Lucas 8:15 - Kashibo-Kakataibo Biblia

¹⁵ Me upínua ñu bëru nipacëcë, usaribi ca raíri uni ꞌicën. A unicamax ca Nucën Papa Diosan bana asérabi cuacë ꞌixun aín nuitunubi racanaquin upí oquin sinánquin, uisai cara ñu ꞌicëbëtanbi ënquinma a bana quicësabi oquin ꞌaia. Atux ca ñu bëru me upínu nipacëax cotancëx canitancëxun tuaia ꞌaisamaira bimiñu usaribi ꞌicën.

Nukën 'Ibu Diosan ain unikama 'inan ain bana

¹⁵ Me upínua ñu bëru nipacëcë, usaribi ca raíri uni 'icën. A unicamax ca Nucën Papa Diosan bana asérabi cuacë 'ixun aín nuitunubi racanaquin upí oquin sinánquin, uisai cara ñu 'icëbëtanbi ënquinma a bana quicësabi oquin 'aia. Atux ca ñu bëru me upínu nipacëax cotancëx canitancëxun tuaia 'aisamaira bimiñu usaribi 'icën.

Lucas 8:15 Iomraidhean Croise

Salmos 51:10

ꞌËn ꞌIbu Dios, ꞌatima ñu sinánxuma ꞌanun kamina ꞌë ëntima ꞌain. ¡ꞌIanan kamina upí sinánñu bërí ꞌinun ꞌë ꞌimiti ꞌain!

Jeremías 15:16

Uínsaran kaina min ꞌë kai anun kana ꞌëx upíokin min bana kuati piti nëishokin ꞌakë pi kuëënkë, usaribiti kuëënun ꞌë ꞌimiakëxa, minmi kakë bana an ka ꞌë kuëënun ꞌimiakëxa ꞌëx minan ꞌikë. Nukën ꞌIbu Dios mix kamina kamabi kushiñuira ꞌain.

Jeremías 31:33

Usa ꞌain ka achúshi ñu mëníokin ꞌën Israel unikamabëtan anun ꞌati nëtë aia, usa ka ꞌiti ꞌikën: Anun kana ꞌën bana aín nuitu mëu upíokin sinankian manukima aín maxkátan ꞌunánun ꞌamiti ꞌain. ꞌËx kana atun Dios ꞌiti ꞌain, ꞌimainun ka atux ꞌën unikama ꞌiti ꞌikën. ꞌËx mitsun ꞌIbu ꞌaish kana asérabi ësai kiakën.

Mateo 24:13

Usai ñu ꞌicëbëtanbia ꞌëmi sinánquin ëncëma unicamax ca Nucën Papa Diosan nëtënu ꞌëbë ꞌiti ꞌicën.

Lucas 11:28

Cacëxun ca Jesusan cacëxa: —Usa ꞌaínbi ca an Nucën Papa Diosan bana cuanan a bana quicësabi oquin ꞌacë uni, axira ꞌën titaxa cuëëncësamaira oi cuëënti ꞌicën.

Lucas 6:45

Iisaribi ca uni ꞌicën. Aín nuitu upí ꞌain ca uni upí ñu ñui upiti banaia. Usa ꞌaínbi ca raíri unix aín nuitu upíma ꞌain, upíma ñu ñui ꞌatimati banaia. Unix ca aín nuitu mëúa sináncësaribi oi aín cuëbitan banaia.

Lucas 8:14

Muxañu menua ñu bëru nipacëcë usaribi ca raíri uni ꞌicën. A unicaman ca Nucën Papa Diosan bana cuaquin —a bana quicësabi oi cana ꞌiti ꞌai —quixun sinania. Usaquin sinanibi ca ënë menu ꞌicë ñuishi sinánan ꞌitsa ñuñu ꞌaish cuëënti sinani, ñu bërúxa me chucu muxañu menuax aín bimi upiti pëcë́cëma, usaribi a unicama ꞌicën.

Lucas 8:16

Ësaquinribi ca Jesusan cacëxa: —Uinu ꞌicë unínbi ca lamparín bimitancëxun ñu tëmú an bëpánun nanan anu ꞌuxti tëmúribi nantima ꞌicën. Usaquin ꞌaquinma ca axa xubunu atsíncë unicaman upí oquin isnun, anu lamparín nanti, anu nanti ꞌicën.

Juan 14:15

Asérabi ꞌëmi sináncë ꞌixun camina ꞌën mitsu cacësabi oquin ñu ꞌati ꞌain.

Juan 15:10

Ax quicësabi oi ꞌia ca ꞌën Papa Diosan ënquinma ꞌë nuibatia. Usaribitimi ꞌëx quicësabi oi ꞌia cana ꞌënribi ënquinma mitsu nuibatin.

Romanos 2:7

Axa —Nucën Papa Diosan ca ꞌë upí isquin abë nëtë́timoi tsónun ꞌimiti ꞌicë —qui cuëëncë uni, an ca ënquinma Nucën Papa Dios cuëëncësabi oquin ñu ꞌaia. Usoquin an ꞌacë uni a ca Nucën Papa Diosan xënibua ꞌaínbi abë ꞌinun ꞌimia.

