Lucas 7:7 - Kashibo-Kakataibo Biblia

⁷ Usa ꞌixun cana mi isi cuanti ꞌixunbi judíos uni caniacëcëshi mia canun can. ꞌËn unimi ꞌë pëxcuxuni unun quixun mi camixunbi cana mi camitëcënin, anuaxbimi ꞌën unia pëxcunun quiax quinun.

Nukën 'Ibu Diosan ain unikama 'inan ain bana

⁷ Usa 'ixun cana mi isi cuanti 'ixunbi judíos uni caniacëcëshi mia canun can. 'Ën unimi 'ë pëxcuxuni unun quixun mi camixunbi cana mi camitëcënin, anuaxbimi 'ën unia pëxcunun quiax quinun.

Lucas 7:7 Iomraidhean Croise

Salmos 107:20

Usakin ꞌakin ka aín banáinshi ñutisa ꞌikëbi pëxkútanun atu ꞌimiakëxa;

Salmos 33:9

An ka aín banakë anuinshia kamabi ñu uninun ꞌimiakëxa; ꞌianan ka ax usai ka ꞌiti ꞌikë kikëbë ñukamax usaibi ꞌiakëxa.

Éxodo 15:26

ꞌInánkin ka kakëxa: ꞌËx mitsun Dios ꞌixun kana ësokin mitsun kain, ꞌën kuëënkësa okin ꞌanan, ꞌën mi kakë ënë bana tankin ax kikësabiokin ꞌakëbëtan kana, uisa ñubi an mikama ꞌatima onun egipcio unikamanu xukësokin xutima ꞌain, ꞌëx kana Nukën ꞌIbu an mitsu uisaibi ꞌitima okin bërúankë a ꞌimainun, uinu kaina kuani anuabi mitsu ꞌën uni ꞌikë bërúanti a ꞌain.

Marcos 1:27

Usoia isi ca anu ꞌicë unicama ratúacëxa. Ratuti ca atúxbi canani quiacëxa: —¿Uisa bana cara ënëx ꞌic? Ënëx ca nun cuacëma bana ꞌicën. Ënë uni ca ñunshin ꞌatimanënbi aín bana cuatia. Uninuax —ca chiquit —quixuan cacëx ca chiquitia.

Lucas 4:36

Usoia isi ca anu ꞌicë unicamax ratúacëxa. Ratuti ca atúxbi canani quiacëxa: —¿Uisa bana cara ënëx ꞌic? Ënë unix ca ñunshin ꞌatimanënbia cuaisabi oi cushin banaia. Uninuax, ca chiquít, quixuan cacëx ca chiquitia.

Lucas 5:13

Cacëxun aín mëcënan ramëquin ca Jesusan ꞌinsíncë uni cacëxa: —Cana mi ꞌati ꞌain. Min nami ca upí ꞌitëcëni motia. Usaquian cacëxëshi moti ca aín ñucë nëtë́acëxa.

Lucas 7:6

Usaquian cacëx ca Jesús atubë cuancëxa. Cuanquían aín xubu raraobiancëbëtan ca capitanën aín ꞌunáncë uni raíri xuquin ësaquin Jesús camiacëxa: —Mixmi ꞌësamaira ꞌain cana mibë sënë́nma ꞌixun ꞌën xubunumi unun mi camiman.

Lucas 7:8

Cana ꞌunan min banáxbi ca cushi ꞌicë quixun. ꞌËn cana ꞌapun ꞌë cacësabi oquin ꞌain. ꞌËn suntárucamanribi ca ꞌën bana cuatia. ꞌËn suntáru —ca cuantan —quixun ꞌën cacëx ca cuania. —Ca ut —quixun ꞌën cacëx ca bëtsix aia. An ꞌë ñu mëëxuncë uni —ñu ca ꞌat —quixun ꞌën cacëxun ca ꞌaia. Usaribiti ca ꞌën ñu mëëmicë uni mixmi —ca pëxcúti ꞌicë —quicëbëshi pëxcúti ꞌicën.

Deuteronomio 32:39

ꞌËx kana asérabi Dios ira a ꞌain; usa ꞌain ka ꞌësaribi bëtsi Dioskama ꞌaíma ꞌikën. ꞌËn kana kamabi uni aín tsóti ꞌunanin, ꞌimainun kana anua ñuti nëtë aribi ꞌunanin; ꞌën kana uni ꞌaisama okin ꞌatima oxunbi aín ꞌatimakë a mëníoxunin. Uinu ꞌikë uníxbi ka ꞌëx kushiira ꞌain ꞌën ꞌatima okaskëx ënuax abáti ꞌaíma ꞌikën.

1 Samuel 2:6

Usa ꞌain ka Diosan uni tsónun ꞌimianan bamanun ꞌimia; ꞌimianan ka anu uni mainkënu ꞌimixunbi, anuabi uni baískimi tëkënia.