Lucas 8:16 - Kashibo-Kakataibo Biblia

¹⁶ Ësaquinribi ca Jesusan cacëxa: —Uinu ꞌicë unínbi ca lamparín bimitancëxun ñu tëmú an bëpánun nanan anu ꞌuxti tëmúribi nantima ꞌicën. Usaquin ꞌaquinma ca axa xubunu atsíncë unicaman upí oquin isnun, anu lamparín nanti, anu nanti ꞌicën.

Nukën 'Ibu Diosan ain unikama 'inan ain bana

¹⁶ Ësaquinribi ca Jesusan cacëxa: —Uinu 'icë unínbi ca lamparín bimitancëxun ñu tëmú an bëpánun nanan anu 'uxti tëmúribi nantima 'icën. Usaquin 'aquinma ca axa xubunu atsíncë unicaman upí oquin isnun, anu lamparín nanti, anu nanti 'icën.

Lucas 8:16 Iomraidhean Croise

Lucas 11:33

Ësaquinribi ca Jesusan cacëxa: —Uinu ꞌicë unínbi ca lamparín bimitancëxun xubu amo unëquin nanima. ꞌImainunribi ca bunánti buinaxun anun mapuquin nanima. Usoquinma ca axa xubunu atsíncë unicaman upí oquin isnun bimitancëxun anu lamparín nanti anu nania.

Lucas 8:15

Me upínua ñu bëru nipacëcë, usaribi ca raíri uni ꞌicën. A unicamax ca Nucën Papa Diosan bana asérabi cuacë ꞌixun aín nuitunubi racanaquin upí oquin sinánquin, uisai cara ñu ꞌicëbëtanbi ënquinma a bana quicësabi oquin ꞌaia. Atux ca ñu bëru me upínu nipacëax cotancëx canitancëxun tuaia ꞌaisamaira bimiñu usaribi ꞌicën.

Hechos 26:18

Minmi ꞌë ñuixuncëxa atux ñu ꞌatima ꞌatishi sinani bëánquibucënu nicësa ꞌaíshbi sinanaquin ñu upíshi ꞌati sinánun cana mi xutin, ñunshin ꞌatimanën ꞌapu Satanásnën ꞌibuacë ꞌaíshbi sinanatía Nucën Papa Diosnan ꞌinun. Usai ꞌëmi catamëcë ꞌaísha aín ꞌuchacama tërë́ncë ꞌinun cana atunu mi xutin. Usa ꞌain ca an mëníosabi oi atux aín unicamabë Nucën Papa Diosan nëtënu ꞌiti ꞌicën”.

Apocalipsis 1:20

ꞌIspa mëcën achúshi ꞌimainun rabë́mi ꞌën mëcën mëquenua iscë, ꞌimainun anu lamparín nanti mëcën achúshi ꞌimainun rabë́mi iscë, ax cara uisa ꞌicë quixun ꞌunánquinmabi camina ësa ca quixun ꞌunánti ꞌain, anu lamparín nanticama ax ca a mëcën achúshi ꞌimainun rabë́ ëmanuaxa ꞌëmi catamëti unicama ꞌunántioquin nancë ꞌicën. ꞌImainun ca mëcën achúshi ꞌimainun rabë́ ꞌispa ami iscë, ax a ëmacamanuxun an Nucën Papa Diosan bana unicama ñuixunquin ꞌunánmicë a unicama anun ꞌunántiocë ꞌicën.

Apocalipsis 11:4

An ꞌë ñuiquin unicama cati rabë́ uni axa rabë́ olivos cacë iisa ꞌimainun rabë́ anu lamparín nanti ñusa ꞌicë ax ca anua Nucën ꞌIbu Dios, axa camabi menu ꞌicë unicaman ꞌibu ꞌicë, a bëmánon nitsíncë, a ꞌicën.