Romanos 6:22

Mitsúnmi ñu ꞌatima ꞌatëcënxunma ꞌanun Nucën Papa Diosan ꞌimicë ꞌixun camina ax cuëëncësabi oquin ꞌain. Usoquin ꞌaia ca Nucën Papa Diosan mitsu an iscëxmi upí ꞌinun ꞌimia. ꞌImianan ca nëtë́timoimi abë ꞌinun mitsu ꞌimia.

Romanos 7:18

Ënëx ca ësa ꞌicën. Cananuna ꞌunanin, nun sinan upíma ꞌixun cananuna ñu upí ꞌatima ꞌain. Ñu upíshi ꞌaisa tanquinbi cananuna nun sinan upíma ꞌixun ꞌaiman.

Romanos 7:4

ꞌËn xucë́antu, usaribi camina mitsux ꞌain. Usai uni ꞌiti bana quicësa oíshi ꞌiá ꞌaíshbi camina bërí abë axa bamaxbi baísquicë Cristo ami catamëti, aín bana quicësabi oíshi ꞌin. Usa ꞌixun camina ax cuëëncësabi oi ꞌiquin Nucën Papa Dios cuëënmin.

Romanos 8:25

Usa ꞌaínbi cananuna usaquin nu ꞌimicëma pain ꞌixun usai ꞌiti cainin. Cananuna —bëtsi cana ꞌiti ꞌai —quixun sinánquinbi uisa caranuna ꞌiti ꞌai quixun ꞌunánquinmabi a isnuxun —asérabi ca usai ꞌiti ꞌicë —quixun cuëënquin cainin.

1 Corintios 7:19

ꞌUnánti oracacë ꞌianan ꞌunánti oracacëma ꞌixunbia aín bana quicësabi oquin ꞌaia cuni ca Nucën Papa Diosan uni upí isia.

Efesios 2:8

Nuibaquin ca asérabi cuëënquin mitsúxmi Cristomi catamëti cupíshi mitsu ainan ꞌinun ië́miaxa. Mitsúnmi ñu upí ꞌacë cupíma ca Jesucristo bama cupíshi Nucën Papa Diosan ax cuëënquinshi mitsu ainan ꞌinun ië́miaxa.

Deuteronomio 30:6

Usa ꞌain ka Diosan mitsun nuitu mëníokin sinánmianan mitsun bakë bëchikëkamaribi ꞌati ꞌikën, an ka aín bana ꞌunámianan uisakin karamina mitsun a asérabi nuibati ꞌai kixun ꞌunánmiti ꞌikën usa ꞌain ka a aín nuitubëtanbi sinánkin a menu atux upitax ꞌitsa bari ꞌimi tsóti ꞌikën.

Filipenses 1:11

Jesucristonën ꞌaquincëxunmi mitsun ñu upíshi ꞌaia isquin ca unin —Nucën Papa Dios ax ca asérabi upí ꞌicë —quixun caquin a rabiti ꞌicën.

Colosenses 1:10

Mitsux usai ꞌi camina Nucën ꞌIbu Jesucristonan ꞌaísha uni ꞌicësai ꞌiti ꞌain. Usa ꞌaish camina ax cuëëncësabi oquinshi ꞌaquin, uisa ñu cara upí ꞌicë ashi ꞌanan, asérabi mitsun nuitu mëu upí oquin Nucën Papa Dios ꞌunánti ꞌain.

Colosenses 1:6

Nucën Papa Diosan ca usaquin nu nuibatia quixun unin ñuia mitsun cuacë a banabi ca bëtsi bëtsi menu cuanquin ꞌitsaira unin ñuia. Usa ꞌain ca unin ñuia cuatishimi mitsux ꞌicësaribiti camabi menu ꞌicë uni a bana cuati —asérabi ca —quixun sinani Jesucristomi catamëtia.

Hebreos 10:36

Jesucristo ucëbë ax quicësabi oi Nucën Papa Diosan nëtënu abë ꞌinuxun camina uni itsían mitsu tëmëramicëxbi a taníma usabi Cristomi catamëquin ax cuëëncësabi oquin ꞌati ꞌain.

Hebreos 2:1

Usa ꞌain cananuna Nucën Papa Diosan Bëchicë ñui quicë bana a upí oquinra bëmë́quin cuati ꞌain, a bana manuquinma ax quicësabi oquin ꞌanuxun.

Santiago 1:4

Mitsux usai ꞌinux camina ëníma Jesucristomi sinani uisa ñu cara ꞌicëbëbi masá nuitutima ami catamëcanti ꞌain.

1 Juan 2:3

Aín bana quicësabi oquin ꞌacë ꞌixun cananuna ꞌunanin, nux cananuna asérabi ainan ꞌaish a ꞌunáncë ꞌai quixun.