ꞌicën. Usai ꞌicëbë ca unicama ami racuëti Judea menu ꞌicë ëmacamanuax abáquiani matánu cuanti ꞌicën.

Lucas 19:26

Usaquin cacëxun ca aín ꞌapun caxa: Uisa ñu cara a ꞌináncë ꞌicë anúan an cacësabi oquin ñu ꞌacë uni a ca aín ꞌibun ꞌinántabaquin ꞌináncësamaira oquin ꞌinántëcënti ꞌicën. Usonan ca anúan ñu ꞌaxuncëxunma a ꞌináncë ñu a aín ꞌibun bicuanti ꞌicën.

Lucas 9:44

—Camina upí oquin cuati ꞌain. Cuaquin camina mitsun uisa ꞌixunbi manutima ꞌain, uni ꞌinux Nucën Papa Diosnuax uá ꞌë ca unin an raíri uni ꞌaminun uni ꞌinánti ꞌicën.

Juan 15:2

Usa ꞌixun ca an uinu ꞌicë ꞌën pëñanëx cara bimiñuma ꞌicë a tëaxun nia. Nianan ca uinu ꞌicë ꞌën pëñanëx cara bimiñu ꞌicë a upíira oquian tuanun ramëníoia.

Hechos 10:33

Cacëxun cana bënë́nquinshia mi bënun quixun uni xuëxan. Xucëxuan cacëx camina upí oquin sinánbëtsini atubë ënu uan. Usa ꞌain cananuna Nucën ꞌIbu Diosan nu ismainun ënu bërí ꞌain, an mi sinánmicëxunmi nu ñuixuncëxun cuanux.

Hechos 17:11

Atsínxuan bana ñuixuncëbëtan ca anua ꞌicë judíos unicaman, Tesalónica ëmanua ꞌicëcamasamaira ꞌixun, cuëënquin Pablonëan Jesús ñuiquin Nucën Papa Diosan bana ñuixunia cuacëxa. Cuaquin ca asérabi cara Pablonëan ñuixuncë bana ax ꞌicë quixun ꞌunáncasquin camabi nëtën Nucën Papa Diosan bana cuënëo isacëxa.

Romanos 12:3

Cristo ñuiquin aín bana unicama ñuixunun Nucën Papa Diosan caíscë ꞌixun cana mitsu cain, camabi unia Cristomi cushicë ꞌinun ꞌaquinun mitsu caíscë ꞌixun camina ui unínbi —ꞌëx cana bëtsi unibëtan sënë́nmaira ꞌiti ꞌai —quixun sinántima ꞌain. Uisa cara Nucën Papa Diosan mi ꞌimia, usa ꞌixun camina —usaishi cana ꞌiti ꞌai —quixun sinánti ꞌain. Sinánñu ꞌixun camina rabíquinma —Nucën Papa Diosan a ꞌanun ꞌë ꞌináncëxuinshi cana ñu ꞌai —quixun sinánti ꞌain.

1 Corintios 14:37

Micama an Nucën Papa Diosan sinánmicëxun uni bana ñuixuncë ꞌimainun a aín Bëru Ñunshin Upitan sinánmicë unicama, mitsun camina ꞌunánti ꞌain, ꞌën mitsu cuënëoxuncë banacama, ënëx ca an ꞌë sinánmicëxun ꞌacë ꞌicë quixun.

1 Corintios 3:18

Uni itsían mitsu sinanamiti rabanan camina bërúancati ꞌain. Mitsun camina —ꞌënbi ñu ꞌunáncë cana ꞌai —quixun sinántima ꞌain. Usaquin sinanima camina Jesucristonën sinánmicë ꞌinux ñu ꞌunáncëma unisa ꞌiti ꞌain.

1 Corintios 8:2

An —ꞌën cana ñu ꞌunan —quixun sináncë uni an ñu ꞌunánxunbi ca asérabi uisai ꞌiti cara quixun upí oquin ꞌunánima.

Filipenses 3:4

ꞌËx ꞌunántioracacë cupí cana judíos uni ꞌaish upí ꞌai quixuan atun sináncë ꞌaínbi cana ꞌëx ꞌiisa tani atúxa ꞌicësamairai rabítsian. Uinu ꞌicë unínbi ca ꞌën ꞌacësamaira oquin usai judíos unicama ꞌiti Moisésnën cuënëo bana quicësabi oquin ꞌacëma ꞌicën.

Hebreos 2:1

Usa ꞌain cananuna Nucën Papa Diosan Bëchicë ñui quicë bana a upí oquinra bëmë́quin cuati ꞌain, a bana manuquinma ax quicësabi oquin ꞌanuxun.